رد: تعرضت للغش من شركة الجميح للسيارات

قدمت شكوى لوزارة التجارة وقامت الوزارة بارسال رسالة الى مسئول الصيانة في الجميح وعندما اتيت الى الصيانة وقال لي المسئول هناك بكل استهتار لن تستفيد شئ من المطالبة وان ستأتي إلي ذليل خاضع الرأس يا أخواني بماذا تنصحوني ان افعله جزاكم الله خير.

رد: تعرضت للغش من شركة الجميح للسيارات

غالبا المشكله من طرمبة الزيت ياعزيزي ، لا تدعهم يفكون مكينه او غيرها لين تتأكد 100%

وعموما مشاكل اليوكن والتاهو في طرمبة الزيت وانا متأكد بأذن الله

رد: تعرضت للغش من شركة الجميح للسيارات

المشكلة كانت من المكينة مهوب من الطرمبة حسبي الله عليهم

رد: تعرضت للغش من شركة الجميح للسيارات

شوف نصيحة أنا اشوف ان السيارة جديدة ولازالت تحت الضمان قبل ماترجعها الوكالة روح لأكبر مراكز الصيانة من غير الوكالة وافحص كمبيوتر وخلك على بينة
قبل مايعدمون موترك الوكالة ماهمها انت همها قد ماتستنزفك قطع غيار وإصلاحات والشي الثاني انتبه لاتكون من النوعية اللي شغل وامش بدون ماتحمي السيارة هذي تعدم المكائن قريب لي والله انه غير ثلاث مكائن بسبب السواق يشغل ويمشي واعدم الموتر الشي الثالث ان سيارتك جديدة وارسل فاكس للشركة الام اللي هي جنرال موترز واكتب كل اللي صار معك ومعاناتك معهم وهم يخلون الجميح يشحذونك ويحطونك بالسماء ..

رد: تعرضت للغش من شركة الجميح للسيارات

1- ارجع لوزارة التجارة و تابع معاملتك واخبرهم بما حصل لك ولا تهملها الى ان تأخذ حقك
واذا كان عيب المكينة عيب مصنعي تتحمله الشركة
+
2- تواصل مع وكيل الشرق الاوسط اظن مقره في دبي اعطه تفاصيل المشكلة وكل ما يطلبه منك
+
3- حاول تصعيد مشكلتك اعلامياً من خلال التويتر و الصحف الالكترونية مثل سبق وارفق معها التقارير التي تفيد بمشكلة سيارتك وسببها لتدعيم قضيتك

+
4- استعن بالله ثم بشخص تثق فيه وباسلوبه للتفاهم مع شركة الجميح و التفاوض معهم لكن اجعل هذه الخطوة كخطوة اخيرة بعد الخطوتين الاوليتين


هذا مالدي واعذرني ان قصرت

رد: تعرضت للغش من شركة الجميح للسيارات

جزاكم الله كل خير وابعد عنكم كل شر آمين ,,,
جميع ما ذكرتوه عملته اشتكيت لوزارة التجارة وللشركه الام في دبي انا السيارة محافظ عليها والله تعبت الله يسامحهم وحسبي الله يرد لي حقي.