رد: البطاقات موجوده بالمركز حسب الاقاويل القويه

ابشركم البطاقات نزلت نساء ورجال واطفال

بس زحمه زحمه حيل بكره بيعطونياها لاني جيت متاخره وتعبت قلت بكره بجيكم قالوا تعالي بدري عشان نخلصك اول الناس<<<عرفوني المصرقعه هههههههههه

يعني بكره اللي بيروح يروح بدري الساعه 8


وتتهنوا فيها ياارب

رد: البطاقات موجوده بالمركز حسب الاقاويل القويه

طيب انتى اى مركز تابعه لى مدينه الدمام ولا وين ؟

رد: البطاقات موجوده بالمركز حسب الاقاويل القويه

مركزالتأهيل الشامل بحفرالباطن

رد: البطاقات موجوده بالمركز حسب الاقاويل القويه

يالله بالتوفيق لك >>>> بشرهم بتغيير الحاله ومحد بشره بالبطايق توزعت بالدمام ولا لا :(

رد: البطاقات موجوده بالمركز حسب الاقاويل القويه

يبووووووووووي كل المناطق نزلت لهم حتى الدمام روح واخذها وعلى مسؤليتي اذا مالقيتها

رد: البطاقات موجوده بالمركز حسب الاقاويل القويه

انا ماخذها من سنة الفيران يوم كانت تركض بجحور البيوت من الاوليين الطيبيين انا .. بس ماهى لى لواحد من اخوياى معاق حركى .. بس الحين اتصل على الدكتور واساله تونى اتصلت لقيته خط ثانى يرد على يعرف جوالى

رد: البطاقات موجوده بالمركز حسب الاقاويل القويه

اتصلت عليه تو ورد على قالى الدمام للحين ماوصلت تحدثت بالموقع الحاله بس ماوصلتنا من الرياض ويقول انهم بلغوهم على اساس ان الاسبوع هذه توصل ورجعوا اتصلوا عليهم من الرياض وقالولهم تاريخ 25 - 10 الجاى توصل وفيها راتبين تسعه وعشره وقالى اصبر راح ارجع اتصل عليك الحين يبغى يشوف المسؤل عن الماليه بالمركز يقول يمكن وصلتهم وماعطونى خبر فا راح يشوف الرجال العلم ويتصل

رد: البطاقات موجوده بالمركز حسب الاقاويل القويه

اهاا موفقين ان شاءالله يستلمها

رد: البطاقات موجوده بالمركز حسب الاقاويل القويه

طيب بشرنا اذا خذاها وربي يوفقكم ويعطيك الاجر

رد: البطاقات موجوده بالمركز حسب الاقاويل القويه

ان شاء الله التوفيق للجميع

رد: البطاقات موجوده بالمركز حسب الاقاويل القويه

ابشركم استلمت بطاقتي امس والحمدالله

وتهاوشت مع الاخصائي عندهم اسمه ناصر الحربي هههههههههههه

بعدين لي رجعه واقولكم السالفه

رد: البطاقات موجوده بالمركز حسب الاقاويل القويه

هههههههههههه بسرعه علينا بنشوف طعاتك icon23

رد: البطاقات موجوده بالمركز حسب الاقاويل القويه

جابت العيد هههههههههههه لا يطلع خوينا الاخصائي ناصر الى معنى بالمنتدى تراه بالحفر عندكم ههههههههههههههههههه

رد: البطاقات موجوده بالمركز حسب الاقاويل القويه

انشهد انها ماتجيب الا الطعات

رد: البطاقات موجوده بالمركز حسب الاقاويل القويه

اناجيت
افاعليكم جبت عيد من بدري هههههههههههه

اول شي شلونكم اخباركم فقدت المنتدى يومين مادخلت من تعب التأهيل ههههههههههه

اول شي اقولكم مبروك البطاقات وتتهنون يارب وفالكم مليون باارصدتكم يااااارب

ثاني شي والله ياقاهر مدري يمكن ناصر اللي بمنتداكم بس المهم هودبه اذاهو عليه العوض ههههه
جبت العيد وخليت البشر اتجمع عليه خخخخخخ

اول شي جيتهم الساعه 8وزحمه مدري متى الناس جوا يمكن من الفجر متجمعين وحاطين قهوه وشبة النار<<<عبالهم طالعين للبر

عطيتهم اوراقي عشان استلم البطاقه الاقالوا صفي دور وتعرفون انا خارجه عن النظام

قلت لهم خلصوني قال انتي ماجيتي بدري قلت هابدري كم الساعه عندكم يعني الفجر؟

المهم اخوي قال امسحيها بوجهي وخليناننتظر وانتظرنا وانتظرنا اندبلت كبدي صرت اقوم من كرسي لكرسي لين طفشت وانااقوم البشر واقعد جمب اخوي

والناس غسلوا ايدهم مني ههههه تاكدوا اني موصاحيه
وبعدها بشوي الاالاخصائي ينادي فلان وفلان ومن ضمنهم اسم ابوي وجدي وانااقول هااا ابوي اكيد قصدهم انا واخوي قالهم لوسمحت انت ناديت اسمنا انافلان فلان قال لالا موبطاقتك قال اخوي بطاقة اختي قال لالا هاذا واحد ثاني وسكتنا والااشوي ينادي الاسم محد جاء والااخوي يقوله مره ثانيه وقال لاياخي موباانتم
وبعدها مانادانا وناس بعدنا وجاهم الدور والاانا اوقف واناديه لوسمحت انافلانه بنت فلان ابن فلان قال لحظه وقال اه هاذي ورقتك ليش ماجيتوا
واناهني اصيح عليه ياخي اخوي مرتين قالك هاذي ورقتنا وانت تقول لااااااموورقتكم
اللي بعدي خلصتهم وحناللحين ليش ليش هااااا والاتجمعوا الرجاجيل ويخزونه واخوي يقولي خلاص هدي نفسك وانااقول لاااصبر الحين منو الغلطان حنا والاهو قال الخصائي اناشدراني الاسامي باالكرت كثيره وماادري منو له التاهيل ويطالع بااخوي ويقوله الله يهديك ليش ماقلت انها لك واناارد عليه اقوله الله يهديك انت قال لأخوي خلاص ماصارشي والناس اللي مالحقوا على بداية السالفه جوا يبون يعرفون شاالسالفه والاخصائي مايدري شيقول ههههههههه

واخذنابطاقتي عشان نفعل الرقم السري وانااقول للموظف المطوع لوسمحت انامنزرعه عندكم من الصبح خلصني يامطوع قالي صبر والاادخل باالمكتب وطلعوا الرجاجيل وانااوقف على راس اللي يفعل اقوله بطاقتي خلصها لوسمحت ترى انا قفلت معي وهوعرفني شكله قال المصرقعه جت ههههه قال ابشري ابشري اجلسي وانااخلصها وقعدت اناواخوي وخلصناها والا اذن اذان الظهر ونزلت عشان اخذت ورقه للضمان والموظفين يطالعون فيني يقولون هاذي شكله ماخذه تأهيل لانها مجنونه

واناساكته ودي اكفخهم بس انطر اخوي يوقع الورقه من المدير والانزل الاخصائي عشان يصلي والاخزني عرف شكلي يمكن ههههههههه
ويقوله الموظف صديقه ناصر ناصر وعرفت انه الاخصائي ناصر الحربي

بس بجد موظفين فاشلين من اكبرهم لااصغرهم بس الله يشفي فرحان اللي عندهم ولد شقردي عمره 16يمكن و كل شوي يجيب لي ماي بدون مااقوله هومريض ونزيل عندهم احسن منهم والله

ربي يوفقه يااااااارب

وبس واللي يبي اسويله معامله واخلصها له بسرعه يقولي اناباالخدمه هههه