رد: الزوجه المهجوره كم ينزل لها ؟

س1/ الحين لو قلت لهم يقدمون ان ابوهم هاجر امهم؟

ج1/ التقديم عن طريق المحكمة ويصدر صك هجران، او الذهاب الى مكتب الضمان واحضار اثنين شهود سواء من ابنائها او غيرهم بأن الزوج هجرها.

س2/ كم راح يصرفون للمراه المهجوره ؟

ج2/ 1000ريال إعانة شهرية
84ريال سلة غذائية
79ريال دعم كهرباء

س3/ وهل راح ينقص شي من الضمان الاجتماعي الي يصرف لهم الان وهو تحت يد ابوهم و زوج المهجوره ؟

ج3/ اذا كان الاب(زوج المهجورة) مستفيد عجز كلي يخصم الآتي:
أ- 285ريال إعانة الزوجة.
ب- 84ريال السلة الغذائية المخصصة للزوجة.
ج- دعم الكهرباء المخصص للزوجة والمبلغ يعتمد على حسب عدد افراد الاسرة ولا يتجاوز ال40ريال تقريبآ.
أما اذا كان الاب (زوج المهجورة) مستفيد عجز مؤقت يخصم الآتي:
أ- 285ريال إعانة الزوجة.

س4/ والشي الثاني هل يقدرون يعملون ارفاق للابناء والبنات الغير متزوجات او لا؟

ج4/ اذا كنت تقصد بالأبناء والبنات المضافين في الضمان مع الاب، نعم تستطيع الزوجة اضافتهم معها في الضمان بشرط ان يوجد لدى الزوجة صك إعالة ويسقطون من ضمان الأب بشكل تلقائي، أما في حالة عدم وجود صك اعالة للزوجة سيستمرون في ضمان الاب.

رد: الزوجه المهجوره كم ينزل لها ؟


الله يجزاك خير ويكتب اجرك
على نيتك الطيبة

تفضل هذا رابط خدمة وصال الي تقدمها الضمان الاجتماعي للمتعففين

تقدر تحط بيانتك وبيانتهم
وهم راح يتواصلون معهم ويضبطون امورهم



وبالتوفيق يارب

رد: الزوجه المهجوره كم ينزل لها ؟

الف شكر لك يالغالي
بس ياليت توضح لي كيف اعرف ان حالة ابوهم عجز موقت او عجز كلي ؟؟
انت افدتني بشكل كبير واان نسخت رسالتك لهم ودعو لك يالغاالي

والشي الثاني ليه يخصمون المفروض ما ينقصون شي

رد: الزوجه المهجوره كم ينزل لها ؟

عن طريق هذا الرابط:
ادخل رقم السجل المدني ورقم الضمان


والشي الثاني ليه يخصمون المفروض ما ينقصون شي؟
الضمان ما يسجلها مهجورة الا بعد ما يسقطها من ضمان زوجها
لانها حاليآ تعتبر مستفيده من الضمان بإضافتها مع زوجها ويصرف لها اعانه 285ريال.
ونظام الضمان مايصرف اعانتين لمستفيد واحد.
لذلك راح ينخصم 285ريال من الزوج لانه راح يتم اسقاطها ويصرف لها 1000ريال اعانه مستقلة

رد: الزوجه المهجوره كم ينزل لها ؟

بعد ما كلمتهم دخلو عملو استعلام طلع كذا
نوع الخدمة بلغ سن الشيخوخة
حالة المستفيد قائم

مافيه عجز كلي او عجز مؤقت ؟؟

رد: الزوجه المهجوره كم ينزل لها ؟

سن الشيخوخة يعتبر عجز كلي(عجز دائم)

رد: الزوجه المهجوره كم ينزل لها ؟

الله يوفقكم ويرزقكم من واسع فضلة

رد: الزوجه المهجوره كم ينزل لها ؟

معليش انا اسف كثرت عليك بالاساله يالغالي
يعني من الاخير كم مجموع ما يصرف للمهجوره ؟
وكم يصفى لهم بعد الخصم الي يقتطع من الضمان الاصلي حق الاب
يعني مثلا ينزل لهم 850 قبل لاتقدم طلب الام انها مهجوره
بس ما يصرف لها اعانه انها مهجوره يصرف لها 1000+84+79 صح ولا انا غلطان ؟؟
وبعدين ايش نخصم منها بس 285 او نخصم بعد 84 ؟؟
ياليت تحسبها لي وتعطيني الصافي من الضمان للمهجوره بعد قطع الضمان من ضمان الاب

رد: الزوجه المهجوره كم ينزل لها ؟

كم عدد الافراد المسجلين في ضمان الاب وكم اجمالي الاعانة الشهرية الي تنزل للاب

المهجورة اذا قدمت اوراقها للضمان
ينزلها اعانة 1000ريال و84ريال سلة غذائية و79ريال دعم كهرباء
واذا قدمت على المساعدة المقطوعة تنزلها 10400ريال كل سنتين

رد: الزوجه المهجوره كم ينزل لها ؟

اجمالي الضمان ينزل لهم 850 ريال ضمان + 200 اتوقع كهرب + 500 سله غذاء
انا نسخت كلامه وارسلته هنا
انا ابي اعرف كم يصفى لهم بعد ما ينزل لامهم ضمان خاص بها عشان اخبرهم ويعرفون بالضبط
وشكرا لك مره اخرى

رد: الزوجه المهجوره كم ينزل لها ؟

850ريال بسبب ان الاب يوجد لديه راتب تقاعدي.
عمومآ عدد الافراد المضافين معه في الضمان 5 افراد
يصفى لهم
565ريال اعانة ضمان
166ريال دعم كهرباء
420ريال سلة غذائية

رد: الزوجه المهجوره كم ينزل لها ؟

شكرا لك يالغالي كفيت و وفيت
الناس دعت لك

رد: الزوجه المهجوره كم ينزل لها ؟

العفو، وبارك الله فيك على ماتقوم به تجاههم وجعلها الله في ميزان حسناتك.

رد: الزوجه المهجوره كم ينزل لها ؟

يحق لها من يمشي لها ضمان تقدم على المقطوعه بسرعه او تنتظر ؟؟