رد: ابتعاث المعاقين

السلام عليكم واللله يعطيك العافية على المعلومة ممكن سوال التقديم للجميع الدول ولا دول معينة واقدر اقدم الحين وشكرا

رد: ابتعاث المعاقين

مايقبلوني ماستر بجامعة قريبة مني :( ماأبي أسافر

شكرا الله ينفع بما كتب هنا
جزاك الله خير

رد: ابتعاث المعاقين

التقديم على جميع الدول المسموح بها من وزارة التعليم العالي للابتعاث ..... لان الابتعاث من المركز يتم تحويل المقبولين للوزارة

اختي ساره يوجد بعثات داخليه ولو استفسرتي من المركز او من نفس الوزارة راح يفيدونك .... وحتى مؤسسة الامير سلطان بن عبد العزيز الخيريه عندها ابتعاث لذوي الاحتياجات الخاصه داخلي وخارجي

موفقين يارب

رد: ابتعاث المعاقين

اخي ناصر بيض الله وجهك وجزاك الله الف خير .. هذا اولا
وثانيا.. عندي استفسار اذا مافيه كلفه عليك انا قدمت على البعثة عن طريق المركز لدراسة البكالوريوس والماستر يعني مده طويله شوي

سؤالي // هل يتم التنسيق مابين المركز وجهة العمل ام ان المركز ليس له علاقة يعني ( كل واحد يدبر نفسه )
لان عندنا نظام الموارد البشرية لايسمح الا بسنه واحدة فقط بدون راتب ... يعني ماقدامي حل الا الاستقالة وموضوع ترك الوظيفة هذا مسوي ليا هاجس بصراحة وخصوصا ان عندي عائلة

معليش اني طولت عليك لكن الموضوع هذا شغلي الشاغل

رد: ابتعاث المعاقين

السلام عليكم
الموضوع مرره عجبني
انا عندي اعاقه بس ابغا الابتعاث حق بنتي اذا ممكن هي نسبتها 98.83%
يااااريت احصل لها ابتعاااث لانها ماقبلوها وقاعده بالبيت حراام

رد: ابتعاث المعاقين

واياك يارب وكل مسلم

اذا وافقوا لك المركز على الابتعاث وارسلوا اوراقك لوزارة التعليم العالي يتم النظر هل انتي موظفه حكوميه او لا اذا موظفه حكومية يستبعدون اسمك التعليم العالي اما اذا كنتي موظفه في قطاع خاص زي مافهمت من حديثك .... انتظري لحد مايصدر لك ضمان مالي وقرار ابتعاث وبعدها قدمي استقالتك لان المركز ما راح يطلب تفريغ لك وشركات القطاع الخاص مايمكن تفرغك اكثر من سنه بدون راتب الا اذا كان الابتعاث عن طريقهم ....

انتي انظري الى مرتبك ودرجتك العلمية الحالية .... وقارنيها بعد الحصول على مؤهل افضل بأذن الله ..... وخصوصا ان المبتعث من ذوي الاحتيجات الخاصة يحصل على مكافأة بدل اعاقه اظافة الى مكافأة الطالب المبتعث

واستخيري والخيره فيما اختاره الله موفقه يارب

رد: ابتعاث المعاقين

وعليكم السلام ورحمة الله وبركاته

الله يعطيك الصحه يارب ... اللي اعرفه ان الابتعاث لذوي الاعاقة .. لكن انتي حاولي تتواصلي مع المسؤلة في المركز ربما هي تفيدك ان شاء الله

موفقه يارب

رد: ابتعاث المعاقين

السلام للجميع انا مخلصه الجامعه وياليت اكمل الماجستير قلت في نفسي اول بجيب تقرير طبي مادري من وين اجيب عندي تقرير من المستشفى التخصصي بالرياض والعسكري بس يوم كان عمري 7 سنين ولاقد طلعت اتصلت على التاهيل الشامل بمكه وردت علي قلت لها ابي تقرير ودي اقدم على بعثه قالت غلطانه وصكت السماعه بوجهي مشكله والرقم اخذته من استعلامات الدليل كم مره وصارت ماعاد ترد ياويله من ربي كان تقولي ماعندنا روحي للمكان الفلاني لاكن مااقول الاحسبي الله والنعم الوكيل نفسي اقدم على بعثه ياليت احد يساعدني من وين اجيب من مكه ولكم جزيل الشكر والامتنان

رد: ابتعاث المعاقين

وعليكم السلام ورحمة الله وبركاته ..... عندك طريقتين اذا كان عندك رقم مستفيد او بطاقة اعاقة او بطاقة تخفيض اجور الاركاب تروحي لادارة التأهيل وتكلمين المديرة وهي تعطيك مشهد وتوجهك لاي مستشفى لاستخراج تقرير طبي حديث بالحالة

الحل الثاني تاخذي تقريرك القديم وتروحي لمدير التقارير الطبيه بالمستشفى وتكلمي المدير يعطيك تقرير بناء على الحاله السابقة اذا كانت ولاديه او تقرير جديد بعد الكشف الجديد .... ونصيحة لك اذا استخرجتي اي تقرير طبي صور اكثر من نسخه واختميها من نفس المستشفى تحتاجيهم بعدين .......

بعدها ارسلي كامل اوراقك على مركز الامير سلمان او كلميهم يعلمونك الاوراق المطلوبة موفقه يارب

رد: ابتعاث المعاقين


الف الف شكر اجابة كاقي ووافية

رد: ابتعاث المعاقين

رد: ابتعاث المعاقين

مساك الله بالرضا والعافية والجميع ان شاء الله

طبعا هناك مرحلتين سابقة الاولى الان هم مبتعثون من سنه تقريبا وهذي ماعندي علم عن الرفض او القبول تجاههم

المرحله الثانيه البعض استخرج قبول والبعض الاخر في الطريق والجميع نزلهم ضمان مالي وعددهم تقريبا 81 متقدم ومتقدمه ووافقوا على الكل الا من كان موظف تابع لوزارة الخدمة المدنية وليس قطاع خاص او مؤسسات حكوميه ذاتية أو من كان عليه سابقه في الداخلية ..... لان الاسماء بعد موافقة المركز من خلال وضع الاعاقه وقدرت طالب الابتعاث على الدراسة والتأقلم في الخارج يتم المسح عن طريق وزارة الخدمة ووزارة الداخلية وبعدها تتم الموافقة النهائية عن طريق وزارة التعليم العالي


وفي الغالب تتم الموافقه على الجميع خاصة الماستر بغض النظر عن المعدل .....

موفقين يارب

رد: ابتعاث المعاقين

السلام عليكم انا ودي ادرس الماستر اوراقي كاملة بس التقرير الطبي قديم يوم كان عمري سبع سننين كيف اقدر اجيب نموذج تقرير ياليت دلوني على اي معلومة الله يجزكم الخير

رد: ابتعاث المعاقين

وعليكم السلام ورحمة الله وبركاته
اذا كانت الاعاقه ولاديه تاخذي التقرير القديم وتروحي لنفس الجهة اللي استخرجتي منها التقرير وبعد الكشف يعطونك تقرير جديد
عن طريق مدير التقارير الطبية
موفقه يارب

رد: ابتعاث المعاقين

دعواتكم ليه بقبووووووووووووولي حلمي ماقبل الأخييييييييييييير لازم أحققه(يارب يقبلوووووووووووووووووووووووني بالماجستير داخليا) من السبت رااااااااااااح أقدم