ماهقيت إني بقبّل شاشة الجوّال
لكن وربك فعلت ورسالتك فيها
وماهقيت إن العقل يقلب معي بخبال
وماهقيت إن بالهوى هذي تواليها
صاحبي تدري هواك كيف غيّر الأحوال؟؟
عايشه بحالة جنون إن جاز اسمّيها
باقين فيني غلاك لو تزول جبال
صاحبي لاقلت أحبك والله أعنيها
من يقول إنها حروفن تنحكى بإهمال ؟؟
ومن يقول إنّه فؤادي ماشعر فيها ؟
ومن يقول إنك تغيب وماتجي بالبال
ماارحلت ذكراك حتى إنّي ألفّيها !!
مابقول كم بغرامك كم سهرت ليال
مره أهمس للنجوم ومرّه أحصيها
ولابقول إرفق بحالي ولدّ لي بوصال
ولابعلمك عن خفايا الروح وش فيها
حايره ماادري اللي احسه عشق ولا هبال
وليه أدوّر عالمسمى وليه اسميها ؟
موت أبي تعرف بإن لك بالحشا منزال
بس أبضمرها في نفسي ماأبي أبديها
لان مو كل شي يُعرف ينحكى وينقال
والقصايد لي تكلم عنك بخفيها !!
منقوله لكم واتمنى ان تنال اعجابكم
تعليق