أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
1-مها من المعاقين المتميزين فأين هي من منتدانا الغالي حضورها وتواجدها بالمنتدى ان لم يكن معدوم فهو قليل جدا؟
2-اتمنى ان تكتبي قصيدة الاعاقة كتابة في قسم الخواطر والشعر بدون فيديو اعجبتني كثيرا هذه القصيدة.
3-امنية تتمنين ان تتحقق لك؟
اسال الله لك التوفيق والسعادة دمتي بحفظ الباري اختي
هلا ومرحبا اخوي المتفائل ياالله حيه 1: صح معاك حق بس هذا لأني مشغوله بكذا حاجه بس ان شاء الله راح احاول قد مااقدر اكثف تواجدي.. 2: ابشررررر غالي والطلب رخيص من عيووني.. 3: مو امنيه كثرر ماهي خطوه راح اقوم فيها ان شاء الله وهي اكمال دراستي.. الف شكررر لك ياالغالي على ذووووقك..
حياك الله اختنا مهاوي
ياليت تكلمينا عن تجربك مع الاعاقة وكيف خرجتي من حالة الإنطواء وظهرتي للمجتمع بكل تألق ؟
ومين كان الداعم لمسيرتك العلمية والعملية والاجتماعية ؟
تقبلي خالص تحياتي
الله يحييك يابعدي هلا وغلا انا المرض جاني باالمرحله المتوسطه لكنه وقتها كان جدآآآ خفيف مجرد تنميل وبدا يتدهور مع الوقت لحد ماصرت استخدم كرسي قبل اربع سنوات تقريبآ وخلال الفتره اللي ماكنت استخدم فيها كرسي كنت منعزله وانطوائيه خصوصآ ان خروجي من البيت يسبب لي مشكله مثل التعب والألم الفضيع الا اني كنت رافضه موضوع الكرسي لكن بعد فتره بديت افكر بشكل عقلاني وجلست مع الطبيب وتكلمنا عن المرض وبديت اقنع نفسي واتقبلها لكن كانت عندي مشكلة المجتمع ونظرته وبنفس الوقت لماكنت اقول لأهلي اني راح استخدم كرسي بيوم من الأيام كانوا يقولون لا ان شاء الله والأطباء مايفهمون وكل شي بأمر ربي طبعآ هذا كله عشان يخففون عني لكنهم كانوا يزيدون الطين بله عشان كذا جلست معاهم وتكلمنا باالموضوع وفهمتهم انه اذا هم ماتقبلوا الموضوع راح يصعبون علي المسأله وماراح اقدر اتقدم اي خطوه وفعلآ تقبلوا الموضوع وبديت استخدم الكرسي واكتشفت ان الحياة اجمل كثيرررر وبديت اطلع واشارك بمناسبات ومجموعات وبدت تجيني دعوات للمشاركه بالكثيرر من المناسبات لأن سبحان الله بمجرد ماجلست عاالكرسي كل شي تغيررر نفسيتي ثقتي بنفسي اهلي الناس صديقاتي وتغيرت حياتي 180 درجه والأن انا جدآ سعيده ولو خيروني بين الكرسي او اني ارجع سليمه وربي اختار الكرسي لأن اللي خسرته شي تااااافه مقابل النعم اللي وهبني اياها الله الداعم الأول والأخير بعد الله سبحانه اهلي لأنهم كانوا عون لي ومحفز وهذي انا اعتبرها اكبررر نعمه ربي رزقني فيها لأنه مهما كان الشخص اجتماعي ونشيط وعنده الرغبه في المشاركه باالمجتمع واهله مو راضين او مو متقبلين عمره مايقدر يكمل خصوصآ البنات لكن الحمدلله ان ربي رزقني بأهل ماعندهم تفرقه بين البنت والولد بكل شي باالعكس يدفعوننا ويشجعوننا اكثرر من الأولاد وتعاملهم معانا كاالأصدقاء وهذا هو اهم سبب ساعدني.. وبس فديت رووحك
مرحبا غاليتي ميه هلا فيك اسعدنا استضافتك سؤال؛ من اي الشعر شعرك ؟ سؤال : ماهو مستواك التعليمي ؟ سؤال: متى تنثرين الشعر ؟ دمتي متألقه بارعه متفائله
وانا اسعد فديت راسك الف شكر لك على ذووووقك 1: الشعر النبطي العامي وكتبت فصيح بس جدآ قليل ومن فتره طويله.. 2: خلصت المرحله الثانويه وماكملت بسبب المرض لكن ان شاء الله قريب جدآ ارجع اكمل.. 3: الشعر من ينثرني ولست انثره كتاباتي كثيرآ ماترتبط بموقف او حادثه تمسني او القريبين مني لكن في بعض الأوقات يدعوني الشعر دون مناسبه بل يهطل دون استئذان, اما في مايتعلق بعملي باالنسبه للزفات والأعمال الخاصه فهذا اعتبره نظم اكثر منه شعرآ.. تشررفت فيك فديتك
هلا فيك اخت مهاوي ............ سوالي لك هل لك صديقه مقربه..وهل لها دور من خروجك من انطوائيتك...وماهو دور الاهل ايضا...شمس الامل
هلا حبيبة قلبي كيفك فديتك.. ايه لي صديقه واخت وهي تؤام روحي وانا عرفتها بعد خروجي من عزلتي,,دلال القحطاني لبى روووحها طبعآ وباقي البنات اموووت عليهم وعلاقتي فيهم ممتازه فديتهم.. اهلي لهم الدور الأول والأخير في هاالموضوع وهم اللي ساعدوني على النهوض والخروج من قوقعتي.. الف شكررر لك حبيبتي
حياك الله أختي مهاوي وبياك وجعلنا ربي وأياك في الجنة يارب
عندي عدة اسئلة وارجو انك تتقبليها بصدر رحب وسامحيني اختي ان أخطات
1- لم ارى مجموعة تطوعية منفردة با النساء بينما هي مجموعات مختلطة فما السبب ؟
2- حضورك قليل وخصوصا بقسم نزف القلم فلم ؟
3- هل فكرت في مشروع يفيد بنات ذووي الأحتياجات الخاصة ؟
الله يحييك ياقلبي.. اللهم امييييييييييييين.. اكيييييد واسعد فيها بعد يابعد راسي 1: صح معك حق بالنسبه لذوي الإعاقه اغلبها مختلطه واللي موجود من المجموعات النسائيه التطوعيه تخص السويين لكن هذا مايمنع ان احنا نتكاتف ونسوي مجموعه باالعكس شي حلو بشرط يكون عندنا هدف ورساله الشي الثاني ان اغلب تواجد المجموعات في الأماكن العامه يعني كأنك ياابو زيد ماغزيت ولو كان فيه نشاطات نسائيه بشكل مستمر كان اكيد شفنا مثل هاالمجموعات ونتمنى والله.. 2: معك حق لكن ان شاء الله راح احاول اكثف تواجدي وانزل مشاركاتي فديت رووحك.. 3: للأمانه مافكرت لكن فكرتك مرررررررررررره حلووه وحلو اننا نوحد جهودنا ونطالب باللي نبيه حتى لوكان مشروع يخصنا الف شكرررررررررررر لبى قلبك تشرفت فيك..
لبى قلبك انتي ....هل الشعر وراثه..من وجهت نظرك ..شمس الامل
انا من وجهة نظري ان الشعر لايورّث لكن مو باالضروره يكون هاالشي صحيح خصوصآ ان فيه عوايل كثيره شعرائهم من جميع الأجيال المتتاليه الجد والأب والأولاد وانا عندي اثنين من اخواني يكتبون الشعر لكن ماركزوا عليه واخذتهم الدنيا عنه وجدي كان شاعر ورغم هذا مازلت اعتقد ان الشعر مو باالوراثه
تعليق