رد: العلاج بالخارج

بالمناسبة اخ محمد انا متواجد في امريكا وابي امر العلاج يصدر على اسم هذا المركز
Walk The Line to SCI Recovery
المدينة
farmington hills
الولاية
michigan
usa
اي اوراق من تقارير طبية سوا من المستشفيات السعودية او الامريكية وصور اشعه وام ار اي او خطابات قبول من المركز او رقم حسابي في احد البنوك الامريكية وحتى صور الخطابات التي ارسلتها انا الى الديوان الملكي موجهة الى الملك عبدالله بن عبدالعزيز ، ووزارة الصحة (الكحه) موجهة الى عبدالله الربيعة ، والهيئة الطبية بالرياض للغيث، والى مشعل المشعل رئيس الهيات الطبية في المملكة وحتى الى وزارة الداخلية موجهه الى محمد بن نايف . تحت امرك ، اذا اردت ان ارسلها لك خبرني واترك لي رساله في جوالك .
نوع الاصابة كدمة في الحبل الشوكي الفقرة ١٢ ، اعاقة حركية Incomplete
----------
مع احترامي لك اخ محمد من شفتك كاتب جمعية البر والجمعية الخيرية والامارة وانا غاسل يدي ، لكن ميخالف انا عند كلامي لك مني عشرة الالف ريال لو قدرت تستخرج لي امر العلاج كما ذكرتك لك اعلاه .

رد: العلاج بالخارج

بالمناسبة ايضا اي مواطن اماراتي او كويتي او قطري يحتاج الى علاج بالخارج يتم توفير له ذالك في ارقى المستشفيات العالمية وكذالك المرافقين للمريض في افخم الفنادق على نفقة دولهم .
تحياتي للجميع ويابلادي واصلي والله معاك:)

رد: العلاج بالخارج

اخ محمد الله يسعدك ي رب


انا هنا بالسعوديه الاطبا ء الي مريت عليهم كل واحد براي


مستشفى خالد بالرياض
ومستشفى السعودي الالماني
قررو مفصل صناعي



عندي امل بالله كبير اني راح امشي طبيعي بدون مفصل هذا مادفعني لطلب العلاج بالخارج

رد: العلاج بالخارج

راح ارسل لك على الخاص اخوي
وسبب ذكري للجهات هذي عشان لا رحت للجهات الاعلى منهم ما يكون عندهم عذر ليش جيتنا وعندك الجهة هذي وهذي تساعدك
مشكلة الانظمة عندنا مو متحملين المسؤولية
وكل جهة ترميها على الثانية

بس من تجربتي لما ارسلت لامارة الدمام وتم تحويلي لجمعية البر وبعد للجمعية الخيرية
لقيت في الجمعية لجنة لمساعدة المرضى يقومون برفع خطابات مرفق معها صور التقارير والتكلفة وكل شي الى الداعمين والمتبرعين للجمعية من رجال اعمال ورجال دين
وتم بحمدالله توفير المبلغ المطلوب

بعد كذا تم رفع الخطابات والاوراق نفسها للديوان الملكي ووزارة الكحة
طبعا بنك التسليف كان عنده برنامج قروض للعلاج لكن تم توقيفه


بينا تواصل اخوي وان شاء الله امورك تتسهل

رد: العلاج بالخارج

اختي دارين
الاطباء هنا يقولون ما لا يفعلون

كلهم قالوا لي اصابتك صعبة وما لك علاج

تعالجت في المانيا وتحسنت حالتي بشكل كبير
وتعالجت في البحرين وتحسنت اكثر
وان شاء الله متوجه للهند

ترى اغلب علاجاتنا ما تحتاج عمليات جراحية
بس الاطباء هنا ما يحبون يتعبون
مثل طبيب الاسنان اسهل شي عليه يشيل اسنانك بدل ما يعالجها

رد: العلاج بالخارج

تحياتي للجميع
ﺻﻨﺪﻭﻕ ﺍﻟﻮﺍﺭﺩ*ﻳﺤﺘﻮﻱ ﻋﻠﻰ: 0 ﺭﺳﺎﻟﺔ. ﻣﺠﻤﻮﻉ ﺍﻟﺮﺳﺎﺋﻞ ﺍﻟﺨﺎﺻﺔ ﻓﻲ ﻛﺎﻓﺔ ﻣﺠﻠﺪﺍﺗﻚ: 0 ﺭﺳﺎﻟﺔ.* ﺍﻟﺤﺪ ﺍﻷ‌ﻗﺼﻰ ﻭﺍﻟﻤﺴﻤﻮﺡ ﺑﻪ ﻟﻺ‌ﺣﺘﻔﺎﻅ ﺑﻌﺪﺩ ﺍﻟﺮﺳﺎﺋﻞ : 100 ﺭﺳﺎﻟﺔ . (ﺗﻔﺮﻳﻎ ﺍﻟﻤﺠﻠﺪ )
ومازلنا ننتظر البطل محمد اللي يقول الامور سهله ان يتواصل معانا ويستخرج لنا امر العلاج اللي مره سهل
الله بالخير اخوي محمد

رد: العلاج بالخارج

متابع لحوار فارس ومحمد وأتفق مع الأخ فارس مليون بالمائه ولو أنه كان معتمد على الاسلوب الامريكي بذكر الحقائق كما هي حتى لو كانت توجع ونلتمس له العذر .......جالس بأمريكا
وأزيد الجمعيات الخيريه فضل ممنون لو صار (ركز لو صار) وحنا نبي حق مواطن مريض بالعلاج على نفقة خيرات بلاده التي أنعم الله بها عليه وحال دونها حائل

رد: العلاج بالخارج

ردد يافارس ياليل ماطولك

وبعدين لو كلمك وارسلت وسويت الموال الطويل
( البرقيات )
النتيجه معروفه يتوفر علاجه داخل المملكه

رد: العلاج بالخارج

تحياتي للجميع
سيدة لعيونها ، السيد الساهر ، اشكر لكم مشاركتكم وصدقوني انا وانتم عارفين نهايه كل هالكلام ولكن انا اتعمد امشي مع الاخوه من نوع محد علشان اوضح للقارئ الكريم ان الكتابة خلف الكي بورد والملخ سهله وعشان يحاسب كل شخص على كلامه وينتبه . يعني شي يقهر لما يجيك واحد ويقولك لا ياناس الامور وردية وسهله وكان احنا لانعرف بلدنا والفساد اللي فيه والبوقراطية والمحسوبية اللي فيه . خلوني ساكت بس
ومثل ماقالت لعيونها لو فعلا محمد اعطاني جواله وارسلت خطاباتي وكل الشق والبعج اللي يبونه النهايه معروفه لن يصدر امر الا بواسطه قويه جدا وكذالك الامر ليس فقط في اوامر العلاج وانما في كل قطاع مع الاسف .
المضحك في الموضوع انك لو قلت ميخالف راح ارضى واتعالج في السعودية يبيلك واسطه علشان تدخل مدينة سلطان او مدينه فهد او اي مكان حكومي .
الناس تلوم المسولين في مختلف القطاعات وانا الوم الحكومه نفسها لانها هي من يفترض ان تحاسب المسول وتضع نظام للجميع يخدم المواطنين من غير الحاجه الى كتابه خطابات موجهه الى ملك او امير فهذا تخلف مع الاسف وهذا اقل واجب تقوم به الحكومه .
قال ايش قال الامور سهله والحياة لونها بمبي .
سؤال :
هل سيحتاج امير او حتى وزير الى كتابه كل هذه الخطابات والتقارير والانتظار سنوات للحصول على اقل واجب على الدوله القيام به وهو العلاج ، سيما وان الدولة ليست مهيئه لعلاج مثل هذه الحالات وان كانت كذالك فلا يمكن الحصول على العلاج بالداخل الا بواسطه ؟
ورجاء لا ينط لي واحد ويقول قدم اوراقك والهيئه الطبية تشكل لجنه ومن هالملخي لان هالكلام ماخوذ خيره ونعرفه ونعرف نهايته ، المفترض يكون فيه نظام بمجرد ماتكون لديك اوراقك الكامله وتقدمها يصدر لك امر العلاج من غير خرابيط لجنه انا مايضحكني الا كلمت لجنه هههه ماعمرنا سمعنا بهذه الكلمه الا في الدول المتخلفه ، اجل بالله اشخاص يقررون لي قضيتي وش هالتخلف ؟ وين القانون المكتوب اللي المفترض يمشي على الجميع بحيث يغطي جميع تشريعات البلد سوا الصحيه او التعليميه او الاقتصاديه الخ .
خلوني ساكت بس
سلام

رد: العلاج بالخارج

صاحبة الموضوع طرحت استفسار
ويجب ان لاتخرج الردود عن هذا السياق
وكان ممكن تفيدونها بطريقة التقديم بغض النظر
عن التعقيدات والمدة الخ..... التى نعلمها جميعاً
ومن اراد طرح الموضوع للمناقشه
بإمكانه كتابة موضوع منفصل
اسأل الله ان يسهل امورنا جميعا ويشفى كل مريض من مرضى المسلمين