رد: استفسار لذو الخبرة

مافهيا شي ولا ضرر باذن الله
تاخذ راتب بلا عمل يعينك على علاج او ظروف معيشيه
فقط لما تبي تسجل سعوده تاكد انك تسجل فقط تامينات
وما يسجلك موارد بشريه
والراتب ينزل لك بنفس التاريخ الي سجلك فيه او تاريخ 1 ميلادي من كل شهر
وفي حال يماطل فيك وما يصرف لك راتبك
تقدر تروح للتامينات وهناك يعالجون وضعك

رد: استفسار لذو الخبرة

وعليكم السلام ورحمة الله وبركاته

ارحب و اسهل يا ماجد

ما منها ضرر

التأهيل شرطهم ان راتبك ما يزيد عن 4الاف حتى تستمر الاعانة


ودام راتبك المسجل بالتأمينات الاجتماعية اقل من 4 الاف راح تستمر اعانتك من التأهيل الشامل

وسلامتك

رد: استفسار لذو الخبرة

اذا مسجل في الضمان بيصر لك اسقاط

رد: استفسار لذو الخبرة

الله يعطيك العافية ماقصرت
بسالك وش موارد البشرية ضرورة التسجيل بالسعودة يكون بالمورد ولا بس تأمينات. فقط ؟
مشكور

رد: استفسار لذو الخبرة

وزي ما قال الاخ معاند الضيم اهم شي تتفق معهم الراتب يسجلونه بالتامينات 3 الاف ريال
عشان ما يتوقف التاهيل عليك لا قدر الله
وبانسبه ايهما افضل اكيد الافضل انك تسجل سعوده بلا موارد بشريه
تامينات فقط

وان توفر لك سعوده مع موارد بشريه اهم شي لا ترضى براتب اقل من 2500
وان توفر لك سعوده مع تامينات عاد انت وما ترغب يا تسجل براتب يمشي حالك او ترفض ان الراتب ما يعجبك
واكثر رواتب السعوده الي اعرفه 2700

رد: استفسار لذو الخبرة

ليه بس
انا ما قلت كذا

خلهم يسجلونه بالتأمينات 3950ريال ما يضره

خلهم يسجلونه بـ 3999 ريال ما يضره وراح تستمر له الاعانة

ليش 3الاف قليل



اعيد واكرر الراتب المسجل بالتأمينات الى 3999ريال تستمر لك الاعانة ولا عندك مشكلة

واذا الله وفقك براتب ممتاز اكبر من هالرقم الله يغنيك عن الاعانة وش بتسوي الاعانة قليلة
الراتب اذا كان كبير افضل ولمصلحتك

موفقين يارب

رد: استفسار لذو الخبرة

اخوي الله يبارك فيك انت لو قريت اول سطر من كلامي وفهمته 100% بتعرف قصدي شوف ايش قلت للرجال انا

وزي ما قال الاخ معاند الضيم اهم شي تتفق معهم الراتب يسجلونه بالتامينات 3 الاف ريال

انا قلت مثل ما قال الاخ معاند الضيم قصدي بكلامي مثل ماقلت انت عن الاتفاق عن الراتب المسجل بالتامينات ماقصدك بكلامي انك قلت الراتب لازم يكون 3 الاف !!
اما بخصوص الاتفاق والراتب بالتامينات 3 الاف هذا كلامي انا مو كلامك انت وما قصدتك بكلامي انك انت من يقول الراتب يتسجل 3 الاف !!!

بارك الله فيك
فهمت كلامي خطا

رد: استفسار لذو الخبرة

ابد انا ما قلت ثلاثة الاف ريال ابد
انا قلت اقل من 4 الاف ريال

لو اقل بريال واحد يعني 3999 يمشي الحال وتستمر الاعانة

لكن فيه فرق بين 3999
وبين 3000 ريال


على كل حال اتمنى ان ردودنا توضح للجميع المعنى المقصود
وان الاعانة تستمر بـ 3999 كحد اعلى للراتب المسجل بالتأمينات الاجتماعية


موفق اخوي ناصر

رد: الضرر من السعودة

مافيها ضرر

رد: الضرر من السعودة

المشاركة الأصلية بواسطة بروحه مشاهدة المشاركة

مافيها ضرر

صديقتي مسجله بسعوده فقط 500
وشارطين بعد انها ماتستخدم التامينات

رد: الضرر من السعودة

المشاركة الأصلية بواسطة امل سلمان مشاهدة المشاركة

صديقتي مسجله بسعوده فقط 500
وشارطين بعد انها ماتستخدم التامينات

هل هي مسجلة بالتأمينات الشركة سجلتها او بدون تسجيل

اذا بدون تسجيل عادي تقدر تتوظف في شركة ثانية وتستلم من الجهتين واذا كانت متسجله في التأمينات أقل راتب يحطونه في النظام مايقبل أقل من 3000 ريال وتحاول في الشركة تزيد راتبها على الأقل 1500 خاطر الله

أتمنى أفدتك وربي يوفقك

رد: الضرر من السعودة

المشاركة الأصلية بواسطة ضوء القمر مشاهدة المشاركة

هل هي مسجلة بالتأمينات الشركة سجلتها او بدون تسجيل

اذا بدون تسجيل عادي تقدر تتوظف في شركة ثانية وتستلم من الجهتين واذا كانت متسجله في التأمينات أقل راتب يحطونه في النظام مايقبل أقل من 3000 ريال وتحاول في الشركة تزيد راتبها على الأقل 1500 خاطر الله

أتمنى أفدتك وربي يوفقك

مسجليها والله تامينات فقط 500 يجيها اول راتب كان 250 فقط

رد: الضرر من السعودة

المشاركة الأصلية بواسطة امل سلمان مشاهدة المشاركة

مسجليها والله تامينات فقط 500 يجيها اول راتب كان 250 فقط

الله يعوضها خير

خير قليل أفضل من خير منقطع

500 أحسن من لا شي

بس هم من حقك تطالبين بزيادة الراتب

والله هالأيام الرجال اذا حصلوا سعودة وراتب 2000 يحمدون ربهم لأن الوضع الإقتصادي فيه ركووود مو طبيعي والله يستر من الجاي

بالتوفيق