رد: موقف حصل معي في ملعب مباراة كرة قدم حواري

ياخوي لاتكبر السالفه
الناس خذو على الفاظ مايقصدون يجرحون احد بس من باب تعودو عليها
انا موظفه وصار لي موقف ومع وحده من الزميلات المراسله تدور بتعميم لتوقيع والقلم الي معها كان مايل قالت زميلتي وش ذا القلم المعاق
اي شي يشوفونه مثل كرسي منعفط طاوله مايله كوب خربان يقولون وراه معاق
عادي وسع صدرك
انا واعوذ بالله من كلمت انا اذا كلمت وحده من صديقاتي المعاقات وردو اهلها ونادوها وتاخرت اقول الله يطلق عوقك ساعه ماجيتي
ومن هذا واكثر عادي عادي على قولت اهل الشرقيه

رد: موقف حصل معي في ملعب مباراة كرة قدم حواري

يابو سعوووود هونها وتهون..
والله ياخي المشكله في نظرة العرب للمعاق وخاصه عندنا هنا بالسعوديه وقيمته كأنسان..
تعرف إن الغرب عندهم شي اسمه ثقافة وتربيه على المعامله مع المجتمع واحترام الآخرين..
لكن لو أنا مكانك كان ناديته وتناقشة معه نقاش واضح وصريح لحد ماتقنعه إنها غلطان.

رد: موقف حصل معي في ملعب مباراة كرة قدم حواري

شكرا على مروركم
اختي الامل المتجدد
اخي مايباخ
على فكره انا مهونها من زمان بس تخبرون احيانن يجيني انفعال

رد: موقف حصل معي في ملعب مباراة كرة قدم حواري

سعود --->> لو أنا بمكانك كان ركبت البليزر وخذيته على الصدام ليكون عبرةً لمن يعتبر


أنا مره سمعت شايب يتكلم عن المعاقين وكأنهم ماهم بشر قمت رديت عليه والمجلس مليان وقلت له ((أقطع واخس)) والله مارد سكت .

رد: موقف حصل معي في ملعب مباراة كرة قدم حواري

لالالالالالالالالالالالالالالالالالالالالا
ماهقيتها منك ليه كذا وين الاحترام للاكبر منك احترم شيبته
حتى لو غلط عليك ماترد عليه ياعيباهيكبرها والمجلس مليان الله لايخزينا

اذا تكلم الاكبر قل خير او



وخذ ها العصير روق []

رد: موقف حصل معي في ملعب مباراة كرة قدم حواري

بالفعل هذه الكلمة كثير مااسمعها
في جلساتنا العائلية .. في مجال عملي .. في اماكن كثيره

ولكنني دائماً حين اسمع تلك الكلمة وانا جالسه بينهم

ارد عليهم بكل ثقة

اقول لهم صح كلامك وهذا دليل ان فيه كثير ناس اجساد سليمه لكن عقول معاقة
والمعاق الجسد اصح عقل منكم

رد: موقف حصل معي في ملعب مباراة كرة قدم حواري

كفو والله يا ابن جلال
قدها وقدوود

رد: موقف حصل معي في ملعب مباراة كرة قدم حواري

الظاهر قصدهم معاق فكريا
يعني اللي يفكر خطا
اما اعاقات الاجسام ماهي اعاقات
والحمدلله على نعمته يالله لك الحمد

رد: موقف حصل معي في ملعب مباراة كرة قدم حواري

ابن جلال ماعنده وقت طخه ولا اكسر مخه
اقول اركد بس :)

رد: موقف حصل معي في ملعب مباراة كرة قدم حواري

اخوي فالح
المعاق فكريا يسمونه مجنون
اما المعاق حركيا يسمونه معاق

رد: موقف حصل معي في ملعب مباراة كرة قدم حواري

يا اخوان ويا اخوات كل شخص تعود لسانه على قول كلمة معاق سواء كانت هالكلمه بقصد التجريح او بدون قصد فهو شخص بلا ضمير ومعدوم الانسانيه وطبعا كثيراً مانراهم في كامل صحتهم وفي أجمل صورهم ! ولكن بالأصح هم معاقين داخياً ونفسياً وفكرياً يعني يعيبو على الناس والعيبه فيهم

اخت الامل المتجدد عذرا على هالكلام لكن اظن لو تعيشي في زمن افلاطون زمن المثاليه الزايده يكون افضل

رد: موقف حصل معي في ملعب مباراة كرة قدم حواري




اول شي اهلا برجعتك وعسى المانع خير
ثانياشئ اذا انا عشت في زمن افلاطون ومثالياته انتي وين بتعيشين زمن الهم والغم عيشي حياتك
بعد ماترضينها لنفسك

رد: موقف حصل معي في ملعب مباراة كرة قدم حواري

اخت الامل انا عايشه حياتي بالطول وبالعرض والحمدلله على كل حال فمن رضى فله الرضى ومن سخط فله السخط لكن بنفس الوقت كلمة معاقه او معاق مو عاديه عندي او عند غيري لاني بكل قناعه المعاق بنظري معاق بطريقة تفكيره واسلوبه وطريقة تخاطبه وكل انسان ربي ميزه وابتلاه بكل تأكيد انه مايرضي ان احد يقوله انت معاق والرسول عليه الصلاة والسلام يقول ( الكلمه الطيبه صدقه ) هل تظنين ان هذي كلمه طيبه يعني لو لاقدر الله احد قال لك هالكلمة بين مجموعه من الناس اكيد بتتضايقين بينك وبين نفسك حتى لو ما بينتي للي حوليكي لاحظي يا اخت الامل انا قلت تتضايقين من الكلمه ما قلت تعترضين على عطية الرحمن بس هذا قصدي وفي النهايه نحن مميزين ولسنا معااااااااااااااااااااقين وعلى قول المثل ليس الانسان بالصوره . إنما بالعقل و لكن لعل وعسي في يوم من الايام اخرج عن المؤلوف واصبح مثاليه مثلك تماما !!!!!!!!!!!!!!!!!!!

رد: موقف حصل معي في ملعب مباراة كرة قدم حواري

والله انتي مكبره السالفه
لاني في ردودي اتكلم عن عامة الناس ويومياتهم
ويمكن حنا تصدر منا كلمه نجرح غيرنا منغير قصد مثل لوقلتي عانس مطلقه او اي كلمه ثانيه
والي يفوت زلة الغير ربي يفوت زلاته عند الغير ونحن في عصر لابد فيه من المرونه
والموضوع كله ما يحتاج عبراتك..... مؤلوف..... وافلاطون..... ومثاليه....
والله العالم وش بتطلعين ثاني
والغرض من طرح الموضوع تقريب وجهة نظر واحترام الاخر.........