هلا والله بـ عبدالعزيز ،،،، منووور يا الغالي

/

هيلين هلا بك ،،، ومنوووره
يمكن كنت أول طيب زياده عن اللزوم ،،، يمكن كنت أعطي وما كنت انتظر الرد
الحين صرت طيوووب بعقل ،،، وأعطي للي يستاهل
وأعطي ولا انتظر الرد في أمور الدينـــ

تعلمت كثييير من دنياي ،،، ودايم أقول لـنفسي باقي يا آنسان ما شفت شي من الدنيا
فيني ثقه عمياء قد تصل لحد الغرووور ،،،، لكن أحاول أوقف ضد نفسي وأعلمها إن الغرور مو حلو :)

/

بالنسبه لمعرفي ،،،
بالعكس نفسيتي ومودي دوووم عالي ،،، ولو ما كان عالي
بالقوووه يكون تحت العالي

لأن ما فيه شي بصراحه يستاهل إننا نزعل عليه ،،، أو نضايق أنفسنا عليه
الدنيا حلوووه ،،، بس نفهمها

معرفي اخترته بعد تعب شديد

وبعد تفكير طويل ،،، وبعد شد وجذب ،،،، ولأني ما لقيت معرف يناسبني
اخترت هذا المعرف

/

بالنسبه للمواقف الصعبه فـ هي كثييير ،،، لكن أذكر منها اللي كانت بسبب الاعاقه

أتذكر زمانات يوم كنت أقدم على كليه المعلمين ،،، كان رئيس القسم وعميد الكليه ضدي
وقالوا مستحيل ينقبل ،،، لأن إعاقتي واضحه

المـــــوهم قالوا لي : روووح قدم على وظيفه ثانيه ،،، لا تتعب نفسك ،،، والله لو عندك أكبر واسطه مستحيل نقبلك

قلت واسطتي أكبر من أكبر واسطه ،،، وإذا لي نصيب بدخل غصبن عليكم

وفعلا دخلت ،،،، وواسطتي كانت الله

أول شهر لدراستي الكليه ،،، كانت من أصعب المواقف في حياتي
لأني عايش في حرب نفسيه ،،، لانهم يهددوني بالفصل new8

المــــوهم ما تجي محبه إلا من بعد عداوه ،،، مرت السنين بسرعه وتخرجت
وكنت الثالث على الدفعه مع مرتبه الشرف

وكانوا يعتذرون لي ،،، وكنت دايم أقولهم لا تعتذر مني ،،، لأنك ما غلطت علي

اعتذر من الله واستغفر ،،، لانك اعترضت على حكمه


ششسسسسمه احلامي كثيييره ،،،
اتمنى يجي يوم وأشوف نظره الناس تتغير للمعاق ،،، المعاقين مو محتاجين شفقه
هم محتاجين رعايه


ششششسسسسمه خلصت

بصراحه الشؤون الاجتماعيه مقصره معانا إلى أبعد الحدوود ،،، آتمنى ان تكون هناك هيئه للمعاقين
ونستقل عن الشؤون الاجتماعيه ،،،

وآتمنى ان يكون رئيس الهيئه معاق ،،، عشان يحس بالمسؤوليه ويحس فينا
آتمنى التأمين الصحي لهم ،،،، آتمنى زياده المرتب لهم

باختصار : ابي الدوله تشيل المعاق من و إلى ،،، والا يكون عاله على اهله

مششششكور يا بعدي ،،، ومنووور المنتدى

/

هلا والله بابو محمد ،،، هلا والله بشاعرنا
يا الله ان تحييه وتبقيه ،،، وعن كل شر تبعده

مششششكور على الترحيب ،،، ومشششكور على هالابيات الحلوووه

أسسسسعدك المولى ،، ودمت لنا

/

حموده هلا بك والله ،،،، ومنووور يا الغلا

وحياك الله في منتداك

/

هلا والله بعزوووووز الشقي ،،،، منووور يا بعدي
يبي لي عصير زبيب عشان أجاوبك على اسعلتك

بصراحه ودي كلمه حلوووه ،،، لكني ملغيها من قاموسي إذا كانت مستحيله

ششششسسسمه المسيار وما المسيار ،،،، أنا أكلمك عن الشرع وأنت تقولي أشياء ثانيه وترضاها ومدري وشو !

يا الغالي / المسيار ما هو إجبار للمرآه ،،، المرأه باختيارها وبرغبتها هي اللي تنازلت عن حقي المبيت والنفقه
هي زوجتك شرعآ ،،، وأجمع المجمع الفقهي على جوازه

إذا كان هناك من لا يرضاها على قريباته ،،،، فبلا شك فيه الكثيير اللي يرضونها

بعدين يا ما مطلقه ترعى أولادها وتبي الستر !
يا ما عانس ترعى أمها أو ابوها ،،، وما تقدر تطلع من بيتهم !

يا ما ،،، ويا ما ،،،، ويا ما

أنا مو مشكلتي ان هناك اشخاص أساؤوا استخدامه ،،،،

بعدين يا ما اللي تزوجو مسيار ومستانسين ،،، المسيار حلال شرعآ

نترك الشرع ونتكلم بأمور ثانيه !!!!!

شششسسسسمه اختلاف وجهة النظر جيده ومفيده ،،، وما تقلل من غلاتك
/
رشاقتي في الرد ،،، من ذوقكم وعيونكم الحلوووة

انجازي اللي حققته بأقل جهد هي الإبتسامه
سبحان الله / بالابتسامه احقق كل اللي ابي ،،،، عسى الله يسسسسعدني
ويسسسسسعدكم بعد


سوعالك الثاني : ليش انا عايش مع الناس ،،، عايش معهم لأتعايش معهم واستفيد منهم وأبادلهم المنافع والخبرات الدينيه والدنيويه
ولأن حياتنا قائمه على المصالح ،،، فانا عايش معهم

/

بالنسبه للرؤى وتطلعاتي للمستقبل :/ فأرى مبدأ التجزئه والتخطيط هي من أهم الخطوات للنجاح
عندي مشروع صغيرون راح أبدا فيه ،،، وراح يكون طويل المدى ،، وببدأ فيه بدايه السنه الجديده إن شاء الله

بعد أسبوعين ان شاء الله راح أقدم على دراسه الماجستير في جامعه الامام محمد بن سعود
لان جامعه الملك سعود قفلت التسجيل من الترم الثاني السنه اللي راحت ،،،

عندي مشروع تركيب طرف صناعي
/

ربي يوفقك يا الغالي ،،،، واسسسسعدني كثيرا تفاعلك ووجودك