رد: كم الحد لراتب الذي يقطع عنه الضمان

وعليكم السلام ورحمة الله وبركاته
الحد المانع للصرف في المعاش الشهري 2001 ريال والمقصود به راتب التقاعد اما الوظيفه فما يسمحون للمشمول بالضمان يتوظف لأنه معناها انه قادر على العمل وزال عنه العجز ومو في حاجة الضمان والانظمه تقول كذا
واذا توظفت بتجلس فتره الله اعلم كم ومتى ما سوى الضمان بحث واكتشفوا تسجيلك في التأمينات اكيد بيسقطونك
تقديمك على المقطوعه بيسقطك لأنهم يعملون بحث وان توظفت بعد ما قدمت على المقطوعه واكتشفوك خلال هالفتره بيسقطونك من الثنتين
في النهايه الموضوع راجع لك واذا تبي تبري ذمتك خلك في السليم ياهذا او ذاك الجمع بين الثنين فيه شبهة وومكن تعرض نفسك لمشاكل مع الضمان

رد: كم الحد لراتب الذي يقطع عنه الضمان


كلام سليم

اذا توظفت سوف يتم تسجيلك بالتأمينات براتب لايقل عن 3000 ريال هذا هو الحد الادنى للراتب في التأمينات

وبالتالي سوف يتم شطب اسمك من الضمان ،

رد: كم الحد لراتب الذي يقطع عنه الضمان

نظام سخيف وجائر لاجل 3000 ريال يقطع الضمان

الله يصبرنا بس

يعطيكم العافية

رد: كم الحد لراتب الذي يقطع عنه الضمان

اخوي انا اكثر من ثلاث الاف ولم يقطع وكثير مثلي

رد: كم الحد لراتب الذي يقطع عنه الضمان

اصلا اصلا اصلاااا ابو اربعه وخمسه كيف عايشين هذول ؟؟؟؟؟؟؟؟؟؟
نفسي واحد يستلم خمسه الاف نفسي يعلمني كيف يصرف نفسه

رد: كم الحد لراتب الذي يقطع عنه الضمان

نفسي اعرف وين يسكن وبكم ايجاره وايش سيارته وكم مره تخرب ومن وين يسدد الكهرب والجوال وكيف يستقبل الضيوف وايش يقدملهم وكيف يتمشى وين يروح وايش يشتري لما يطلع يتمشى وكم مره يقدر يشتري وجبه جاهزه من براء وكم كسوه يشتري بسنه وكم جزمه وكم مره يسمح لنفسه ياكل اكله بحريه ولما يسافر وين يروح ووين يسكن

رد: كم الحد لراتب الذي يقطع عنه الضمان

الحمدلله على كل شي
لاتستغربي اختي سعودية اعتبريها عيشة فقير
في بلد خير

اذا فيه دراسة تقول الدخل الشهري للاسرة السعودية
لضمان حد ادنى من المعيشة مبلغ 8900 ريال
ومادونهيعتبر تحت خط الفقر
واحنا المعاقين نتكلم عن 3 و4 الاف
لله المشتكى

رد: كم الحد لراتب الذي يقطع عنه الضمان

اقسم بالله حرام يعني مانبغى منهم فلوس ودخل زياده لكن بلاش زيادة الاسعار بكل شي انهلكناكل شي محسوب علينا بالحسره كنا قبل هل فتره ناكل ونشرب ونسافر ونوفرمن الفين فقط الحين سته وسبعه وموملحقين وقروض وديون وماكلين هواء وذول يقولون حد ادنى جعل تدني منيتهم

رد: كم الحد لراتب الذي يقطع عنه الضمان

الله كريم

رد: كم الحد لراتب الذي يقطع عنه الضمان

راتبي 3185 ولا تكفي مع العلم ان ساكن مع اهلي وعندي طفل واحد
شلون اللي راتبه 3000 وساكن في ايجار!!!!
وغير بنك التسليف اللي ياخذ ربع الراتب 750 لمده خمس سنوات
انتهت بطاقتي الصراف من قبل اربع ايام ورحت الضمان اجدد واعرفو ان اشتغل قال لي الموظف يا تفصل من التامينات يا الضمان لك اسبوع
اذا ما فصلت من التامينات راح تسقط عند المساعده
اذا ما يبون يعطونه الضمان على الاقل يخلون اقل راتب في الشركات 4500 ولاتكفي الصراحه
مصاريف طفلي في الشهر لحاله 500 ريال تقريبا وش يبقى من الراتب

رد: كم الحد لراتب الذي يقطع عنه الضمان

الله كريم

رد: كم الحد لراتب الذي يقطع عنه الضمان

اخي انت مسجل بالضمان عجز كلي ام عجز مؤقت وكذلك ماذا عملت هل فصلت من العمل واسقط اسمك من التامينات ام طلعت من الضمان .
لان بصراحة اوقات يقول الواحد ان العمل افضل لانه يوفر لك راتب اعلى من الضمان وكذلك يكفي انه يوفر تأمين صحي لك ولعائلتك وخصوصا الاطفال لكن نصيحة يا اخوي حاول تشوف لك شركة اعلى راتب وصحيح بتتعب لما تبحث لكن ان شاء الله ستجد .
لان بجد الحياة قاسية والعيشة صعبة ببلد ينعم بخيرات الله تعالى لكن مانقول الا حسبي الله ونعم الوكيل

رد: كم الحد لراتب الذي يقطع عنه الضمان

انا عندكم راتبي 3200 ومن ذوي الاعاقة وساكن بشقة ومتزوج وعندي بنتين الله يحفظهم والحمدلله دامي ماني ميت جوع اللهم لك الحمد وربنا سبحانة وتعالى قال كلوا واشربو ولا تسرفو ... اهم شي الاكل والشرب ونحاول ندخر بقدر الامكان والحمدلله على كل حال

رد: كم الحد لراتب الذي يقطع عنه الضمان

لا مو اكل وشرب وبس نبي نطلع ونسافر حتى لو لمكه او المدينه ونسكن باماكن محترمه وفنادق فاخره ولو بالسنه اسبوع فقط فيه الف بند لترفيه وتوسيع الخاطر حتى لو بتطلع مع عيالك يوم استراحه تتونسون ولا حفله محترمه وكم متر بوفيه اعتقد مو حرام لو كانت رواتبنا اكثر وترفهنا نحنا اولى من كثييير من الناس بالترفيه ماعندنا ولا شي يسلينا ويوسع خطرنا موحرام ترى حليلنا نحنا والله نكسرالخاطرغلبانين وعلى ثلاث واربع الاف يحاسبونا