استاذنك بسافر أيام واجيك
وان طالت ايام السفر لا تحاتي
وان طالت ايام السفر لا تحاتي
حتى و لو طولت ماني مخليك
ياللي بدونك ويش تسوا حياتي
ياللي بدونك ويش تسوا حياتي
تامر على حاجه؟؟ باودعك واليك
عسى عوض الأيام في المقبلاتِ
عسى عوض الأيام في المقبلاتِ
حتى يدي ما ودها تفارق يديك
ساكت وانا اشوف البلا في سكاتي
ساكت وانا اشوف البلا في سكاتي
ما شفتني لا رحت منك التفت فيك
بلاي والله روحتي والتفاتي
بلاي والله روحتي والتفاتي
لكن قبل ما اروح ودي أوصيك
وانت الوحيد اللي يقدر وصاتي
وانت الوحيد اللي يقدر وصاتي
لاحدٍ سألك و قال لك وين مغليك
قل له لوازم لا قضاها بياتي
قل له لوازم لا قضاها بياتي
و أن طروا النسيان ماني بناسيك
يا راس مالي في الحياة وغناتي
يا راس مالي في الحياة وغناتي
و ان طروا السلوان ماني بساليك
طيفك معي حتى وانا في صلاتي
طيفك معي حتى وانا في صلاتي
قلبي وهو قلبي إذا مر طاريك
لولا ضلوعي كان عزوا مماتي
لولا ضلوعي كان عزوا مماتي
لو جض صدري كان يمديه ياتيك
و يبات عندك ويهنا بالمباتي
و يبات عندك ويهنا بالمباتي
أنا .. و قلبي .. و الغلا .. ساكنٍ فيك
و انته .. و قلبك .. و الغلا .. وسط ذاتي
و انته .. و قلبك .. و الغلا .. وسط ذاتي
غلاك مثل الحكم عند المماليك
أكبر طموحي .. لا .. كل أمنياتي
أكبر طموحي .. لا .. كل أمنياتي
شف في غيابي أي حاجه تسليك
لأني بعدك أسلى مع ذكرياتي
لأني بعدك أسلى مع ذكرياتي
أحاول اذكر أي شيٍ يطريك
واقول هو سوى وانا ذي سواتي
واقول هو سوى وانا ذي سواتي
كني موادع كل شيٍ حواليك
و كني حسبت حساب حزة وفاتي
و كني حسبت حساب حزة وفاتي
أحب لأني ما اقدر انساك و أبيك
و لا اقدر أخليك ياللي تحاتي
و لا اقدر أخليك ياللي تحاتي
معنى أحب .. و ما اقدر أنسى .. و أخليك
يعني بدونك ويش تسوا حياتي....
يعني بدونك ويش تسوا حياتي....
مما راق لي
تعليق