الخير كله ..
لا تقنطي من رحمة الله ..

الاعاقة تحدي
ياليت كل المعاقين بحماسك كان والله ماكان هذا حالهم ..
يا أخي وش المانع من إننا نتكاتف من هنا بس وين الرجال !!
يالله الإنطلاقة من المنتدى كلموا إدارة المنتدى ونظموا الصفوف وحطوا قسم خاص بالتنسيق والتشاور .. وارسلوا رسائل جماعية لكل الأعضاء تطلبون منهم دخول المنتدى أو حطوا رابط للقسم في الرسائل واطلبوا من الأعضاء الدخول على الرابط مباشرة ..
يا إخوان لا تنتظروا من البنات يقوموا بهالأمور بدل منكم .. ما للصعاب إلا الرجال بس أنتم تحركوا .. واعتقد إن إدارة المنتدى ماراح تقصر ..والبنات ماراح يتأخرون باللي يُطلب منهم بس أنتم تحركوا ..

رحيق امل
أختي وياما راح ينظلم ناس كثير طالما إحنا للحين ماتحركنا ولا وقفنا بوجه الظلم ..
لازم نقول :
إلى هنا وبس !!
إلى هنا وبس !!
إلى هنا وبس !!
إلى هنا وبس !!
ياحكومة ويا مسؤلين خلاص الصغير كبر والجاهل تعلم وكل واحد صار يعرف وين الحق ووين الباطل ..
يا حكومة يامسؤلين مابقى ولا عذر إلا وحطيناه لكم إنتهت الأعذار وطولت الوعود والعالم كله حتى الدول الفقيرة تقدم خدمات أكثر من اللي تقدمها السعودية ..
لو يقولون إنه راح تتنفذ كل مطالبكم بعد عشرين سنه كان أهون والله من إنهم يتركون الأمور معلقة ويلفها الغموض ..
لكن الأمل في المعاقين الرجال هم الرجاء بعد ما انقطع الرجاء في حكومتنا ، خلاص زمن الإستجداء والإسترحام ولّى وماعاد ينفع في زمن تولى فيه مسؤلين لا يخافون الله في ما اتمنوا عليه ..
للحين مافقدنا الأمل في إخواننا هم قدها ..

بنت مكه
نفس الكلام اللي قلته لأختي رحيق امل .. المسؤلين مايخافون الله وطالت العدوى لصغار الموظفين صاروا يتعاملون مع الناس وكأنهم بيساعدونهم من جيوبهم ومن مرتباتهم ..
حسبي الله ونعم الوكيل على هذه الحقارة من هالموظفة ، ما أدري هذه الحمقاء ماتدري إنها موظفة علشان تقوم بهالعمل اللي هو خدمة للمحتاجين ..
لكن ما أقول إلا الله يجعلها تحتاج ولا تجد من يعينها ..آمين .
وبالنسبة لكلامك إنها مساعدة مقطوعة من الأمير سلطان ، استغرب وأكاد أنفجر من الغضب ليش الضمان يطلب كل هالتعقيدات طالما إنها للمستفيدين من الضمان واللي بيناتهم موجوده عندهم ..
شلون يعني يستلم ضمان شهري من عندهم ويطلبون منه إثبات ؟؟
لكن إذا عُرف السبب بطل العجب!
إذا على قمة الهرم في الوزارة فساد فلا تستغربي مثل هالأمور ..