رد: المره الاخيره لتجمع معاقي شبه الجزيره

الله معاكم شدو حيلكم
بس عندي سوال اخوي فالح
صدق احتمال يسجنونكم

رد: المره الاخيره لتجمع معاقي شبه الجزيره

تخيلو لوحة مكتوب عليها سجن ذوي الاحتياجات الخاصه
ههههههه

رد: المره الاخيره لتجمع معاقي شبه الجزيره

دام اهل العاصمه ماتحركو
اجل حنا ياللي بالاطراف وش نقول
يرضيكم نجي من المناطق الاخرى ونتجمع واهل العاصمه لاحس ولا خبر
شئ غير معقول
لست دكتور نفسي اشخص الحالات وابرر الاعذار للغير

اذا وصل العدد من الرياض 20 معاق سوف نتحرك من المناطق الاخرى
اما اتصالات بين الافراد متى نتجمع ومتى بصراحه مايصلح ان نتصل بيننا بعدد اطراف الاصابع والرياض صامته

تحركو ياذوي الاعاقه بالرياض واعملو خير لجميع المعاقين واذا تحركتو تأكدو اننا سوف ناتي الى مقر التجمع قبل الجميع

لانريد مساعدات شخصيه
خطاب موقع من 50 معاق بالاسماء وارقام الاتصال
نريد المجلس الاعلى لرعايه المعاقين
توجيهات الامير سلطان
الاعانه لاتنقطع عن المعاقين
الضمان يصرف لمن راتبه 5000 او يصرفون له بدل اعاقه


غير الكلام هذا مع احترامي للاخوه والاخوات ماعندي كلام
وابشرو بالخير

رد: المره الاخيره لتجمع معاقي شبه الجزيره

اتصل علي الاخ منصور ابو داليا من الاخوه بالمنتدى وابدا استعداده هو من الرياض
والاخ ابو مطلق هؤلاء من الرياض وهم على اتم الاستعداد

للاسف نشحذ همم للمطالبه بشئ من صالحنا جميع
عجبي ياوطني !!!

رد: المره الاخيره لتجمع معاقي شبه الجزيره

اللهم وفقهم يارب

رد: المره الاخيره لتجمع معاقي شبه الجزيره

ياعزيزي فالح والله لست ضد التجمع
لكن أنا عندي تحفظ على المسمى ( المرة الأخيرة لتجمع معاقي شبة الجزيرة )
يعني بكل بساطة سيسألونك مامعنى المرة الأخيرة
هل هذا تهديد ؟ أم يأس ؟ ومن ثم الجزيرة التي قلت أنها تأتي على سياق الأخيرة
عزيزي أنت تتواجه مع دولة تدقق على ربع الكلمة وأسالني
أنا لست ضد التجمع ولو تواجدت بالرياض في فترة التجمع فأنا من ضمن الصفوف
لكن لعلك أن تغير الشعار هذا
وليس رغبة من كثير الكلام ولكن والله أنني خائف عليكم
وأنتهى ماعندي عن الموضوع الآن ودوماً
تحياتي

رد: المره الاخيره لتجمع معاقي شبه الجزيره

انا مع الأخ فالح في كل كلمة قالها ومن ضمنها تسمية الموضوع

وانتم اعترفتو ،، اللي قال انهم راح يسجونكم، واللي قال انهم راح يسألونك عن المسمى

بمعنى انهم التفتو لنا بعد هذا الموضوع وبالأخص اسم الموضوع

ولنكن واقعيين
حنا تعبنا كتبنا كل شيء ، مثال: ناشدنا وقلنا يا مملكتنا الحبيبة، يا مملكة الإنسانية، يا يا وما إلى ذلك من عبارات جميلة ،،،
هل تحقق لنا شيء؟ هل لبّية شروطنا وحقوقنا؟
إلى متى ونحن ننافق ونطبّل؟

ومن وجهة نظري ليست بشبه الجزيرة
شبه غابات مليئة بالوحوش والعفاريت

بمعنى اطالب بإعادة تسمية الموضوع إلى:
المره الأخيرة لتجمع معاقي شبه جزيرة الوحوش

رد: المره الاخيره لتجمع معاقي شبه الجزيره

الاسم ارى انه مدح
لو رجعو لنا لوجدو ان الموقع اسمه الشبكه السعوديه
نحن نحب الاسرة ونعم فيهم بس مقصرين الحكومه وعندما اقول الحكومه كلمه شامله لمن هم يعملون بها من الاسرة والوزراء والدوله

وبعدين الاخ فهد
تراك انت كابس العالي مسلط الضوء على اسم الموضوع وتراه عادي رعاك الله
انا اتكلم عن منطقه الرياض انا اعرف اثنين معنا ومستعدين للتجمع

اين البقيه اين ذوي الاعاقه يالرياض
شكرا فهد ونواف وبصمه والجميع وهلا

رد: المره الاخيره لتجمع معاقي شبه الجزيره

الدكتور اسمه مازن خياط
وين الشباب
خليهم يورونا وجوههم بالموضوع على الاقل يصير حوار مثل ماصار بينا الحين

رد: المره الاخيره لتجمع معاقي شبه الجزيره

عندي فكره ليش ماتكلمون الدكتور مازن وهو يحدد
لكم لقاء مع الملك وبكذا يختصر عليكم الطريق .

رد: المره الاخيره لتجمع معاقي شبه الجزيره


للأسف هذا حنا يالمعاقين

أرى بعض الردود فيها تدقيق على الأخطاء اللغوية والإعراب والمضاف والمضاف إليه ،، وهاذي الجمله غيرها والعنوان ماهو مناسب ووو

ماعليك يافالح الناس هذولا يحاولون يلقون عذر حتى ما يحضرون
ووالله لو غيرت العنوان وصار (( أبناء خادم الحرمين من ذوي الإحتياجات الخاصة يناشدون خادم الحرمين لمقابلتهم ))
ماراح تشوف منهم أحد

ونحن ماضون في ما اتفقنا عليه وهو(( التجمع وليس المظاهرة بل التجمع أمام قصر خادم الحرمين مثل ما فعل المعلمون ))

رد: المره الاخيره لتجمع معاقي شبه الجزيره



??????????

رد: المره الاخيره لتجمع معاقي شبه الجزيره

يابصمه قضيتنا اوصلت للصف ثاني ثانوي تبين ترجعينها للصف اول ابتدائي

تبين حنا نكلم مين ؟؟
ونعم بالدكتور مازن بس تراه عضو بمجلس الشورى
وحنا وصلنا او اوصلت قضيتنا الى الصف ثاني ثانوي باقي سنه وتتخرج
لذلك استخدمنا الطرق والاخوه ماقصرو وماباقي الا التجمع امام قصره اطال الله بعمره

التجمع علاج للاعذار التي يستخدمونها الكثير كبطانه والوزير والدراسات والبحوث
ماعندنا لعب حنا اما نتجمع ونحطهم امام الامر الواقع ولا بتقوم ناقه صالح وحنا يامعالي الوزير وياسمو الامير

اما تجمعو واعملو خير للاجيال الحاليه والقادمه والسابقه لذوي الاعاقه بالسعوديه
او اتركو من يريد التقدم للمعاقين يسير بطريقه لاتكسرو من العزوم
الله يصلح الحال والاحوال اللهم آمين

رد: المره الاخيره لتجمع المعاقين


الاخ فالح قلبه كبير وعقلة اكبر
ويهمه مصلحة الموقع لذلك سيتفهم مصلحة الموقع
التجني على الحكومة والانتقادات لا محل لها
وكما نرى هناك مشاركات لاداعي لها هي تخدم من يكيد بنا وهي تهدم ولا تبني خاصة وان هناك اقسام في الاستخبارات وظيفتها تصفح المواقع
نرجوا منك اخي ابو عبدالله تفهم الوضع كما تعودنا منك تفتحك واهتمامك باخوانك المعوقين
ودمتم بحفظ الرحمن

رد: المره الاخيره لتجمع المعاقين

صباح الخير
تم تعديل الموضوع
وننتظر رجوعه لمكانه الطبيعي بعد اذن الاخ تميم

وياليت ظبط الاعصاب ياجماعه الخير
قالو صفو صفين قال مافيه الا انا وحسين

يعن مع قلتنا بالموقع نجلس نختلف على صغار الكلمات
الموضوع واضح هو شحذ همم واللي بيختلف يقنعنا عن اختلافه
وبصراحه لانريد من يؤخر تقدمنا