الاحصائيات المتقدمة

**المتفائل** · 26-03-2012, 08:36 pm

رد: (خاص بموضوع طلبات سيارات المعاقين)

المشاركة الأصلية بواسطة وحيد في العالم مشاهدة المشاركة

وشي الطلبات حقت السياره كيف فحصهم

؟؟؟ يعني مافي احد راح وسو معه مقابله؟؟

السلام عليكم ورحمة الله وبركاته
انا رحت يوم السبت 1433/5/1هـ
لمركز التاهيل التابع له بالقصيم
وقدمت طلب سيارة
قابلة دكتور العلاج الطبيعي بالتاهيل
واخذوا وزني وكتبوا نوع الاعاقة
وعندهم نموذج وفي اعلاه هيئة خطاب
موجه للمستشفى اللي تختاره انت يالمعاق
يسجلوا هالخطاب والنموذج عندهم بالصادر
ويسلموك الخطاب تروح فيه للمستشفى
رحت بنفس اليوم للمستشفى
وقالوا اللجنة تعقد كل يوم اثنين
جيتهم اليوم الاثنين 1433/5/3هـ
اللجنة مكونه من اكثر من دكتور
3 اطباء وموظف سعودي
قابلتهم
الاسئلة
وش الحالة اللي معك وماسببها ؟
باي مكان الاصابة بجسمك ؟
هل عملة عملية للاصابة ؟
هل لديك حركة بالاطراف المصابة ؟
هل تتحكم بالاخراج والبول اكرمكم الله ؟
هل لديك كسور اخرى؟
الاصابة من كم سنة ؟
والسلام هذي الاسئلة اللي سألوا والمهمه تقريبا
النموذج هذا يرسل بالبريد من اللجنة الى التاهيل
___________________________

بعدما تكمل باقي الطلبات وهي
1- ملف علاقي
2- 3 صور شمسية
3- صورة بطاقة الاحوال
4- صورة بطاقة الضمان اذا كنت مستفيد من الضمان
5- واثبات عنوان السكن فاتور كهرباء او عقد ايجار

يرفق معها نموذجك الطبي من المستشفى
وترسل جميع اوراقك للوزارة
ويكون لها رقم صادر

**فارس الخبر** · 27-03-2012, 12:27 am

رد: (خاص بموضوع طلبات سيارات المعاقين)

هل مركز التأهيل الشامل للذكور بشقراء

هو اخر المراكز ام ان هناك مراكز لم يحن فيها التسجيل

**ام أسيل** · 30-03-2012, 10:44 pm

رد: (خاص بموضوع طلبات سيارات المعاقين)

اشوف شقراء ماذكرت شرط الوزن
وفيه وحدة هنا بعد قالت انهم الغوا الوزن
ولا شرط الوزن بمنطقة ومنطقة لا
حسبنا الله ونعم الوكيل

**أسير الحزن** · 02-04-2012, 07:00 am

رد: (خاص بموضوع طلبات سيارات المعاقين)

صباااااااااح الخيراااااااااات..
أخواني اخواتي وصلني خبر قبل شوي أنهم ردو 400معامله بخصوص السيارات والسبب
تعريف بالرااااااااتب لابد وجوده من ضمن الاوراق المطلوبه!!!!!!!!!!!!

والمشكله انا كشفت بالتأهيل الشامل اللي بالرياض ولاطلبو مني تعريف بالراتب

يالييييييييييت أحد يفيدنا هل الخبر صحيح او لا؟؟
ولا أزيدكم من الشعر بيت
اللي راتبه 8000آلاف يمسكونه الباب

انا بفهم ياناس السيارات ماهي منحه من الملك للمعاقين طيب وش دخل الرااااااااتب بالموضوع!!

دول الخليج وبالأخص الكويت تصرف لجميع ذوي الاعاقه سيارات بدون استثناء وبدون ضوابط و شروطnew8
واحنا أغنى دوله بتصدير النفط قاعدين يمنون علينا بشروطهم وتعقيداتهم
حسبي الله ونعم الوكيل

**خالد الجوف** · 02-04-2012, 07:29 pm

رد: (خاص بموضوع طلبات سيارات المعاقين)

هل صحيح من لم يرفق تعريف بالراتب تعاد معاملتة لمركز التاهيل

انا سالت موظف التاهيل وقال فاتورة بدون تعريف بالراتب
من عندة الخبر اليقين لا يبخل علينا

**المتفائل** · 02-04-2012, 07:53 pm

رد: (خاص بموضوع طلبات سيارات المعاقين)

انا اعتقد تعريف الراتب
للي مهم مسجلين عندهم باعانة التاهيل
لان اللي مايستلم من عندهم
اعانة معناته موظف
وهم اللي يطلب عليهم تعريف بالراتب
ومثل ماقلت اخوي اسير الحزن
هذي منحه من الملك للمعاقين
وش دخل الراتب
ولا وش دخلهم باللي ورى المعاق ودونه
اعوذبالله منهم
قال تعالى ((ومن شر حاسد اذا حسد))

**عزووز** · 03-04-2012, 01:21 am

السلام عليكم لو سمحتو تفضلو

اااااه انا رحت للتاهيل وليتني مارحت

كنت رايح اقدم على السيارة وانا معاي الضمورالاربعة اول ماجيت الموظف شافني قالي تقدر تمشي؟

قلتله ايه بس اعرج
قال امسك الباب مالك شي

معقولة هذا يااعضاء؟

**سعود** · 03-04-2012, 04:00 am

رد: السلام عليكم لو سمحتو تفضلو

عادي كثير مثلك مشوهم

**الإرادة** · 06-04-2012, 11:51 pm

رد: (خاص بموضوع طلبات سيارات المعاقين)

السلام عليكم ورحمة الله وبركاته ..
أنا اعاقتي :فئة (أ)(24أ) تشوهات خلقيه(ظاهره وشديده سببت عجز)

هل يصرفون لي سيارة ولا لا؟

**فارس الخبر** · 09-04-2012, 09:24 am

الدفعة الثانية لسيارات

السلام عليكم

اعزائي

من المعلوم ... ان الدفعه الاول المقدره بـ ( 1000 ) سيارة

كسب توريدها الجميح من نوع سافانا gmc

واليوم الاثنين 17\5\1433هـ في ساعه 10 صباحاً

سيتم فتح المظاريف المقدمه بتوريد الدفعة الثانية

والمنتدى ما يقارب 70% والله اعلم ينتظرون

هذة الدفعة

اولاً الله يشفينا والله يقدم الي فية الخير يارب

وانا اتمنا ان يكسبها الجميح

او وكالة يابانيه او امريكيا

والله يشفينا

المصدر

http://mosa.gov.sa/portal/modules/news/article.php?storyid=431

**متفائلة بالله** · 09-04-2012, 10:19 am

رد: الدفعة الثانية لسيارات

يعطيك العاافية أخونا

**ام أسيل** · 11-04-2012, 02:13 am

رد: (خاص بموضوع طلبات سيارات المعاقين)

الله يشفيكم ويشفي بنيتي ويعطيكم ويعطيها الصحة والعافية يارب

**عواطف** · 15-04-2012, 10:22 am

متى....؟

متى تصرف سيارات الخاصه للمعاقين ؟

**نزيف الامل** · 15-04-2012, 07:17 pm

رد: (خاص بموضوع طلبات سيارات المعاقين)

[table1="width:95%;"][cell="filter:;"]يااخولني وخواتي العزيزين
انا قدمة على سياره
وشروط التقديم ان تقدم
تقريرك الطبي (صوره منه ) مو الاصلي التقرير يكون مترجم للغه العربيه
وبطاقة الا عانه الزرقاء (للتوضيح ) فقط
صوره منها
والهويه صوره بعد
ورفوعوها يم الرياض

(قدم لى واحد من الاقارب )

والسياره هي (فان ) مخصصه للمعاقين

[/cell][/table1]

**أسير الحزن** · 16-04-2012, 05:46 am

برنامج السيارات المجهزة للأشخاص ذو الاعاقه+نهاية استقبال الطلبات

[CENTER]

برنامج

السيارات المجهزة للأشخاص ذوي الإعاقة

تود وزارة الشؤون الاجتماعية ممثلة بوكالة الوزارة للرعاية الاجتماعية والأسرة إحاطة المواطنين والمواطنات الكرام بأن استقبال طلبات السيارات المجهزة للأشخاص ذوي الإعاقة وتحديث الطلبات السابقة للمرحلتين الأولى والثانية مازال مستمراً في جميع مراكز التأهيل الشامل المنتشرة في مدن ومحافظات المملكة، وسيستمر حتى

نهاية دوام يوم الأربعاء الثاني من شهر رجب لهذا العام (2/7/1433هـ)

علماً بأن السيارات ستمنح لذوي الإعاقة الحركية الشديدة في الأسرة ذات الدخل المنخفض

المصدر

http://mosa.gov.sa/cars/cars.htm

الاحصائيات المتقدمة

إعـــــــلان

طلبات سيارات المعاقين

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق