رد: الحد المانع كم؟

والله توني دقيت على التاهيل قالوا 4000 الاف ما ينزل

رد: الحد المانع كم؟


وعليكم السلام

شوف راتبك المسجل في موقع التأمينات الاجتماعية
اذا كان 4 الاف ريال واقل تستحق اعانة التأهيل اذا انطبقت عليك شروط القبول

رابط موقع التأمينات الاجتماعية


وبالتوفيق يارب

رد: الحد المانع كم؟


الشي الاول بخصوص اعانتك هي حسب اللوائح الي فيها الاعاقات المصنفه والمقبوله من طرفهم
شوف جدول الاعاقات اذا اعاقتك مصنفه ومقبوله عندهم روح طلع تقرير وارفعه عن طريق الموقع
او روح للتاهيل وسلمهم التقرير
الشي الثاني كلم مدير المؤسسه او المشرف عندكم ان وضعك صعب وان لك اعانه تمشي باسمك
ومثلا يخلي راتبك 3 الاف ريال في التامينات او 3500 كل شهر ويعطيك المبلغ المتفيق عليه لو كان كل شهر لك 5 الاف
الهدف من الحركه هذي هي ان الاعانه تمشي لك حسب النظام وان راتبك يعطيك كل شهر لو 10 الاف ماراح توقف عليك
اهم شي بالنظام يسجلونها لك 3999 واقل
والراتب الي ينزل بحسابك حسب المتفق عليه
بالتوفيق

رد: الحد المانع كم؟

الله يعطيكم العافيه
طيب ياخوان اذا اخذت مشهد من الموقع عشان اطلع تقارير طبي.. المشهد مين اعطيه بالضبط؟
اعطيه مدير المستشفى أو الاستقبال؟ أو وش الوضع؟ افيدوني لا هنتم

رد: الحد المانع كم؟

السلام عليكم
ياطيب مايحتاج لا مشهد ولا شي
روح للمستشفى وطلع تقرير
بس قبل تطلع تقرير هل الاعاقه الي عندك مصنفه ومقبوله من قبل التاهيل او لا ؟
ان كانت مصنفه ومقبوله روح طلع تقرير وبعد ماتطلعه صوره بصيغة pdf
وبعدها حطه بجوالك تقدر تسوي كذا عن طريق اقرب مكتبه
وترفعه بالموقع او تروح للتاهيل وتعطيهم التقرير
وان اعاقتك غير مصنفه الله يعوضك
بالتوفيق

رد: الحد المانع كم؟


الله يعافيك.. بس مافيه شي اسمه اروح اطلع تقارير طبي من راسي كذا. الوضع كذا مرمطه . لازم يكون معي مشهد او اي شي.عشان تستهل واختصر الوضع . بس اللي ابي اعرفه.. اذا طبعت المشهد من موقع الوزارة اعطيه مين بالضبط ؟

رد: الحد المانع كم؟

والله مايحتاج مشهد خذ الكلام مني
هذاك اول كان فيه خطاب تطبعه من الموقع و توديه للمستشفى
النظام حق الخطابات من الموقع الله اعلم انه التغى
خاصه الي توقفت اعاناتهم اول لما جددو االتقارير حصلوا فيه بالموقع
طباعة خطاب لمستشفى حكومي موثق وفيه مستشفيات كثيره موثقه بالموقع
انت روح للمستشفى الحكومي الي عندكم واحجز موعد عند الدكتور الي اعاقتك عنده
مثلا اعاقتك سمعيه احجز موعد عند دكتور الاذان
ولما تدخل على الدكتور اشرح له وضعك وقوله ابي تقرير
واذا سالك ليش تبي تقرير ققوله ابيه مستقبلا يمكن احتاجه اقدم على وظيفه او شي يكون جاهز عندي
لاتقوله ابي اوديه تاهيل لانه بيدوخك ويقولك جب لي خطاب منهم اذا بيسوي نفسه رسمي عليك
ولو تبي تريح نفسك مره وحده وتقطع الشك باليقين
روح للتاهيل اول شي وقولهم ابي اطلع تقرير جديد اخذ مشهد ولا خطاب من عندكم ولا ايش ؟
يعطونك خطاب او يوجهونك للمستشفى الحكومي ولا يقولو لك نفس كلامي احجز موعد وادخل على الدكتور
وهناك تخلص امورك وتاخذ التقرير
لاتنسى تعلمنا ايش يصير معك
بالتوفيق