رد: ابي يحرمني كليا من راتبه التقاعدي

وعليكم السلام ورحمة الله وبركاته


الله يفرج هم كل مسلم




اختي يمكن والدك تقاعده يادوب يكفي مصاريف , وانتي حسب ماذكرتي تاخذي من التأهيل والضمان وان شاء الله تسد حاجتك وتزيد




مو لازم نشتري كل شي , وكل انسان مقسوم رزقه , فيأخذه اما بالحلال او الحرام << هنا الانسان مخير وليس مسير




الله يرزقك ويغنيك من حيث لاتحتسبي ..

رد: ابي يحرمني كليا من راتبه التقاعدي

للاسف اخوي , ابوي حرمني لانه مشتري بيت لزوجته وقاعد يسدد الباقي بحقي بعد ماقصرت فلوسه

مع العلم ان ابوي حتى بيت ماترك لي انا واخواني , احنا عايشين في بيت امي اللي ورثته من ابوها, يعني حرمني من لقمه عيشي في حياته وماترك لي اي شيء بعد موته الله يحفظه , كل همه زوجته وبنته منها مع انه هي تستلم حافز بعد واللي تأخذه اكثر مني

ومعك حق الواحد مو لازم يشتري كل شيء لكن كل شيء اسعاره غاليه وقاعده تزيد الاسعار واللي اخذه من ضماني وتأهيلي مايكفي اكل وشرب وملبس وعلاج وفواتير وراتب سواق لان مافي احد يجيبني ويوديني وتصليح خربات سياره وخربات اغراض البيت وبلاوي لاتعد ولاتحصى ولله الحمد , ابوي تركني مره وحده تخلى عني
علشان كذا اسأل اذا لي حق قانونيا واذا مافي عقوق له
وياخوي دعي لي بظهر الغيب ربي يفرج همي وماضطر للمطالبه بحقي , يعلم الله قد ايش انا محتاجه الدعاء

رد: ابي يحرمني كليا من راتبه التقاعدي


×

الله ييسر امرك أختي الصغيره

وفقك الله وسدد خطاك

×

رد: ابي يحرمني كليا من راتبه التقاعدي

على حسب علمي البنت كل حياتها ع ابوها الى ان تخرج لزوجها


---

رد: ابي يحرمني كليا من راتبه التقاعدي

ليس عرفا بل شرعا كذلك لكن قانونا مادري


---

رد: ابي يحرمني كليا من راتبه التقاعدي

بترفعين قضيه على ابوك؟؟؟

رد: ابي يحرمني كليا من راتبه التقاعدي

صدقيني مافي اصعب في الدنيا من انك تشوفين اللي المفروض يكون نبع الحنان والحمايه والسند لك يتخلى عنك وتقولين له ابوي لاتكسر ظهري انت سندي ودمعك بعيونك ولايحن قلبه و لايرق ويقولك روحي شتكي علي بالمحكمه

مافي اصعب من انك تحسين بالخذلان من شخص تحبينه من كل قلبك مافي اصعب من انك تشوفين اللي تترجين منه يحميك خصوص بعد وفاه امك يخليك تعيشين مو يتيمه الام بس لكن يخليك يتيمه الاب وهو حي, مافي اصعب من الاحساس بالوحده والضياع مافي اصعب من الاحساس بالقلب لم يبكي من القهر, ولاتفكرين يأختي مطالبتي بحقي بالمحكمه علي امر هين انتي ماتدرين قد ايش انا اتعذب لفقداني ابوي واتعذب اكثر بمجرد التفكير اني اشتكي عليه
وربي اني ارفع يدي وستخير ربي ومن امس قررت مارفع عليه قضيه وصبر على مابلاني ربي واستمر بالدعاء على زوجه ابوي اللي تسببت بأخذ حقي مني وحرماني من ابوي,
لكني اسأل علشان اعرف هل لي حق او لا, ومن حقي اكون على علم هل اللي يسويه ابوي فيني يرضي الشرع والقانون او هو ظلمني

رد: ابي يحرمني كليا من راتبه التقاعدي

ياحبيبة قلبي يا حياااتي لااااا الله يعينك ويجعلك فرج عاجل غير اجل ,تري بعض الاباء الكبار بسن يكونون جاهلين ويحبون الفلوس ويسون حركات مالها داعي بس انتي طولي بالك وادعي ربي يباركلك بالي معاك وحاولي تلاقين وظيفه عن بعد من غير مايدري مدامك تعرفين للكمبيوتر تواصلي مع الشركات او جمعيات خيريه وربك كريم وبتنزلك المقطوعه ام عشره الاف وامسكي فلوسك وبطايقك وحاولي تفكرين بطريقه ايجابيه عشان صحتك لا تنقهرين بقوه كذا تري بتمرضين والله لا يجعل الدنيا اكبر همنا واسال الله يحنن قلبه عليك ولا ترجين شي بيد احدحتى لو كان ولدك من بطنك

رد: ابي يحرمني كليا من راتبه التقاعدي

اذا هو ابوك وعنده القدره الماديه انه يحتويك يعني مايكون حالته حاله وانتي قاعده تدورين رفاهيه لاا اقصد اذا هو مستقر ماديا وعندك احتياج لضروريات الحياه بعيد عن الكماليات في الحياه او التفريط فيها فالصرف عليك وااجب عليه شرعا وعرفا كلها بس نصيحتي لا تروحين تشتكين للمحكمه حاولي تفهمينه بالكلمه الطيبه واللين بالنهايه هذا والدك واذا شفتي مافيه امل وانتي اعطيتي فرصه كثيره روحي للشيخ بالمحكمه واشرحي له الوضع والله يعينك بس تحلينها معه افضل واسلم حتى وقعها على النفس اخف بكثير سوا على نفسك او نفس ابوك


---

رد: ابي يحرمني كليا من راتبه التقاعدي

الله يكون بعونك '(

رد: ابي يحرمني كليا من راتبه التقاعدي

نفس ما قالوا لك
اعتبري نفسك وحيدة بالدنيا
فكري دائم بحل
مشروع طبخ [حتى تكثر فلوسك - ثم جيبي سائق خاص و خليه يوصل معلمات وطالبات - ثم مشروع وراء مشروع ] فكري بإيجابية دائماً
تاري في بعض البنوك تدعم المشاريع الصغيرة
سوي خطة عمل و عطيهم
قدمي على عبداللطيف جميل
يدعم المشاريع الصغيرة
نطاقات
الله يوفقك هذا اقدر اللي اقوله لك
فكري بإيجابية اهم شيء
واللي يبي الزين يتحمل و انا اخوك
في آمان الله


---

ابي يحرمني كليا من راتبه التقاعدي

ماقريت الردود بس معقوله ترفعين عليه قضيه ؟؟

اتوقع يكفيك راتب الضمان والتاهيل هذا من غير المقطوعه السنويه من الضمان نعمه يارب لك الحمد

والبيت بيت امك ولكم كلكم انتي واخوانك ماهو بيت اخوانك لحالهم

اكثري الصدقه والأستغفار

والبيت اللي يبنيه ابوك بيكون باسم ابوك يعني لكم كلكم ماهو كلتبه باسم زوجته لاتخافين

وسوي لك مشروع حلو ومربح والله يوفقك

رد: ابي يحرمني كليا من راتبه التقاعدي

لكي حق كما لأختك حق

اذا كان يعطي اختك اللي تستلم حافز اكثر منك فلابد ان يساوي بينكم

ونصيحتي اذا كان لديك مايكفيك عن حقك من تقاعده سامحيه دنيا واخره هذا في النهايه ابوك

رد: ابي يحرمني كليا من راتبه التقاعدي

الله يكون بعونك ويلين قلب والدك لكي يارب