حطـيـتـك بعـيـنـي عـلــى شـــان مـنـسـاك

لقـيـتـنـي مــــن دون مـقـصــد تـنـاسـيــت

حــاولـــت اعــــــدي زلـــتـــك وآتــحــاشــاك

لقـيـتـنـي مــــن فـعــلــك الـشــيــن زلــيـــت

والـيــوم بــانــت لــــي دواهــــي خـطـايــاك

خـطـا ولـكـن غـيـر عــن كـــل ماخـطـيـت

شـفـتـك مـعــه يـمـنــاه تـمـســك بـيـمـنـاك

قـفـيــت عــنــك وخــابــرك مــعـــه قـفــيــت

حـسـيــت يــــوم انــــي انــاظـــر مـحــيــاك

انــي عطيـتـك فــوق مـانــت استحـقـيـت

مــانـــي بـمـتـنــدم عــلـــى كـــــل مــاجـــاك

وآقــول انــا سـويـت لــك وانـــت سـويــت

إذا الـتـســامــح ورد فـفــعــالــك اشـــــــواك

وإذا التـجـافـي عـقــل فـأنــت استـجـنـيـت

مايـنـسـتـر عـيـبــك لــــو إنـــــا سـتــرنــاك

يـاطـيـب فـعـلـك يـــوم خــنــت وتـمـاديــت

الـطـيــب خــلانــي مــــن اول ضـحــايــاك

يـاكـثـر مـاخـلـصـت لـغـرامــك وضـحـيــت

مــا اقــول غلطـاتـك مــن اجـمـل مـزايـاك

بقـول كيـف اصحبـت بالـغـدر وامسـيـت

اصـبـحــت ادور عــنــك يــاويــن بـلــقــاك

وامسيت اعاتب نفسي اشلون حبيت !

اجـــل تجـيـنـي وانـــت مـغــرم وشـكــاك !

ماكنك اللـي رحـت لـه مـن بعـد جيـت !

وتـقـول هـمـي ياحبيـبـي هــو رضـــاك !

عـسـاك مـرضـي ربــك ان كــان صـلـيـت

بــذكــرك فــــي شـــــي مــاضـــن يـخــفــاك

اخـــذ الـقـصـيـده وقــرهــا لآخــــر الـبـيــت

بـــدري عـلـيـك ان كـــان هــــذي نــوايــاك

تـبـطـي وانـــا مـــن غيـبـتـك مـــا تـأذيــت

يـا اغبـي غبـي , ماهمنـي وقـت فرقـاك

انــــا مــــع الـخـايــن ولا يـــــوم حـســيــت

لا تـحــســب انــــــي بـتـبــعــك وآتـــرجـــاك

بـتـمــوت مـاجـيـتـك لــــو انــــك تـرجــيــت

مــاهـــو بــنـــا لامــــــر طـــاريـــك نــــــاداك

انـــــت الـــــذي لامـــــر طــــــاريَ نـــاديـــت

الــلــي رفــعــك ومـنـزلــك بــيـــن مــاطـــاك

يــقـــدر يــنـــزل هـامــتــك لـــــو تـعـالـيــت

بـكــره تـذكــر مـــن عـــن الــنــاس بــــداك

مايـنـفـعـك فــــي وقـتـهــا قـــــول يـالــيــت

خـســرت ذا مـــن عــقــب هــــذا وهــــاذاك

واكــبـــر دلــيـــل انـــــك بـعــدهــا تــربــيــت

هــــذا جــــزى مـنــهــو يــســـوي ســويـــاك

يـاشـيـن حـظــك يـــوم رحـــت وتهـقـويـت

شفـنـي قــدرت انـسـى خيانـتـك وانـسـاك

بــس انــت ماتنـسـى لــو انــك تناسـيـت