السلام عليكم أحبتي
اليوم رحت التأهيل الشامل بالدمام
ورحت لمكتب المالية
والبطاقات الدفعة الجديدة وصلت
الحمد لله مبروووك لجميع إللي صدرت بطاقاتهم
والله يعين إللي ما صدرت لهم
تقريبا شفت على مكتب الموظف أكثر من ألف بطاقة

نصيحة مني لا حد يتصل لهم روحوا لهم علطول
أنا قبل لا أروح إتصلت لهم قالوا لي ما وصل شي كلمنا بعد أسبوع
ولما رحت قالي الموظف البطاقات موجودة من يوم الثلاثاء الماضي
لكن ما خبروا أحد ولا إتصلوا على أي أحد عشان لا يصير زحمة عندهم
بصراحة الموظفين ما عندهم إحساس إحنا من سنة مقدمين وننتظر وهم بدون إحساس

وأنا الحمد لله صدرت بطاقتي لكن للأسف يا فرحة ما تمت
حصل خطأ في العنوان بسبب الموظف الله يسامحه
حط عنواني الأحساء بدل الدمام بالخطأ
وطبعا حسب كلام الموظف مو بس أنا أكثر من 200 شخص
صار لهم نفس الخطأ يعني تأكدوا من بطاقاتكم يمكن صارت بفرع الأحساء

وبطاقتي الآن موجودة في التأهيل الشامل فرع الأحساء
وقالي الموظف مالك إلا خيارين
يا تروح فرع الأحساء تستلمها وتطلب نقل معلوماتك لفرع الدمام
أو تروح قسم الإعانات وتتطلب نقل بطاقتك إلى الدمام وتنتظر وصولها
والنقل ياخد أسبوعين تقريبا عشان توصل بطاقتي فرع الدمام
صبرت سنة من تقديمي وتالي يودوني الأحساء عشان أستلم بطاقتي الله يعين
آسف حبايبي طولت عليكم وتحياتي للجميع ...