: 0
: 22
تويت
أقرأ ملامح ضيقتك في عينك اللي ما تبوح
أحسها .. لوماتبيني أنتبه لأحساسها
أشوف همك بالعيون اللي مدامعها تلوح
لكنها ماترخص الدمع .. وتحدت يأسها
ما أنت بـ على بعضك .. وكلماتك من الضيقة تفوح
حرام تحرق ورد خدك من لهيب أنفاسها
وشفيك ضايق .. منهو اللي كدّر الوجه الصبوح ؟؟
لو انها الدنيا وهي الدنيا .. لأنزل رأسها
قلي علامك لا يطول الصمت وتزيد الجروح
شف شمس موعدنا هفت .. والليل دق أجراسها
باقي دقايق من وعدنا .. لاتخليني وتروح
وأن رحت قلي وش يفك النفس من وسواسها !!
أضحك و وسع خاطرك .. ياصاحبي خلك مزوح
الريح تنطر ضحكتك .. وموقفه نسناسها
قد قلت لي .. لاصرت ضايق عاند وخلك جموح
والنفس ماتركع لضيقتها وترخي بأسها
وقد قلت لي خلك كتاب أبيض ويملاك الوضوح
ومن ينحني للعاصفه .. أعقل من اللي داسها
وين المبادئ .. وإبتساماتك .. وهذاك الطموح
سوالفك القديمة ماتت بقرطاسها !!
مهما تصد بنظرتك عني .. أنا لي فيك روح
تشاركك في ضحكة أيامك .. وفي هوجاسها
وعيونك اللي ماتبيها تعترف لي .. أو تبوح
شف دمعتك هذي تراها ترجمت لي إحساسها
وسلامتكم
رآآآقت لي
تعليق