السلام عليكم ورحمة الله وبركاته

كيفكم وايش اخباركم؟!
الموضوع هو أنه

للطاوله حب كبير في قلوبنا

لأنك تكتب عليهاا كل الي في نفسك وأنته زعلان وأنته فرحان وأنته ماخذ فنفسك مقلب

المهم كلنا لنا ذكريات في المدرسه وماحد يعرف قيمة المدرسة إلا اذا تخرج منها

قيمة الوناسه واللعب والهروب طبعا هروب البنات فالأسياب حدنا نتمشى فالأسياب ونسولف

والعيال طبعا هروبهم غير شكل برا المدرسه وغيرها من الحاجات الي نتمنى كلنا أنها ترجع لو يوم واحد


الكل طبعا عنده طاوله والطاوله تكون رفيقة الدراسه لدرجة ان بعض الطلاب مايغيروا طاولتهم في كل سنه
سؤالي هنا ايش كنتوا تكتبوا على طاولاتكم
وإلي بعدهم في المدرسة أيش كاتبين في طاولاتكم؟؟

في ناس يرسموا فيها
وفي ناس يحطوا حرف الحبيب
وناس مليانه براشيم
وناس كلها قصائد وخواطر
والسؤال الثاني.....
كل واحد منكم له مكان خاص مايحب الا يجلس فيه مثلا

أول كرسي
أو فالأخير
أو فالنص
أبغى كل واحد يقول وين كان جالس أيام المدرسه وأيش كان يكتب على الطاولته
أنى عن نفسي كانت طاولتي كلها سواليف
شفتي بلوزة الأبله ماكنها لابسه نفسها أمس بلون ثاني
شوفي شوفي نعلة لايفوتك
شفتي الي هناك كيف تطالع خلي تخلص الحصه
وطبعا الي جنبي من نفس طينتي
الله يغفرلي ولها طلبنا منهم يحللونا لاكن الله أعلم حللونا ولا لا
وطبعا أوقع أجرب كل التواقيع وأكتب قصايد عاجبتني
طاولتي الله لايوريكم :
وفين جالسه

كنت جالسه فالنص اول الفصل لانه مكان اذا وقفت المعلمه امامي تشرح تصير عيونها طايره على باقي الفصل ولا أغيره

وأتمنى المشاركه من كل الأعضاء