[align=justify]لاحول ولا قوة الا بالله العلي العظيم

اتمنى تساعدوني في مشكاتي والله يجزأكم كل خير

انا من فئة (ب)(24ب) قدمت على تعديل الاعانة في تاريخ 1432/8/29هـ وجبت لهم كل الاوراق الي اطلبوها مني من تقارير واثباتات رحت الى التخصصي في الرياض مكان ما اتعالج وجبت لهم تقرير من مستشفى المركزي الدمام ولما رحت قالت الموظفة بعد لازم تكشف عليك الدكتورة عندنا عشان تشوف اذا تستحقين التعديل او لا كان اسمها الدكتورة هبة سعودية وتمت الموافقة على التعديل وانا شفت الورقة بنفسي حتى الدكتورة قالت لي اني استحق التعديل واستبشرت خير قالت الموظفة بعد رمضان او بعد 3 شهور تتم تغير اعانتك وانتظرتهم الى شهر محرم يعني ما يقارب خمسة شهور ومانزل لي شيء لا التعديل ولا الالفين الي تنزل لي وراجعتهم قالت خلاص انتظري كل التأخير من الوزارة وانتظرت اكثر من خمسة شهور ثانيه وانا بس اراجعهم واهم يماطلون في كلامهم
وبعدها قالو لي انتي اصلا ماتغيرت حالتك الي اهي اعانة لغير شديدي الإعاقة فئة 24ب في الكمبيوتر مانقدر نساعدك طيب ؟؟؟؟
بعد مارحت وججيت وتعبت وعشموني خير قالو مانقدر نساعدك سبحان الله طيب الالفين حقيني من اخذها ؟؟؟ الي الى اليوم ما استلمتها حسبي الله ونعم الوكيل فيهم
مع العلم ان اعاقتي في قدمي مع بتر 3 اصابع مع تضخم في شكل القدم والساق وميلان في الحوض ولازلت اجري عمليات في التخصصي الى الان
بعدها راجعت قسم التأهيل القديم وقابلت نعيمة البو علي وقالت لا انت تستحقين الزيادة وكلمتها بعد عن اسلوب القسم الثاني كيف في تعاملهم خصوصا وحده اسمها نعيمه مديرة المالية لما راجعتها تقول طيب خلاص مو مهمه هذي الالفين انتظري الي بعدهم وكأني اشحت منها حسبي الله ونعم الوكيل
المهم قالت نعيمه البوعلي بشوف موضوعك وبعد شهر ماردت رحت لها قالت انا كنت في اجازه وضاعت بياناتك ؟؟؟؟
واخذت بيناتي من جديد وقالت بتصل فيك وبعد اسبوعين اتصلت قالت خلاص روحي لمديرة التاهيل وانا شرحت لها كل شيء انهم غلطانين والحمدالله قلت اخيرا انحلت طبعا هذا الكلام قبل شهر تخيلو الوقت الي انا اراجعهم فيه من 1432الى 1434 واروح لها على طول الا وتكلمني من اطرف خشمها وتقول طيب انتظري الدكتوره تكشف عليك من جديد وانتظر وتكشف الدكتورة وقالت انتظري وشفتها ادخلت للمديره وبعدها نادتني وقالت باعلى صوتها انت ما تستحقين زياده ؟؟
بصراحه كانت صدمه لي ولما ساالتها عن الالفين قالت روحي تفاهي مع الوزارة
ما اقول غير حسبي الله ونعم الوكيل فيهم وربي ماراح يضيع حقي
ما ادري كيف احل مشكلتي ولا وين اروح كلمت الوزارة بس يردون السنترال وبعدها يسكرون ولا حياة لمن تنادي :(
سامحوني على الإطالة بس فيني قهر ما يعلم فيه الا ربي