الاحصائيات المتقدمة

**الحارثي** · 17-02-2011, 07:01 pm

رد: ابتعاث المعاقين

المشاركة الأصلية بواسطة نعومي كيووت مشاهدة المشاركة

مشكورين اخواني على الرد
بس انا ماعندي محرم اخواني صغار وابوي يدرس بالجامعه وعنده دوام يعني مايقدر يجي معاي
سؤالي ينفع ولد خالتي ..؟؟
امانه لاتطنشوني ردو علي باسرع وقت عشان ابي اقدم اوراقي

انتي قدمي وخلي المحرم بعدين شوفي لك حل

لكن اذا وافقوا على البعثة رسمي خلي ابوك ياخذ اجازة ويطلع معك كمرافق اظن يعطونه اجازة

الله يوفقك

**نعومي كيووت** · 17-02-2011, 08:41 pm

رد: ابتعاث المعاقين

المشاركة الأصلية بواسطة الحارثي مشاهدة المشاركة

انتي قدمي وخلي المحرم بعدين شوفي لك حل

لكن اذا وافقوا على البعثة رسمي خلي ابوك ياخذ اجازة ويطلع معك كمرافق اظن يعطونه اجازة

الله يوفقك

المشكله مو بس بالدوام المشكله بدراسته هو يدرس بالجامعه
طيب انا عندي خالتي بكندا هناك تدرس وولد خالتي بعد هناك
يعني عندي احد هناك يسد بدال المرافق..؟؟

**الحارثي** · 18-02-2011, 12:22 am

رد: ابتعاث المعاقين

المشاركة الأصلية بواسطة نعومي كيووت مشاهدة المشاركة

المشكله مو بس بالدوام المشكله بدراسته هو يدرس بالجامعه
طيب انا عندي خالتي بكندا هناك تدرس وولد خالتي بعد هناك
يعني عندي احد هناك يسد بدال المرافق..؟؟

والله ما ادري لكن دقي عليهم واسأليهم وان شاء الله تتسهل امورك

**حمد محمد** · 18-02-2011, 10:28 pm

رد: ابتعاث المعاقين

يا اخوان ويا اخوات

متى تتوقعون رح يطلع الضمان المالي من التعليم العالي

ممكن احد يحدد مده معينه

**الحارثي** · 18-02-2011, 10:59 pm

رد: ابتعاث المعاقين

المشاركة الأصلية بواسطة حمد محمد مشاهدة المشاركة

يا اخوان ويا اخوات

متى تتوقعون رح يطلع الضمان المالي من التعليم العالي

ممكن احد يحدد مده معينه

كلنا مثلك عايشين قلق ما يعلم به الا الله

لكن باذن الله قريب

هانت راح الكثير وما بقى الا القليل ان شاء الله

**الساجده لله** · 25-02-2011, 10:23 pm

رد: ابتعاث المعاقين

المشاركة الأصلية بواسطة قاهر الاعاقة مشاهدة المشاركة

الله يبارك فيكم وعقبال الجميع ياكريم
اتصل علي الدكتور احمد باضريس واعتقد انهم المكتب المفوض من المركز لاكمال الاوراق
طلب مني الجواز والشهادة مصدقة وترجمة للشهاده ايضا مصدقه وعلى كلامه يقول خلال 40 يوم تسافر

ألف مبروك الله يعطيك خيرها ويكفيك شرها
ياليت تقولي من متى قدمت باضبط ومن كم سنه متخرج عندي أسأله كثيييير بس ما أبي أضايقك

**الساجده لله** · 28-02-2011, 10:23 pm

رد: ابتعاث المعاقين

ليه مافي رد عسى المانع خير

**قاهر الاعاقة** · 01-03-2011, 06:15 am

رد: ابتعاث المعاقين

المشاركة الأصلية بواسطة الساجده لله مشاهدة المشاركة

ألف مبروك الله يعطيك خيرها ويكفيك شرها
ياليت تقولي من متى قدمت باضبط ومن كم سنه متخرج عندي أسأله كثيييير بس ما أبي أضايقك

الله يبارك فيك وعقبال الجميع باذن الله
كلنا نكمل بعض مافيه مضايقة ولا شي
بالنسبة للتقديم انا قدمت في 5/2010 يعني تقريبا قبل 10 شهور والحمدلله جات الموافقة
بالنسبة للتخرج خليها مستورة عشان ماننفضح قدام الخلق ويعرفون اننا شيبان
متخرج قبل 10 سنين ومافيه شروط بالنسبه للمعاقين بخصوص سنين التخرج او المعدل لانهم يقبلون الجميع باذن الله

بخصوص اخوي المتبيضن / رقم الجوال عندي لكن اشوف الادارة تمنع وضع ارقام الجوالات والرقم خاص لمكتب يجيب القبولات فقط
يعني باذن الله بتلاقي اسمك بالمركز ، وانا بطلع الرياض الاسبوع الجاي واخذ الضمان المالي وبقدم بنفسي لان المكتب يتعامل مع جامعات محددة فقط

**علي محمد** · 08-03-2011, 05:34 pm

رد: ابتعاث المعاقين

الحمد لله أولاً وأخيراً ،، جاني اتصال اليوم من مركز الامير سلمان بقبولي من طرفهم وسئلتني وين تبي: كندا او استراليا او امريكا وطلبت امريكا ،، الآن أنتظر فقط صدور الضمان المالي لاستكمال الاجراءات.

**الحارثي** · 08-03-2011, 05:44 pm

رد: ابتعاث المعاقين

المشاركة الأصلية بواسطة علي محمد مشاهدة المشاركة

الحمد لله أولاً وأخيراً ،، جاني اتصال اليوم من مركز الامير سلمان بقبولي من طرفهم وسئلتني وين تبي: كندا او استراليا او امريكا وطلبت امريكا ،، الآن أنتظر فقط صدور الضمان المالي لاستكمال الاجراءات.

الف الف الف مبروك اخوي علي

اليوم جاني اتصال من مركز الامير سلمان

وقالولي ارسل صوره واضحة لجواز السفر واختار الدوله

طبعا اخترت امريكا

عقبال البقية الله يوفقكم

**شمس** · 08-03-2011, 05:49 pm

رد: ابتعاث المعاقين

المشاركة الأصلية بواسطة نعومي كيووت مشاهدة المشاركة

المشكله مو بس بالدوام المشكله بدراسته هو يدرس بالجامعه
طيب انا عندي خالتي بكندا هناك تدرس وولد خالتي بعد هناك
يعني عندي احد هناك يسد بدال المرافق..؟؟

اختي نعومي
خلي ابوك هو المرافق وبعد ماتروحين هناك يرجع ابوك بعد مايوصلك وصيري انتي عند خالتك
كثير هناك وصلوهم مرافقينهم ورجعوا

**شمس** · 08-03-2011, 05:50 pm

رد: ابتعاث المعاقين

مبررررروك للجميع على الابتعاث

**علي محمد** · 08-03-2011, 10:10 pm

رد: ابتعاث المعاقين

المشاركة الأصلية بواسطة الحارثي مشاهدة المشاركة

الف الف الف مبروك اخوي علي

اليوم جاني اتصال من مركز الامير سلمان

وقالولي ارسل صوره واضحة لجواز السفر واختار الدوله

طبعا اخترت امريكا

عقبال البقية الله يوفقكم

الله يبارك فيك أخي الحارثي ، ويوفقك يارب وعقبال البقية.

====

قضيت قرابة الساعتين أتصفح مواقع ومنتديات تتكلم عن بعثات مركز الامير سلمان وإليكم خلاصة بحثي:
* للمركز خلال المرحلة الأولى للابتعاث (120) بعثة، تخصص (20) منها للمتخصصين في مجال تعليم الطلبة من ذوي الاحتياجات الخاصة ضمن مسار التربية الخاصة، و (100) بعثة للطلبة المعاقين وخاصة الذين يعانون من مشكلة صعوبات التعلم والاحتياجات الخاصة. فالعدد محدود في 100 طالب فقط من ذوي الاحتياجات الذين استوفوا الشروط الخاصة بالابتعاث خلال المرحلة الأولى وانتهاء كامل العدد المخصص لذلك. ويسر المركز الإفادة بالإعلان عن المرحلة الثانية للبرنامج حال اعتمادها من وزارة التعليم العالي، ويسعدنا تواصلكم بزيارة موقع المركز على الشبكة العنكبوتية www.pscdr.org.sa ، وفي حال فتح باب القبول للبعثات الخارجية يمكنكم التسجيل عبر الموقع الالكتروني..
* مرحلة إنهاء إجراءات من يتم ترشيحه من قبل المركز و تنطبق عليه الشروط وتوافق عليه الوزارة ياخذ وقت وفترة ليست بقصيرة تتراوح بين ( 2 الى 6 شهور ). ويفضل لكل شخص تلقى الاتصال الأول والموافقة المبدئية من المركز ان يتابع سير اجراءات ابتعاثه كي لا تتعطل. وطبعا المتابعة عن طريق الاتصال بالمركز ولو انك راح تدوخ على ما يردون عليك اتصالك بس تحمل الشئ لنفسك.
* من تستكمل اجراءاته ويبتعث رسميا ، اذا اكتشف الضمان الاجتماعي ذلك فستتوقف اعانته كونه غير مقيم بالسعودية وهو ما يخالف شروط الاعانة أن لا يكون المستفيد خارج المملكة لمدة تزيد عن ال6 شهور ، والبعض يقول حتى اعانة التأهيل الشامل (الشؤون الاجتماعية) يتم ايقافها كونه يستلم مبلغ بدل اعاقة مع مكافأة الابتعاث. هذا اذا ما علمنا أساسا ان بطاقات الاعانة لا تصرف الا من صرافات الراجحي داخل المملكة فقط.
* المقبولين خارج مدينة الرياض ملزومين بالذهاب إليها لاستكمال اجراءاتهم ، حيث استلام الضمان المالي شخصيا بعد صدوره ومراجعة المركز و الوزارة معا في استكمال تلك الاجراءات ويكون معه:
[البطاقة الشخصية ونسخة منها ، الجواز ونسخة منه"الصفحة الاولى" ، نسخة من الفيزا ، نسخة من شهادة الثانوية والقدرات والتحصيلي ، قبول المعهد ونسخة منه].
* كثير من ذوي الاحتياجات الخاصة أكدوا على أن المعاق يعامل معاملة المبتعث العادي وليس له زيادة في المكافأة ، وقليل فقط أشاروا لكل مبتعث لديه إعاقة أن يحصل على تقرير من مستشفى حكومي مختوم في المملكة ونسخ مصدقة منه قبل مغادرته البلد وذلك لتقديمه للملحقية هناك بعد فتح ملف لك فيها وتراجع الشؤون المالية ليتم صرف اعانة الاعاقة التي تأتي تقديرا لحالتك ما بين 1500 الى 3000 ريال. وهنا الغرابة أن ليس كل المعاقين يتم صرف بدل اعاقة لهم.
* توفير السكن المناسب أنت من تتكفل به.

هذا ما وجدته للآن .. و إن وجدتم معلومات اكثر لا تبخلو علينا
محبتي

**حمد محمد** · 09-03-2011, 11:59 am

رد: ابتعاث المعاقين

السلام عليكم ورحمه الله وبركاته. أبشركم اتصل بي اخي اليوم واخبرني انه تم قبولي في البعثه.،وذكر ان المركز قد اتصلوا بي ووجدوا جوالي مغلق بحكم تواجدي بالخارج لتلقي العلاج. فالحمد والشكر لله. وأنشأء الله عقبال الاخوان والأخوات في القبول في البعثه*

**الحارثي** · 09-03-2011, 03:05 pm

رد: ابتعاث المعاقين

المشاركة الأصلية بواسطة حمد محمد مشاهدة المشاركة

السلام عليكم ورحمه الله وبركاته. أبشركم اتصل بي اخي اليوم واخبرني انه تم قبولي في البعثه.،وذكر ان المركز قد اتصلوا بي ووجدوا جوالي مغلق بحكم تواجدي بالخارج لتلقي العلاج. فالحمد والشكر لله. وأنشأء الله عقبال الاخوان والأخوات في القبول في البعثه*

الف الف مبروك اخوي حمد والله يوفقك

الاحصائيات المتقدمة

إعـــــــلان

ابتعاث المعاقين معلومات أماني تطلعات

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق