رد: سيارات المعاقين تم تسليمها

انا رحت لهم بنفسي قالو لي التسليم ان شاء الله شهر 11
كيف تقول سلموهم الحين !!

انت متأكد شفت يعينك ولا سمعت فقط

الله يكون بالعون


تقديري واحترامي

رد: سيارات المعاقين تم تسليمها

لاياخوي ماشفت بل سمعت فقط والله اعلم والرجاء التوظيح من الي قال لك التسليم شهر11

رد: سيارات المعاقين تم تسليمها

اخوي عزوز انا جاني اتصال وانا من القصيم والمشوار تعب علي يعني ما اراجعهم الا بشهر 11 مثلك ارجو الرد للأهمية ؟

رد: سيارات المعاقين تم تسليمها

ياربع شوفولنا صرفه نبي ارقام شي نستفسر الى عنده يسدحها ونرجهم نشوف الكلام صدق ولا انا مقدم فيها من 2007 ولله اعلم ونبي نشوف
تحياتي لكم

رد: سيارات المعاقين تم تسليمها

اخوي عاشق من اين الاتصال الي جاك وماذا قالولك ومتى قدمت عليهم

رد: سيارات المعاقين تم تسليمها

اقولكم انا رحت للرياض بنفسي امس يوم الاحد 9/8 / 1432هـ وانا ساكن بأقصى الشمال
وعطيتهم رقم الطلب والمعامله من الديوان الملكي قلت له ابي السياره قال السيارات بعد العيد ان شاء الله

والله هذا اللي صار معي بالحرف الواحد انتم مين قالكم انه استلم لاني انا داخل على المسئول نفسه وقال مافيه سيارات الان !!

اذا تعرفو احد استلم قولو لي عشان انا برضه راجع للرياض بعد اسبوعين عندي مراجعه بالمستشفى

وهذا رقم الشؤون الاجتماعيه

014778888



والله يوفق الجميع يارب

رد: سيارات المعاقين تم تسليمها

لا اله الا الله
بصراحه وبالذات
في قسم الشؤون الاجتماعيه
نعاني من كثرة الاشاعات
يطلع تصريح

ويقول التسجيل خلال 6 اسابيع
وتقول اخوي الجنوبي الله يرضى عليك
ويهدينا ويهديك ويهدي الجميع
سمعت صرفت سيارات للمعاقين
وايضا الاخوان اللي قالوا بشهر 11
صارت القضيه سمعت وقالوا
لانكذب احدا ولوقيل لهم بشهر 11 فيه صرف
لكن يعتبر كلام اي موظف ومرارا وتكرارا
تنبه الادارة بعدم قول اي شيء
الى بتصريح رسمي مزود بالرابط
تفاديا لعدم تأميل المعاقين بشيء لاصحة له
المعاقين فيهم اللي كافيهم
ننتظر الى المدة المذكورة
وبعدهاونشوف كيف
حتكون الية التسجيل المعلنة

ياخوان بامكانكم الاطلاع على هذا العنوان

الخبر بالكامل صرف سيارة لكل معااااااااااااااااق وردواااااااااااااا

لذلك يغلق الموضوع
ولاينقل للارشيف ليشاهده الاعضاء
ونترك جميعنا الاشاعات وسمعت وقالوا
الا بتصريح من مصدر مسؤل وتزويده بالرابط

لكم جميعا احترامي وتقديري