رد: من اين ( كيف ) احصل على بطاقة تخفيض اجور ركاب

وعليكم السلام

ادخل على موقع الوزاره



بعدين الخدمات الالكترونية بعدها خدمة اركاب وقدم من خلال الموقع

بيجيك رقم طلب برساله على طول خذه وتوجهه لمركز التاهيل الشامل

وبالتوفيق

رد: من اين ( كيف ) احصل على بطاقة تخفيض اجور ركاب

ايش كان بيصير لو اللي موظفينه بتاهيل قاله هذي المعلومه ؟؟؟؟؟؟ايش كان بينقص منه؟؟؟؟

رد: من اين ( كيف ) احصل على بطاقة تخفيض اجور ركاب

يعطيك العافية اخوي ورحم الله والديك
تم التقديم

رد: من اين ( كيف ) احصل على بطاقة تخفيض اجور ركاب



للاسف اغلب الموظفين بالقطاع الخاص والحكومي همهم بس الراتب اخر الشهر عشان يعيش ولو يحصلهم يأخذون راتب بدون حضور مايقصرون،،والجوده والامانه والتفاني بالعمل اخر همهم.

رد: من اين ( كيف ) احصل على بطاقة تخفيض اجور ركاب

هذا جهل وتخلف ومواشر على ان الوضع ماراح يطور وراح يظل المواطن يدفع ثمن قلة الامانه والظلم وعدم احترام انسانيته عشان ذولا يستلمون رواتب ويعيشون عيالهم من وظايف ماخافو الله وادو حق عملهم وطيبو رواتبهم واستلموها حلال ...الموظف هذا ظلم الاخ وافتى من راسه واشار عليه شور خاطي مافكر فيه ولا عشر ثواني لكن مو الشرهه على هنوع من الموظفين الشرهه على مدراء التاهيل الي سمحو بهذي المهازل ايش فيها لو كل مدير سواء اجتماع للموظفين وعلمهم باليات الوزاره وتجديدات الي تصير بموقعهاوحث كل موظفينه على الوعي وفهم كيفية العمل """"فااااهم"""" يفهم هو ايش يشتغل مو عيب ولا سر ولا شي مخفي الفهم مطلب لكل انسان محترم موظف ولا غير موظف ...مو بس حتى على هسالفه لا على كل جديد يصير يكون الموظف مطلع وفاهم هو ايش يشتغل وكيف يرد على العالم بوعي واحترام ومصداقيه وامانه ومايظلم حاله ويظلم خلق الله ونرتقي وتنقرض الاشكال هذي الله لا يمتعهم برواتبهم الي يستلمونها وهم مايعرفون شي عن اي شي ويتحلطمون بعد وين نطور وذولا الموظفين الحكوميين وذا مستواهم ....الشكوى لله ......لو يجبرون الموظفين على لبس بروش باسم الموظف وفي حال حصل استهتار من هذا الموظف ممكن ينرفع باسمه للوزاره ويتعاقب كان مشومضبوط لكن من امن العقوبه اساء الادب ....وهذول امنو العقوبه وامنو المواطنين المسالمين الي يصدقونهم فليش يتغيرون وليش يتعبون انفسهم ويتعلمون عملهم ويطورون ويرتقون... ويظل الفاهم بحقه هو الي ماكل هواء والجاهل بنعيم مقيم مشتري دماغه....لنا الله ....والله عادل ....

رد: من اين ( كيف ) احصل على بطاقة تخفيض اجور ركاب

حالة غالب الموظفين التصريف

هو فعلاً مو الكل مستحق لبطاقة تخفيض اجور الاركاب لكن المشكله ان الموظفين اخذوها عذر ف اذا بيصرف شخص قاله انت مو مستحق

بس مثل حالة الاخ كاتب هذا الموضوع مستحق للبطاقه والدليل ان الموقع قبل طلبه للبطاقه

فالان عنده دليل انه مستحق للبطاقه وبمجرد يوري الموظف الرساله حقت الوزارة ما يكون للموظف فرصه لتصريفه

رد: من اين ( كيف ) احصل على بطاقة تخفيض اجور ركاب

مو بس تصريف ترى جهل يمكن حتى مايعرف وش الايقونات المتواجده على صفحة الوزارة ...جهل مايبي يفهم ولا يبي يفهم غيره ...قبل كم سنه الموظفه الي طلعتلي البطاقه جلستني جلسه تحقيق ولقافه وقرف ايه قرف حقيقي حتى تكرمت حضرتها وفتحت الدرج وطلعت البطاقه وكتبت عليها اسمي بخط يجيب الهم وختمتها بثواني بس لسوء حظي كانت فاضيه وتبي تسولف وانا انجبرت اسايرها عشان اخلص ولا هي مالها دخل تحقق معايه ولا شغلها ملفي كله عندها مسجل على النظام بس استهبال وقرف وجهل والله لو كان اسمها واضح ببروش لاشتكيها بس ماسكتها وخلاها تنجزني الا لما سالتها عن اسمها اختبصت ورفضت وقالت ممنوع ههههههه قمت ضحكت وعطتني بطاقتي وطلعت وانا اقول بنفسي الله يحرقك يالبعيده انتي واشكالك بكل دوائر الحكومه خلونا ننظف ونطور مع العالم....

رد: من اين ( كيف ) احصل على بطاقة تخفيض اجور ركاب

وعليكم السلام ورحمة الله وبركاته << تبع أول الموضوع :d

إذاا بنتكلم عن أهمال الموظفين وعدم ألمامهم بكافة أمور وشكليات وظيفتهم فراح نتعب وأحناا نحكي .

لكن كمان لازم ما نقع بنفس مستوى الخطأ وما نقول - إلااا من رحم ربي -

لإن فعلاً فيه موظفين وموظفات رايتهم بيضاء - الله يكثر من أمثالهم -

وصحيح أن الغث أكثر من السمين فواجب عليناا أماا مواجهتهم أو رفع شكوى ضدهم .

بالنسبة لي وعند أستخراجي للبطاقة ما كانت في بالي .. أناا سئلت الموظفة سؤال :

هل فيه ما يثبت أني تابعة لكم ؟!

طبعاً ما فهمت علي .. ورجعت أقول لها : مثلاً أبي أتوظف بشركة كيف أثبت لهم أني مستفيدة بالتأهيل ؟!

قالت ما عندناا غير بطاقة اركاب وبطاقة المواقف إذاا تبينهم أعطيتك .

قلت أووك .. فقالت هل سبق واخذتيهم فقلت لااا .

وعلى طول أعطتني وكتبت في خلف البطاقة تحتاج إلى مرافق .. علماً أني دخلت عليهاا أمشي .

فاللي حابة أزيد عليه أنه بالأول هي تساهيل من الله .. ثم حرص وأهتمام الموظف ومخافته لربه .

لكن باقي الموظفين المتهاونين فنسئل الله لهم الهداية وأن يكفيناا أذاهم .

رد: من اين ( كيف ) احصل على بطاقة تخفيض اجور ركاب

طيب كويس طلعت بنت حلال وعطتكي البطاقه على الاقل ههههه يعني جاهله بس سمحه لكن فيه جاهله وخبيثه تستقعد وهي تقدر تمشي العالم ويطلعون يدعون لها بتوفيق ....وعموما افضل موظفات تاهيل وبنات ناااااس وشايفين خير ونعمه ونفسياتهم طيبه هم حقين الرياض اغلبهم ذكيات وخلوقات ويفهمونك وان كانت ماتدري تسال وانتي جالسه تسمغينها تسال وتجاوبك ماتتحرج ولا تعطي من راسها طبعا مش كلهم بس افضل بمراحل من المراكز الي مريت عليهم