: 0
: 1
تويت
السلام عليكم ورحمة الله وبركاته
احببت ان افيد مرضى السرطان
انه بالامكان الحصول على مساعده مالية قدرها 100 الف ريال من الديوان الملكي
وهذي من كرامات الملك عبدالله الله يحفظه ويرعاه
الطريقه لها :
1 - معروض تطلب فيه العلاج خارج المملكة ( فقط ) .
وهنا احب ان انوه ان كل مرضى السرطان يلاقون القبول بالعلاج بالخارج . ويصدر مرسوم لوزارة الصحه بالعلاج على نفقة الدولة ( أمر صريح ) .
2 - صورة من تقرير طبي عربي .
3 - صورة من الهوية الوطنية للمريض او كرت العائله .
4 - في نهاية المعروض يجب اضافة رقم الاي بان لحساب المريض نفسه اذا كان بالغ واذا كان طفل او طفله رقم حساب الاي بان لوالده .
5 - يجب وضع رقم جوال في المعروض .
----------------
كل ما سبق
ترسل عن طريق البريد الممتاز بتكلفة 30 ريال
ثم خلال 48 ساعه تقريبا سيصلك رقم القيد بالديوان الملكي
ثم خلال 5 ايام سيصلك رساله على جوالك من الديوان تفيد انه قد صدر مرسوم ملكي رقم وتاريخ واحيل الى وزارة الصحه .
بعد وصول الرساله لك بيومين
اذا تبي تروح للعلاج بالخارج .
تروح لمكتب الهئيات الطبية بالوشم فيه مكتب صغير اسمه العلاج بالخارج
تعطيه الرقم المرسوم ويطلب منك تقارير طبية انجليزيه وعربيه ان امكن وصورة هوية المريض . ثم يوجهك وش تسوي بعدها .
وترتيبات العلاج بالخارج باذن الله ما تطول اكثر من شهرين اذا خليتها على كيفها .
المهم نجي للمساعده المذكورة .
بعد ما تاصلك رسالة صدور المرسوم الملكي بالعلاج وانها احيلت لوزارة الصحه
باذن الله
بعدها بفتره بين 4 اسابيع و 8 اسابيع
ستصلك رساله على جوالك تفيدك بدخول مبلغ من الديوان وقدره 100 الف ريال
عادة تتاخر بين شهر الى 3 شهور ....
اذا رقم الحساب فيه خطاء او ما حطيته
راح يجيك اتصال يطلب منك رقم حساب المريض
والافضل يكون دائما جاهز معك
ورقم الحساب لازم يكون كامل بالاي بان
للمعلومية :
- هذه المساعده ما تقدر تستفسر عنها
- هذه المساعده خاصه بالمريض وليس لها علاقه بالعلاج بالخارج
فوزارة الصحه تعطيك تذاكر طيران وتصرف للمريض وكل مرافق له لكل واحد مبلغ قدره 300 ريال يوميا طيلة فترة العلاج
وعدد المرافقين يقررها لك مكتب العلاج بالخارج .
اللي بيسال عن مكان مكتب العلاج بالخارج او مكتب الهئيات الطبية بالرياض .
اذا انت جاي على شارع الوشم وجهك شرق
وانت تحت الكبري عند الاشارة اللي على يسارك مكتب الاحوال المدنية ( المبنى القديم )
من هذي الاشاره كمل على طول ووجهك شرق
تجيك اشاره ثانية قريبه من السابقه بحول 100 متر
لف من هذه الاشاره يسار
بعد 200 متر يجيك المبنى على يمينك .
وبتشوف بوجه المبنى باب ابيض قزاز مكتوب فوقه لوحه صغيره
العلاج بالخارج
تدخل معه يجيك كونتر فيه موظف
تعطيه الرقم اللي جاك على الرساله
الصادر لوزارة الصحه
ومن هنا يطلب منك التقارير الطبية وصورة الهويه ويعلمك وين تروح بعدها .
--------------
ان شاء الله اكون كتبت كل شي
وباذن الله يوفقنا واياكم لكل خير
ويشفي مرضانا ومرضاكم ومرضى المسلمين .
على فكره :
هذي من تجربه شخصيه وحقيقه
يعني ليست منقوله من فلان وعلان .
ولا ابي منكم الا الدعاء بالشفاء لوالدي وبناتي .
تعليق