رد: بطاقة تخفيض اجور الاركاب لذوي الاعاقه

مو بكيفه ما يعطيك

دامك مستحق لزم يعطيك هي

حاول تراجعهم بكرا واذا بعد قال ما عندهم ادخل على مدير المركز

رد: بطاقة تخفيض اجور الاركاب لذوي الاعاقه

أنا قدمت عن طريق النت ورحت اليوم عشان أستلم البطاقة فرع الدمام إناث
ونفس الشي قالوا ما عندهم ولازم توصلهم من الرياض
فأعتقد بالفعل ما عندهم،

رد: بطاقة تخفيض اجور الاركاب لذوي الاعاقه

اقسم بالله العظيم اني اليوم رايح مع صديق لي ومستلمين البطاقه حق اجور الاركاب وبطاقة المرور من تاهيل حايل
وامس طبع الطلب من الموقع واليوم رحنا ما اخذ منا يمكن 15 دقيقه وعطانا بطاقتين
بطاقة اجور اركاب والبطاقه الثانيه حقت المواقف المروريه

رد: بطاقة تخفيض اجور الاركاب لذوي الاعاقه

نعم للأسف ليس كل فروع التأهيل الشامل مثل بعضها
فكما ترى فرع الدمام لا يوجد لديه بطاقات كما قيل لي وللأخ صاحب الموضوع.

رد: بطاقة تخفيض اجور الاركاب لذوي الاعاقه

والله سالفة لا توجد بطاقات هذي فكره انا ما اوافق عليها
روح ادخل على المدير و قوله انا مستحق لبطاقة اجور الاركاب و الموظف يقول البطايق مو عندنا
انا الان ابي البطاقه اعملو لي طلب او طلعوا لي بطاقه الحين

ماراح يقولك روح للرياض مانقدر نسوي لك شي
اما يسوي لك بطاقه او يطلبها لك من الرياض ان كان صحيح ماعندهم بطايق

رد: بطاقة تخفيض اجور الاركاب لذوي الاعاقه

هو هذا اللي قالوه
ينتظرون البطايق توصلهم من الرياض
لأن الفروع ما تصنع البطاقات
بل توصلهم من الرياض
يعني وش بيدنا إذا فرع الدمام ما وصلت له البطاقات
والموظفين والمدير أكيد طلبوا البطايق من الرياض
يعني الهواش ما راح يفيد بشيء

رد: بطاقة تخفيض اجور الاركاب لذوي الاعاقه

يالغالي ماقلت لك هاوشهم
قلت لك ادخل على المدير لان بعض الموظفين والله مايعرف كيف يقوم بالعمل

اسال الله لك التوفيق لك في حياتك

رد: بطاقة تخفيض اجور الاركاب لذوي الاعاقه

السلام عليكم
نفس الحالة رحـت لهم و قالوا عن طريق الرياض و تواصلت مع خدمة العملاء عن طريق موقع الوزارة في النت و قالوا لي البطاقات عن طريق مكتب التأهيل بالدمام و ليس الرياض و بصراحة حنا ضايعين بينهم ....

رد: بطاقة تخفيض اجور الاركاب لذوي الاعاقه

البطاقه تاخذها من اي مركز تاهيل

وهي بطاقه عاديه عندهم عدد كبير منها ويكتب عليها اسمك وهويتك بخط يده ويلصق صورتك بغراء ويختم عليها ويوقع عليها مدير المركز فقط

فالشغله عاديه ويدويه لا من رياض ولا غيره

رد: بطاقة تخفيض اجور الاركاب لذوي الاعاقه

خذها مني انا اذا دخلت موقع الوزاره باسمك ورقم هويتك
وطلبت بطاق اجور ركاب
وطلع لك رقم طلب وطلب منك تحضر صورتين وجه مقاس 4*6
ومكتوب لك بالموقع الرجاء مراجعة مركز التاهيل الشامل
اعرف انك مقبول وتستحق البطاقه 100%

او اسال الموظفين قولهم وين الموظف المختص في بطايق اجور الاركاب
لان انا وقت رحت لهم اتصلو على الموظف المختص بالبطايق حق التخفيض وجا وطلعها لصديقي

رد: بطاقة تخفيض اجور الاركاب لذوي الاعاقه

السلام عليكم
بالنسبة لي كان كرت المواقف ضايع وبطاقة التخفيض منتهيه وخلال 10 دقائق اعطاني جديدة طبعا لاقدمت بالانترنت ولا حاجة مجرد اخذ مني صورتين شخصية بس الله يوفقه هذا تأهيل جدة.

Sent from my SM-N910C using Tapatalk

رد: بطاقة تخفيض اجور الاركاب لذوي الاعاقه

اقدر اقدم على بطاقة التسهيلات المرورية واركاب لنفسك الوقت

رد: بطاقة تخفيض اجور الاركاب لذوي الاعاقه

تاهيل الدمام ماعندهم بطاقات الركاب
صار لي خمسة اشهر مقدم طلب عن طريق موقعهم العفن


ولما رحت لهم بالصور الا يقول لي لازم صور مقاسها 3×2
قلت له ليش ما بلغتونا قبل ما ادفع 50 ريال عشان 5 صور


كل شي صار سعره الدبل وهذيلا مو مهتمين بوضعنا المادي فلسنا والا شحتنا على الابواب


واخر شي يقول لي ماعندهم بطاقات الوزارة ما ارسلت لهم

رد: بطاقة تخفيض اجور الاركاب لذوي الاعاقه

انا طلعت بطاقه التسهيلات المرورية مازال الحاله تحت الاجراء مع اني استلمتها الي يعرف ليه يقولي ويعطيكم العافيه