السلام عليكم ورحمة الله وبركاته ..
اتصلت على جمعية الإعاقة الحركية في شهر محرم العام الماضي
عشان استفسر عن الزواج الجماعي وموعده
سألني الموظف /
انت من سكان مدينة الرياض ؟؟
قلت لا من سكان جزر فرسان
قالي : المساعدة حقت الزواج لا تشمل من هم من خارج منطقة
الرياض بس أهل الرياض .
سألته : ليش إلي في الرياض مو نفس إلي في فرسان ؟
مو كلنا إحتياجات خاصة وسعوديين ؟
فالي : هذي أنظمة وتعليمات ما جبتها من عندي .
قلت طيب ما في أمل ؟
قال : إيه في أمل .
قلت كييييف ؟
قال : تصدر صك النكاح من الرياض
وتستخرج الهوية وكرت العائلة من الرياض
وتجيب مشهد إنك من سكان مدينة الرياض
وتستخرج الهوية وكرت العائلة من الرياض
وتجيب مشهد إنك من سكان مدينة الرياض
قلت : بهالبساطة ..
قال : نحن بعد ما ننتهي من أهل الرياض .. ويبقى مبلغ فائض
من المنحة نوزعها حسب أولوية التقديم .. قدم طلبك وأمسك سرا
بدري وإن شاء الله خيــــــر ..
هذا الكلام في شهر محـــــرم
استعجلت أهلي بالملكة عشان امسك رقم بدري وبكيت وصيحت
عشان أبوية يوافق على طلبي وتسلفت مبلغ بالقوة وبقولة
" تــكفى " سلفوني ودبروا لي المبلغ عشان أملك بسرعة وكان
المبلغ المطلوب 70.000 ريال عشان أتمم الملكة ..
وأنا ما أملكه وقتها لأن الجمعيات اللي دخلتها عشان اجمع المبلغ
استلمها متأخر لأن ملكتي الرسمية كانت شهر رجب ..
ودحين أبغى أجمع المبلغ وأعجل بالملكة ولو صوري بس بدون وليمة
عشان التحق بالحركية .. وبعد سلفيات وتكفون ودموع جهزت المبلغ
وكلمت أهل زوجتي وكانوا جدا متفهمين ووافقوا وفعلا تمت الملكة
عالصـــــامت .. كله عشان الحركية ذي ..
وكانت الملكة بتاريخ 13/3/1432هـ ..
أخذت الأوراق وقدمتها للحركية وطال انتظاري ولكن دون جدوى .
اتابعهم من فترة لأخرى يقولوا : انتظر اتصالنا او رسالة لجوالك ..
وأنتظرت شهر 4 . 5 . 6 . 7 . 8 . 9 . 10
ولا جدوى ..
ما كان قدامي حل أبغى أتمم زفافي وأقيم حفل الزواج شهر 10
رحت بنك التسليف والبنك الأهلي وأقترضت منها عشان أتزوج
وتقدمت للجمعية الخيرية بفرسان وبعد محايلة وكني ابي صدقة
طلعت بـ 5.000 ريال . وهم عارفين بغلاء الأسعار عندنا وما
طلعت إلا بهذا المبلغ بحجة الأنظمة والتعليمات ولله الحمد .
أتممت حفل الزواج بالديــــــووووووووووون ....
وما زلت على أمل بعد الله بالحركية ولكن :
استمرر وطال الإنتطار شهر 11 . 12 .
السنة الجديدة 1 . 2 . 3 . واخيرا اتصلوا على جوال خالي
لأنهم يقولوا أنهم دقو لجوالي كان ما فيه شبكة ومقفل مع العلم أنه ما
جاني اي رقم أو موجـــود .
أتصلوا على خالي يوم السبت قبل الماضي الساعة 11 صباحاً
الــــو : الأخ .........
نعم أنــــــا .......
اتصلنا على جوال وائل كذا مررة وما يوصل ..
طيب آمروني
إنت ايش تقرب للمعاق ؟
انـــــا : خال زوجته يعني خاله .
طيب تشرفنا .. خلي وائل اليووووم يجي الساعة الرابعة عصراً
لمقر الجمعية في اجتماع بخصوص اعانة الزواج ..
طيب : وائل بعيييد مرررة ما يقدر يحضر حالياً
يبغاله يقطع البر والبحر والجو عشان يوصل وهذي صعبة بغض
النظر عن حالته الصحية دحين الساعة 11 متى يمديه يركب البحر
ويدور حجز طيارة ويمكن ما يحصل على حجز ..
قال الموظف المتصل : ما بيدي شي ..
فال خالي : أجي بداله أو نيابة عنه ؟
قاله : لازم وكالة شرعية .
قال خالي : تراك ما حليتها متى يمديه يصدر وكالة وبرسلها لي
الرياض ؟ قول كلام يعقل يا أخي ..
قاله الموظف وبكل بساطة : أعتذر منك أخوي وإن شاء الله أنه ربي يعوضه غيرها واذا في عندنا في المستقبل مساعدة بنقوله ..
مع السلامة ..
مع السلامة ..
شفتو كيييييف الظــــــلم أخــــــواني :
هل المعاقين اللي في الرياض غير اللي في فرسان أو مناطق المملكة ؟
ما عندي كلام أكثـــر فالقصة تغني عن أي كلام ثاني ..
وما زالت ديون زواجي مستمررة . ورسوم الدراسة الجامعية أخذت
نصيبها مني بما فيه الكفـــــاية .. ومصاريف السفر للاختبارات أخذت
نصيبها أيضـا .. ومصاريف البيت كذلك أخذت ما أخذت
إلى متى الأنظمة والتعليمات ستقف عائقاً أمام مصلحة المعــاق ؟
وأين حقي مثلي مثل هؤلاء الذين يسكنون الرياض أو بعض
مناطق المملكة التي بها مثل هذه الجمعيات ؟
حسبي الله ونعم الوكيل ..
تعليق