رد: بشرى رجعت الشموليه

جزاك الله خير
على خبر الحلو ومشكوره والله يسعدك دووم يارب


iPhone السعودية لذوي الاعاقة

رد: بشرى رجعت الشموليه

الحمد لله

رد: بشرى رجعت الشموليه

الْحٍمَدٍ للـّ? توني شيكت لي ولزوجي طلعلي من المشمولين

SM-G935F السعودية لذوي الاعاقة

رد: بشرى رجعت الشموليه

مشكورة الشمولية رجعت

وعقبال ما تجينا وظيفة سعودة
الي يخبر لنا سعودة يراسلنا على الخاص فديتكم

رد: بشرى رجعت الشموليه

الحمدلله هم وانزاح


iPad السعودية لذوي الاعاقة

رد: بشرى رجعت الشموليه

توني مسوي استعلام ورجعت الشموليه لي
سوال يا جماعه لو ورجعت ايش بيصير يعني ؟؟
حاطين انكم من ذوي الاحتياجات الخاصه ومستكثرين عليكم 800 ريال
وحاطين لكم حد أعلى لو يصير راتبك أربع الاف وريال يحذفونك من الشموليه وتسقط الإعانه

رد: بشرى رجعت الشموليه

انا كاتبين عند حالة الاعاقه :تأشيرة معاقين والمفروض يكتبوا نوع الاعاقه ممكن احد يفسرلي ليه كتبوا كذا
وشكرا

رد: بشرى رجعت الشموليه

لو صار راتبك أعلى من 4000 تسقط من الاعانه فقط لو نسقط من الشموليه لو زاد عن اربعه كان مصيبه

رد: بشرى رجعت الشموليه

سعوديه كول
وش اقول وش اخلي وضعنا مزري ولكن نحمد الله على كل شي
المفروض مالهم شغل بالوظيفه الي تتوظف فيها او الراتب الي تستلمه
هم عليهم من اعاقتك هل هي مشموله عندهم ؟ ان كانت مشموله عندهم خلص الاعانه تمشي لك لو بعد مليون سنه اهم شي التقارير تثبت صحة مرضك وانه مرخص عندهم بعد الكشف عليك من دكتور او اخصائي اعاقات
العيب فيهم انهم يخلونك تايه مع القرارات التعسفيه الي ماتغني ولا تسمن من جوع
وكل مانشوف فيها ايقاف الاعانه او توقيف شموليه في وزارة العمل
إنما أشكي بثي وحزني الى الله
اسال الله ان يرزقني ويرزق كل معاق بوظيفه تغنينا عنهم وعن اعانتهم الي ما تغني ولا تسمن من جوع

رد: بشرى رجعت الشموليه

اتكلملك عن نفسي المفروض بأني موظفه حكوميه من 17 سنه شفت عشان الوظايف بهاذل ومصخره وقلت قيمه الآن طفشت والكل يقلي جيبي واسطه وتتعينين وانا حنبليه الواسطه ؟؟؟؟حراااام ماعليش اسمع كلام مو طيب في كل مره اقدم ولا اطلب وساطه من أحد ولا توظفت ولا تنيلت هههههه وبعد كل هلعمر جاتني وظيفه لحد عندي ياسبحان الكريم وماصدقت عقدوني جعل ظليمتي برقابهم ليوم الدين...المهم توظفت بشركه وماحد يتخيل كمية الخوف والفرح هذاك اليوم يوم تاريخي مجيد والكل يهني ويبارك هههه طبعا يجاملوني وتوفقت فيها لأنها جات من غير وجع راس ولا حب خشوم الله أكرمني....والحين لما انلغت الشموليه والله ماشلت هم إلا كيف اروحلهم بعد مايفصلوني ههههههه فشله بصراحه وماعندي استعداد إطلاقا اسمع اي كلام عطف ولا تبريرات أحد لاني عارفه سلفا ماوظفوني إلا عشان ميزة العمل ولو نزلت منها اكيد بنفصل وبصراحه موقف اليم وخصوصا تعودت على الراتب.....الاعانه صدق تساعد شوي بس اهم شي عندي الشموليه عشان الراتب...وهذا الحال هو قمة تطورنا مااعتقد عاد فيه شي افضل ممكن يصير للمعاقين الفترات الجايه ......وكثر الله خيرهم بس يخلونا على ميزة الأربعه ونكون ممنونين ولو انها مش منصفه بس احسن من ولا شي

رد: بشرى رجعت الشموليه

وكمان المفروض يحددون لشركات أقل راتب معاق يكون ثمانيه آلاف اقللل شي

رد: بشرى رجعت الشموليه

سعوديه كول
انا نفسي اعرف بس شي واحد
ليه عندكم بصيص امل انهم راح يرفعون لكم حد اعلى او راح يهتمون فيكم ؟؟
انا مابي الاهانه والله مابيها بس ابيهم يعطوني وظيفه تخليني اعيش مثل البشر براتب يعزني ما يذلني
اسالكم بالله راتب 4 الاف وحارس دوام 12 ساعه كيف حياتك راح تكون ؟
والله الا تكره الوظيفه والراتب وتجلس بالبيت على لا شي وتقول البيت احسن لي من كرف 12 ساعه ومسؤوليه ومشاكل اثناء العمل
حنا ذوي احتياجات خاصه المفروض اولى من غيرنا الاجانب في بعض الوظايف مثل المعقبين والمدراء وو الخ
كلمت التاهيل وجه لوجه وشكيت لهم حالتي قالو لك عندنا اعانه فقط
قلت ارسلو خطاب لمديرية الشرطه انهم يوظفوني كاتب او معقب او اي شي قالو مالنا شغل
قلت طيب ليه مسميني من ذوي الاحتياجات الخاصه ولا بس كذا ديكور ؟؟ على عينك يا تاجر
بغيت اتهاوش معهم وكرهت ام الدنيا في هذيك اللحظه وخربت معي بغيت اتهاوش مع المدير
وضعنا مزري واتمنى ماحد يزعل من كلامي
الوقت هذا وقت واسطه يمشي حالك ما معاك واسطه روح اشحذ عن المساجد
والله ماحد داري عنك لا ملك ولا وزير ولا بطيخ
الله لا يسامح من هضم حقوق المسلمين بغير وجه حق
اقسم بالله ماراح اسامح من ظلمني يوم القيامه

رد: بشرى رجعت الشموليه

وش معناة شموليه ممكن تشرحون لي....انا لاوضيفه ولاشي على الله وهاالاعانه والضمان

رد: بشرى رجعت الشموليه

يا اخوان كل ما اخش على الرابط وادور الشموليه ما تظهر معي ومكتوب غير مسمحوح لك الوصول الى هذا الصفحه

رد: بشرى رجعت الشموليه

يعطيني غير مسموح لك الوصول اللى هذا الصفحه