سود الليالي وأن تواطت مع الهم
شقّيت انا من ثوب صبري لثامي
سترٍ من الليعات والضيق والغم
ومنازع الدنيا على قلب دامي
جرحي ضرير وحادي الونة ابكم
ورياح فكري مايعتقن لجامي
لامر طيفك لاحت ايدي وانهم
اخاف ترحل من زوايا زحامي
يابوي واغلى من غلا الخال والعم
العمر دونك مايثير اهتمامي
احس روحي في ملاقاك تنعم
كن الخلايق يوم اشوفك عدامي
بيني وبينك رابط اقوى من الدم
حبك تلجلج في ثنايا عظامي
يامن نهبت الروح لك جرحي اقسم
لادمح خطايا ثورتك وانهزامي
بغيابك انزف وانت ياصاح تعلم
لاعدت مقبل لايغرك لثامي
حناي تضحك والكحل لك تبسم
ياماي عيني والبكا وابتسامي
ياعم تكفا ريح البال ياعم
انصت لحبي لو يثيرك غرامي
فرقاك والمعبود قد سمني سمّ
واشوف سهم الموت ياصاح حامي
تلقا وانا اهقا مابعد غيرك احلم
لاعاف شرب الراح وان عدت ظامي
سود الليالي وان تواطت مع الهم
شقيت انامن ثوب صبري لثامي
رآآآقت لي
أتمنى أن تصل الى ذائقتكم ..
تعليق