رد: شكوى على مديرة تأهيل الطائف لر فضها منح المعاقين

السلام عليكم

هذي مديره يعني مسؤله وكلامها هو اللي يمشي والمدير اللي فوقها مصدقها والموضوع عشان يبان وتتضح الروياء يبله خمسه سته شهور يكون التقديم فات وانت يالمعاق مالك الا الصبر علي كل مسؤل حتي يجي الوقت

اللي كل واحد ياخذ حقه

تقبلو تحياتي

رد: شكوى على مديرة تأهيل الطائف لر فضها منح المعاقين

مالنا الى الشكوه نشتكى عليهم مالت عليهم

رد: شكوى على مديرة تأهيل الطائف لر فضها منح المعاقين

صحيح يحتاااج المركز للشكوى خصوصا في تعاملاتهم
سيئة للغاااااااااااااااااااااااية

رد: شكوى على مديرة تأهيل الطائف لر فضها منح المعاقين

والله لو تشتكون ليما الصبح؟؟؟؟
لاحياة لمن تنادي؟؟؟
ومن أمن العقوبه اساء الأدب؟؟؟؟

رد: شكوى على مديرة تأهيل الطائف لر فضها منح المعاقين

عموما اذا مركز التاهيل الشامل قال ما فيه شي روحوا على بلدية المنطقة اللي انتم فيها واذا البلدية قالوا ما عندنا شي روحوا على الامانة للمنطقة ...... مشوار صح؟؟؟؟


ما صارت مساعدات للتقديم على منح الاراضي لذوي الاحتياجات الخاصة اذا استخدمنا الطريقة اعلاة "نسميها التقديم على منح اراضي بطريقة سوبر مان"

هذا اللي حصل معي بالتفصيل اللي دائما نستخدمة في تعاملاتنا مع معظم الدوائر الحكومية :

بحكم اني في محافظة الخرج اتصلت على مركز التأهيل الشامل واستفسرت عن التقديم على منح والاجابة معروفة لا يوجد تم ايقاف التقديم على المنح عن طريق مركز التاهيل الشامل واعطاني اقتراح ان استفسر من بلدية الخرج وبالفعل ذهبت الى بلدية الخرج واستفسرت عن التقديم من موظف الاستقبال وابلغني ان التقديم متوقف هذه الايام يمكن بعد فترة يفتحون التقديم مرة اخرى وقلت له متى يعني قال لا اعلم "اجابات متعودين عليها طبعا لا جديد"
توجهت على وزارة الشئون البلدية والقروية وكلي احباط طبعا واستفسرنا من موظف الاستقبال اللي بالوزارة وذكر لي ان التقديم يتم عن طريق الامانة واخذت عفشي ورحت على الامانة "اللي بوسط الرياض الديرة يعني"وتوجهت على موظف الاستقبال وقال لي روح لمكتب المدير وفعلا ذهبنا لمكتب المدير وقابلت مدير مكتبة واخذ التقرير وبطاقة الهوية وبطاقة التخفيض وكتب لي معروض بالتقديم على المنحة و وقعة من المدير واكملت باقي الاجراءات حتى حصلت على تذكرة مراجعة للحصول على منحة الارض .... انتهى

طبعا الموضوع هذا كتبته ايضا في منتدى اخر حتى يستفيد منه الاخوان والاخوات ولا يتوقفوا عن التقديم واعرف انها اجهاد وتعب ....

يا دولتي المحترمة جدا جدا هل هذا يعقل اجراءات حتى الجمل يتعب منها وما بالك بذوي الاحتياجات الخاصة اذا ما عندهم احد يساعدهم في التقديم والمشورة والهجولة هذي ايش يعملون ؟؟؟؟؟؟
تحياتي لكم