رد: حقوق ابنتي

وعليكم السلام ورحمة الله وبركاتة
هلا فيك اخوي

الله يشفيها وينعم عليها بالصحة والعافية
وان شاء الله الاخوان الي عندهم الخبره في هدا المجال يفيدوك

رد: حقوق ابنتي

،،،،،،،،،،،،،،،،،، جزاك الله خير،،فرح العسيري،،،،،،،،،،،،
اللهم امين لها ولجميع مرضى المسلمين

رد: حقوق ابنتي

اخوى العزيز انت قدم لها على التاهيل الشامل راح يصرفون لها اعانه حسب حالتها يقيمون كم مقدار اعانتها الشهرى .

رد: حقوق ابنتي

حياك الله ... وفقك الله ... كتب الله أجرك ، فالمبتلى مأجور على ما اصابه بفضل الله

قدم على التأهيل الشامل ، فلها إعانة تقدر بعد معاينة المريضة .... ثم قدم على الضمان فلها إعانة أيضاً ، وأسأل الله أن يؤجرك على هذا وأن يشفيها فإنه لا مستحيل مع قدرة الله وتدبيره .

رد: حقوق ابنتي

أخي العزيز قاهر اليأس وأخي الناصح الصادق
اشكركم على تفاعلكم معي بالموضوع
انا على علم بالمبلغ الشهري الذي يصرف
االتأشيرات المجانية للخادم والسائق
صرف الاجهزه الطبية
صرف سيارة للمعاق???????????? كيف طريقة التقديم عليها

انا احب اعرف كل شي فرضته الدوله ل ابنتي قبل اروح حتى اقول حقوق ابنتي كذا وكذا


وكل عام وانتم باتم صحة وعافيه

رد: حقوق ابنتي

ربي يشافيها اي تستحق ان شاء الله رووح وان شاء الله خير

رد: حقوق ابنتي

وعليكم السلام ورحمة الله وبركاته
الله يشفي بنتك ويعافيها ويعينكم ويأجركم
الحين إنت رح سجلها في التأهيل وربك بييسر الباقي
اتوقع بيسجلونها تعدد اعاقات وتعدد الاعاقات له 3 درجات ومن خلال التقرير الطبي والفحص بيحددون على اي درجه والمبلغ الشهري المحدد لها
1- السياره / عشان أختصرها عليك في الوقت الحالي مافي تقديم على السيارات
2- التأشيره / في نفس اليوم الي بتاخذون فيه بطاقة الصراف من التأهيل إطلب تأشيرة سائق وخادمه ويمكن لو طلبت تأشيرة ممرضه يعطونك بس مكتب العمل ما راح يسمح بالثلاثه مع بعض إلا إذا كان راتبك مرتفع لأنهم بيطلبون منك تعريف بالراتب
إذا منت محتاج للممرضه لا تطلب خلك على السايق والخادمه
3- الاجهزه الطبيه / بعد ما تشوف طبيبة المركز بنتك إسألها عن الاجهزه الي ممكن يوفرها لك المركز ومناسبه لحالة بنتك وقدم على طلبها وبعد التقديم يبي لك تصبر شوي لأن قدامك سرا طلبات
4- بطاقة التخفيض / هذي تعتمد على المركز الي إنت مقدم عليه اطلبها وان شاء الله يصرفونها لبنتك
في أي تقديم أو طلب خلك مجهز عمرك ومعك بطاقتك وبطاقة العائله و4 صوره شخصيه لبنتك وخلهم 8 لك وللزمن ممكن تحتاجها في يوم من الايام وبطاقة الصراف تبع التأهيل والتقرير الطبي الي ما تعدا سنه وتعريف بالراتب عشان لو طلبوا شي يكون معك وما تروح مشاوير على الفاضي يعني لا يطلعون من البوك

رد: حقوق ابنتي

السلام عليكم ورحمة الله وبركاته

اضافة الى ما ذكر
هناك الرعاية الاجتماعية ( الايواء )
وايضاً التعليم هناك مراكز تأهيل تابعه للتأمينات لتعليم ذوي الاحتياجات الخاصة ويختلف عن التعليم النظامي


بالتوفيق يارب

رد: حقوق ابنتي

وعليكم السلام ورحمة الله وبركاته
الله يجزاكم خير جميع على تفاعلكم معي في موضوع ابنتي