رد: استفسار بخصوص بطاقات التخفيض

وعليكم السلام والرحمة

شافاكي الله وعافاكي

اذا تقصد التأهيل الشامل لا مايطلعون هذاك اول الآن من شروطهم انك مسويه عملية مفاصل وتغيير ورك وشغله معقده هالكلام للتأهيل الشامل بالأحساء

اذا تبين تطلعين لك

روحي مستشفى الدمام المركزي يوم الأثنين من كل اسبوع الصباح تسألين عن كيف يعطونك البطاقة وبيدلونك

المطلوب تقرير طبي جديد والنسبة فوق 70%

بطاقة الأحوال او كرت العايلة

وصورتين للرجال اما الحريم مايحتاج صور

تعطينهم الأوراق وتعبين الاستمارة ويشوفونك اللجنة الطبية ونفس اليوم تستلمها او يقولون لك اسبوع الجاي

أهم شي الدمام المركزي يوم الأثنين فقط

بالتوفيق

رد: استفسار بخصوص بطاقات التخفيض

يعني البرج الطبي يعطوني بطاقة تخفيض نفس حقت التأهيل يعني اقدر استفيد منها في الطيران ولا ما اقدر وشكرا

رد: استفسار بخصوص بطاقات التخفيض

المشاركة الأصلية بواسطة ام زهراء مشاهدة المشاركة

يعني البرج الطبي يعطوني بطاقة تخفيض نفس حقت التأهيل يعني اقدر استفيد منها في الطيران ولا ما اقدر وشكرا

اي نفسها وفيها خصومات للطيران والقطار وكل شي نفس حقت التأهيل

انا توني مطلع جديدة قبل شهرين

ان شاء الله اذا مانسيت أكتب فوايدها وخصوماتها بعدين

بالتوفيق

رد: استفسار بخصوص بطاقات التخفيض

تسلمو مشكورين
ان شاء الله اقدر اروح ويعطوني