رد: زوجي عاطل عن العمل . هل تشملني المساعدة المقطوعة ؟

وعليكم السلام ورحمة الله وبركاته
إنتِ متزوجه وزوجك موجود وعلى عصمته ما تقدرين تقدمين على المقطوعه
زوجك ممكن يقدر بس أبي أعرف كم عمره ؟
وش سبب إنه عاطل ؟
عنده تقاعد وكم ؟
كم عددكم كلكم ؟

رد: زوجي عاطل عن العمل . هل تشملني المساعدة المقطوعة ؟

اهلا اختي
زوجي عمره 35
وعددنا ثلاثة
وماعنده تقاعد
والسبب اته عاطل لأنه للحين مالقى وظيفة تناسب خبراته ومؤهلاته كلما يقدم مايردون عليه للحين .

رد: زوجي عاطل عن العمل . هل تشملني المساعدة المقطوعة ؟

إذا متأكده إن عمره 35 خليه يقدم على المقطوعه
وإذا عمره 34 خليه يقدم على الدعم التكميلي
ياخذ معه بطاقته وبطاقة العائله وصور منهم وأي شي يثبت انكم تابعين لنفس منطقة مكتب الضمان يعني فاتورة كهرباء أو صك البيت او عقد الأجار
بس ينتبه ما يكون عنده سجلات أو رخص تجاريه أو ( عماله مهنيه أو اكثر من 3 عمال غير مهنيين ) يكفي وجودهم باسمه حتى لو ما كان يستفيد منهم
شوفي في البدايه يمكن في أحد مسجله على التأمينات وهو ما يدري

رد: زوجي عاطل عن العمل . هل تشملني المساعدة المقطوعة ؟

تسلمي عزيزتي والله يعطيك العافية .
بس عندي سؤال أخير :
هل التقديم على المساعدة المقطوعة يكون عن طريق النت أو لازم يروح لمكتب الضمان ؟

رد: زوجي عاطل عن العمل . هل تشملني المساعدة المقطوعة ؟

الله يعافيك واسألي على راحتك
التقديم من الموقع أو المكتب كلهم ماشين بس بالنسبه للتقديم من الموقع فيه رفع وثايق ولازم تتأكدون إن معلوماتكم صحيحه ومكتوبه بشكل صحيح لأنه إذا خلصتوا واعتمدتوا الطلب مافي شي إسمه تعدلون هالخاصيه مهيب موجوده وساعتها بتكونون ضيعتوا على نفسكم الفرصه وبيكون طلبكم مرفوض ومتى بيطلع هالشي ؟ بعد كم شهر وبتضطرون تسوون طلب من جديد .
فيه كثير قدموا من الموقع وانتم شوفوا الي يناسبكم
إذا اخترتوا الروحه للمكتب اتصلوا عليهم وشوفوا هل لازم برنت من التأمينات ؟ لأن التقديم من الموقع طالبينه
بالتوفيق

رد: زوجي عاطل عن العمل . هل تشملني المساعدة المقطوعة ؟

اعتقد انها تشملك لكن لابد من المستندات التي تثبت

رد: زوجي عاطل عن العمل . هل تشملني المساعدة المقطوعة ؟

الأخت زهره سالت عن المقطوعه بشكل مستقل والمتزوجه الي في عصمة زوجها ما تقدر تستفيد من الضمان أو المقطوعه إلا كتابعه
تقدر المتزوجه الي ما عندها عائل تقدم على الضمان والمقطوعه إذا توفرت فيها الشروط وهم المهجوره أو زوجها مفقود أو مسجون أو متعاطي مخدرات
هي في وضعها هذا ممكن تستفيد من المقطوعه كتابع مهيب مستقله وفي فرق كبير بين مبلغ الأب وبين مبلغ التابع من المقطوعه وهذا يعتمد أيضاً هل أضافها مع عياله إن كان له عيال يوم قدم ولا لا ؟ لأنه إن ما أضافهم فما لهم شي لأن الأب مهوب مشمول بالضمان
إذا أضافهم وحسبنا على حسب توزيع الضمان فالأب ياخذ 10400 ريال وكل فرد تابع معه ماله غير 1400 ريال لكن إن حب يبحبحها عليهم يعني يزيدها فجزاه الله خير