رد: كيفية إستخراج بطاقة لذوي الاحتياجات الخاصة

يعطيكم العافيه

رد: كيفية إستخراج بطاقة لذوي الاحتياجات الخاصة

السلام عليكم0 ومشكورين على الطرح الجيد 0
عندي طفل عمره ( 5 ) سنوات اصيب بنقص اكسجين اثناء الولادة ولا يوقف ولا يتكلم وقدمت على اعانة المعاقين وتم صرفها
بحمد الله وهو يدرس في جمعية الاطفال المعوقين بالمدينة0
واطلب ممن لدية اي نصيحة في علاجه أو اذا كان له اي حقوق غير الاعانة ان يفيدني مأجورا مشكور ؟

رد: كيفية إستخراج بطاقة لذوي الاحتياجات الخاصة

بارك الله فيكم .....

رد: كيفية إستخراج بطاقة لذوي الاحتياجات الخاصة

جزاك الله خيراً

رد: كيفية إستخراج بطاقة لذوي الاحتياجات الخاصة

يعطيكـــــــــــــــــــــــــــــم العــــــــــــــــــــــــــــــــــــافيه .....

رد: كيفية إستخراج بطاقة لذوي الاحتياجات الخاصة

اختى مرح ممكن تعطيني رقم المتااابعه

انا مقدم على التاهيل الشامل لي تقريبا 5 شهور وابى اخذ بطاقة تخفيظ منهم

كييييييييييييييف؟؟

وياليت تقوليلي كم رقم المستفيد حقكك اول ثلاث اراقام من اليسار

انا 440

رد: كيفية إستخراج بطاقة لذوي الاحتياجات الخاصة

الله يشفي ابنك ويعافية ............ انا ابني عمره 3 سنوات حاليا ولا يوقف او يمشي لكن الحمد لله تحسن كثير بعد العلاج الطبيعي بمستشفى الحرس بالرياض
وبنسبة للاعانة انا استلم فقط من الشؤون الاجتماعية مبلغ شهري. لكن اسمع ان هناك مساعده مقطوعة او سنوية ولا اعلم عنها شئ .

رد: كيفية إستخراج بطاقة لذوي الاحتياجات الخاصة

السلام عليكم
- بالرياض بطاقة المواقف والتخفيض تأخذها من مستشفى الشميسي قسم الاطراف الصناعيه والمعاقين
- جمعية المعاقين حركيه مفيده في بعض الامور منها الكساء والطعام مره في السنه تقريبا ويوقفون جزاهم الله خير مع المعاقين ،،
ارجو اني اكون افدتكم . ارجو الدعاء لي شكرا لكم

رد: كيفية إستخراج بطاقة لذوي الاحتياجات الخاصة

جزالك الله خير اخوي ما قصرت, لكن كيف مستشفى تعطي بطاقات ممكن توضح؟
وجمعية حركية؟

رد: كيفية إستخراج بطاقة لذوي الاحتياجات الخاصة

وجزاك الله خيرا.. واسف على التأخر لاني ما شفت الرد الا هالحين . لكن اللي حصل اني رحت لهم قبل حوالي ثلاث سنوات واخذت البطاقتين حقت المواقف والتخفيض من عندهم والله على ما أقول شهيد . وهذا اللي حصل وأحاول أفيدك وكل من يسأل . بالنسبة لجمعية حركية فهم يصرفون كل اللي أنا ذكرت مشكورين على جهودهم وهو من الداعمين للجمعيه والمتبرعين من اهل الخير . وأنا احد المستفيدين من كل اللي ذكرت

رد: كيفية إستخراج بطاقة لذوي الاحتياجات الخاصة

هلا اخوي مشكور ما قصرت,
انا ولدي عمري 4 سنوات تقيبا وعنده شلل نصفي, وش نصحني فيه من كل النواحي, حقوقة المادية والاجهزة والجمعيات والمراكز الخاصة بالتدريب والتعليم حكومي او خاص واي شي ممكن يخدمة وانا مادري عنه !

رد: كيفية إستخراج بطاقة لذوي الاحتياجات الخاصة

حياك اخوي .
عندك الله يسلمك مركز التأهيل الشامل للمعاقين بالديره اللي انت بها تابع لوزارة الشؤون الاجتماعيه يجب عليك توديه لهم وتطلب له إعانه ماديه وهذي تصرف له شهريا عبر بطاقة صراف تبع الراجحي وتراها تبدأ من عشرة الاف ريال تقريبا لكامل السنه وتزيد حسب الحاله ( حالة المعاق )
ثم عندك وزارة الشؤون الاجتماعيه اعرف انهم يصرفون سياره لكل معاق انا حقيقة ما رحت لهم ولا أعرف الطريقه الصحيحه لصرفها .
ثم عندك جمعية حركيه بالرياض خلف مركز الامم على طريق الستين بالملز ورقم الجمعيه هو 920009882 ويمكنك الاستفسار منهم إذا كانوا بيقبلون ابنك وهم شباب طيبين مره ويأتيهم تبرعات من اهل الخير مثل السله الغذا ئيه وكذلك الكساء وكذلك كساء الشتاء ومثل ها لامور .
ثم عندك بطاقة المواقف وهذي تنفعك من حيث المواقف تصرف من طرف التأهيل الشامل او مستشفى الشميسي من قسم الاطراف الصناعيه مقابل مدخل الزياره وكذلك بطاقة تخفيض اركاب 50% للمعاق وكذلك احد مرافقيه وتصرف ايضا من عندهم (( إذا لم يتغير شي )) اللي اعرفه انا مطلعها من عندهم ،،،
وترى فيه حاجات كثيره من طريق الديوان الملكي للمعاق وهم من كل خير قريب وما حولهم اي قصور بل بالعكس يهتمون في كل ما يخص المعاق الله يخليهم لنا يارب ،،
اخيرا ارجو اني اكون افدتك ولو بالقليل ، لا تنساني من دعواتك في تسهيل اموري وشفائي وصلاح ذريتي وذريتك والمسلمين جزاك الله خيرا ،،،،

رد: كيفية إستخراج بطاقة لذوي الاحتياجات الخاصة

الله يجزاك الف خير,
انا ابني يستلم اعانه من الشؤون الاجتماعية بالدرعية" ,راتب شهري من عمره 3 سنوات قريبا, لان هو عنده تعدد عوق" فكري نطق حركي". والحمدلله تحسن بشكل سريع النطق لان ينطق بعض الكلمات بشكل واضح وجمل بسيطه" مثل الي عمره سنه...يعني متاخر لغويا" وفكريا تحسن الحمد لله يعني صار يعرف اشياءكثيرة ولان تركزت مشكلته بالاعاقة الحركية يعني الى الان ما يقدر يوقف يجلس ويزحف وهو جالس لان الجنب الايمن ضعيف بسبب نزيف المخ الي صار له.
يعني هو حاليا فقط هو ياخذ من الدولة مبلغ شهري.....وانا اسمع ان له حقوق كثيرة حتى الملاهي يقولون فيه تخفيض!!! لكن الاحظ كل واحد متحفظ :( او ماوده يقول وللاسف الشديد مافيه شي واضح لحقوق ابني من ناحية العلاج والتاهيل والتعليم ......
والديوان الملكي ما عرفه ولا اددري كيف اتواصل معهم ....

اذا تفيدنا باي اي توجيه او نصيحه جزاك الله خير

رد: كيفية إستخراج بطاقة لذوي الاحتياجات الخاصة

حياك اخوي الله يجزاك خير ويجعلها بموازين حسناتنا وحسناتك وجميع المسلمين يارب ... امين
كل اللي اعرفه قلته وبعد فيه بعض المستوصفات او المستشفيات قد يتعاطفون ويخفضون مبلغ فاتورة العلاج لكن هل فيه نظام يجبرهم على ذلك ... لا اعلم .. لكن حاول تكون بطاقته معك دائما واذا صار عنده مراجعه قبل لا تحاسب اعرضها على المدير قد يحصل على تخفيض .. الله يوفقك والجميع ،،،،،،

رد: كيفية إستخراج بطاقة لذوي الاحتياجات الخاصة

تذكرت حاجه فيه خصم في الاتصالات السعوديه على فاتورة المعاق قدره 50% رح لهم وقل ابي خصم ذوي الاحتياجات الخاصه وتكون بطاقته معك وصوره منها والجوال باسمه .. انا معطيني ها لخصم ،، بس تبي الجد فاتورتي تطلع كثير !!!!! الله يوفقك والجميع ،،،
وياليت اللي يعرفه اي جهه او مؤسسه حكومية او اهليه يسوون خصم للمعاقين انه يفيدنا كلنا وله الدعاء والاجر من الله ،،،،