السلام عليكم ورحمة الله وبركاته ؛

أتشرف بأن أكون أحد أعضاء هذا المنتدى الاجتماعي الانساني الذي جمعنا كلنا هنا .

أخواني فقدت بطاقة الصرافة الخاصة بالضمان الاجتماعي وانا الآن مقيم في مدينة جدة والبطاقة صادرة من خميس مشيط يعني ملفي هناك في الخميس ذهبت صباح اليوم لمكتب الضمان اللي في جدة قالوا ردد ياليل ما أطولك عشان تصدر بطاقة صراف من جدة لا زم تنقل ملفك من الخميس على جدة وعشان تنقل ملفك لا زم تجيب عقد اجار ومعروض وملف علاقي وبعد شهر راح يجي الملف ثم تعال نطلب لك بطاقة بدل فاقد وراح تأخذ اسبوع أو اسبوعين يعني بالاجمال يبغالك حوالي 6 أسابيع ، أو ننصحك بأن تسافر على الخميس وتطلب بدل فاقد من هناك وترجع لهم بعد اسبوعين لأستلامها ، المشكلة اني الحين في جدة عندي مراجعات في المستشفيات ولا أقدر الذهاب للخميس في الوقت الحالي ممكن اسافر الخميس بعد شهرين .

تكفون يا وجيه الخير أيش اسهل حل للي مثلي خصوصا اني ما ابي انقل ملفي الى جدة لأني من الجنوب وراح أرجع الى هناك بعد أنتهاء فترة العلاج .

بارك الله فيكم تروني طالبكم المشورة لأي شخص مر بهذي الظروف بارك الله فيكم وجزاكم الله كل خير .