اشعارات

أبغا نصائحكم في الزواج من اندونيسيا

الحالة
مغلق و غير مفتوح للمزيد من الردود.
رد: أبغا نصائحكم في الزواج من اندونيسيا

مع الاسف كل المعترضين هم من البنات
لكن لو يتقدم لهن معاق بترفضه حتى لو مقتدر


اخوي اسمع
اول شي الاندونيسية متعودة على الشغل والتعب من صغرها
يعني ما راح تتعب معاك

ثاني شي تقبل بالقليل وانت ان شاء الله ماراح تقصر معها

ثالث شي قدم خطاب للامارة بطلب الزواج او رح وزارة الداخلية بالرياض وعبي الاستمارة
انتظر لين تجيك الموافقة - بعد كذا تسافر
وهناك مباشرة للسفارة السعودية
لا تروح يمين ولا شمال

عندهم معرفة في موضوع الزواج
واذا انت محدد من قبل بيكون الامر اسهل واسرع

اعرف كثير شباب تزوجوا من هناك ومرتاحين وعندهم عيال
وعيالهم يتكلمون عربي

اهم شي لا احد يضحك عليك بفلوس او يستغلك

انت بتروح بلد فقير يعني يبيعون كل شي حتى انفسهم والعياذ بالله

الله يوفقك
 
رد: أبغا نصائحكم في الزواج من اندونيسيا

[align=center]
موفق اخوي صقرالشمال

والله يسهل امورك

ويكتبلك الي فيه الخير00
[/align]
 
رد: أبغا نصائحكم في الزواج من اندونيسيا

ياجماعه هو يبي رعايه وعنايه واهتمام
ومن افضل الدول اندونيسيه
اخونا شلل رباعي

شوف ياصقر الكلام يبقا كلام وانت اللي بتخسر وبتدفع وبتسافر وبتعاشر ووووو
انصحك بالاندونيسيه
وما يحتاج سفاره بجده وغيره لاتكبرون المواضيع
روح لسفارتنا هناك وهم بيعلمونك بكل شئ
انا جلست 22 يوم خسرت 25 الف سكن ومهر والاكل اخذه معك من هنا رز وبهار وقهوه وشاهي
تزوج منهم وتدعيلي بالخير :)


على فكره انا متزوج منهم اول ولااسباب خاصه طلقتها
ولو راسلتني او ارسلت رقمك علمتك بالاسباب عشان يتطمن قلبك
 
رد: أبغا نصائحكم في الزواج من اندونيسيا

المعذرة اخ فالح

فشل زواجك موب مقياس لكل الاندونيسيات
ثاني شي السفارة هناك راح ترفض طلبه بدون الموافقة من الوزارة
و مبلغ 25 الف ترا منصوب عليك فيه

السالفة كلها ماتكلف 20 الف (مهر + شبكة + حفلة صغيرة + اجراءات رسمية + سكن 20 يوم مع المواصلات)


اخوي صقر اذا عندك استعداد تخسر فلوس وتخسر من عمرك مثلي
خذ من البلد - او حتى من دولة عربية

ماراح تتحمل اكثر من سنة معاك وانا مجرب مرتين مو مرة وحدة

السعودية والعربية ماراح تحترمك ولا تنظر لك نظرة زوج ورجل بيت مثل الاندونيسية


ومسئلة زواجك يدوم معها او لا هذا يرجع لك انت كيف بتتعامل معها


لا احد يفكرني ماخذ من اندونيسيا وجالس اسوي دعاية
انا اتكلم عن واقع ملموس عشته وجربته وشفته بنفسي
ولا تنخدع بالكلام ان هناك عندهم سحر ومن هالكلام
ترا السحر موجود هنا وما احد يقدر ينكره خاصة في جدة


اندونيسيا اقرب دولة اسلامية لعاداتنا وتقاليدنا
يعني لا تقول هندية او غيرها
والشعب الاندونيسي يحترم الشعب السعودي بشكل كبير
رغم الخلافات اللي تصير بين الدولتين بسبب العمالة المنزلية


توكل على الله
 
رد: أبغا نصائحكم في الزواج من اندونيسيا

اخوي هذي اجابات لسؤالك



1-كم المهر
بين 8 الاف الى 12 الف ريال
2- ماهية المناطق ألتي تجوزسعوديين
اغلب المناطق - لكن انصحك بالمناطق البعيدة عن العاصمة جاكرتا لان فيها عوائل محافظين ومحترمين
3- كم تكليف الجوازمن ذهب والحفل وغيره
صدقني 2000 ريال بس
4- ماهيه الأجراءات مطلوبه في اندنوسيا
بعد موافقة الوزارة هنا والسفارة هناك يبقى عليك فحوصاتها للزواج ومن ضمنها فحص اذا هي بكر او ثيب - واستخراج بطاقة وجواز وطبعا عقد الزواج
5- كم المده مطلوبة حتى أخلص جميع الأجرائات المطلوبة وهل شهركافي حتى أرجع بجوزتي للسعودية
هي السالفة تاخذ وقت في البحث بس - باقي الاجراءات في خلال ايام
6- كم تكلفة سفروالجوازوتذاكروغيرهايعني من يوم تسافرمن رياض حتى ترجع للسعودية
التذاكر حسب الطيران - تقريبا ذهاب واياب يكلفك 4500 ريال
السكن مع المواصلات - اذا نويت راح اعطيك اسم مكتب هناك لواحد سعودي يخدمك ان شاء الله
 
رد: أبغا نصائحكم في الزواج من اندونيسيا

أخ صقر الأندنوسية بشر مثلنا ما قلنا شي بس فكر باولادك قبل نفس/اعتقد فاهمني/ وبالتوفيق.
 
رد: أبغا نصائحكم في الزواج من اندونيسيا

يا إخواني (فالح الهاجري + محمد الطريفي)

بصراحه حسيت انكم متهاوشين أو إنكم بتشتغلون خطابة

هههههههههههههههههه

لاتزعلوا (امزح بس)

وبعدين هل صقر شمال من جده؟

أخوي محمد شكلك حاقد على جده (ترى كورنيش جدة مليان بلاوي زرقاء وحمراء وسوداء والله يكفينا شرها)

المهم:
صقر شمال استخرج التصريح من وزارة الداخلية حسب كلامه , واستفساراته واضحه وهي عن الانظمة المعمول بها في اندونيسيا.

وفائدة القنصلية الاندونيسية بجدة مجرد تعريف بالقوانين المعمول في بلادهم, ولا تنسوا إن الرجل قبل ما يسافر سيحتاج إلى تأشيرة دخول من السفارة في الرياض أو القنصلية بجدة .

وبدون ما أزكى نفسي (منذ 7 سنوات وإلى الآن أعمل في إجراءات استقدام العاملات من اندونيسيا) وأكيد إنه يوجد فرق كبير بين استقدام العاملة وموضوع صقرشمال ولكن بحكم وجود علاقة فحبيت أخدم الرجل لا أقل ولا أكثر.

ودمتم سالمين
 
رد: أبغا نصائحكم في الزواج من اندونيسيا

خذك لك هنديه او اي جنسيه اخرى بس نصيحه لوجه الله ابتعد عن الاندونسيات , هذول بنات مايخافون الله وحياتهم كلها سحور

انا امي بهدولها اقسم بالله العظيم وامي ماكانت تقدر تمشي على كرسي تحرك ومرحموها بسحورهم لحد ماماتت حتى ابوي كانوا يحاولون يغرونه وهو شايب مع انهم كانوا متزوجات

ماعندهم مانع يخونون ازواجهم , هذول لايحللون ولايحرمون وقلوبهم قاسيه , ثمانيه خدمات جبنهم وكل وحده اخس من الثانيه

وصدقني ماراح ترحمك راح تلعب فيك , خذ لك اي وحده من دوله اجنبيه لكن الاندونسيااااااااااات لالالالالالالالالالاتقربهم نصيحه لوجه الله .

اخوي صقر اذا عندك استعداد تخسر فلوس وتخسر من عمرك مثلي
خذ من البلد - او حتى من دولة عربية
اضغط للتوسيع...

اخوي مع كل احترامي لك تجربتك ماهي سبب تحكم فيه على بنات البلد
انصحه ياخذ اي اجنبيه بس مو اندونسيه هذول يدرسون السحر

كماده اساسيه بمدارسهم

وبدون ما أزكى نفسي (منذ 7 سنوات وإلى الآن أعمل في إجراءات استقدام العاملات من اندونيسيا
اضغط للتوسيع...
بما انك تعمل بهذا المجال فانت اخبر بلاوي ومشاكل بنات هذي الجنسيه

واكيد انت فاهم قصدي
 
رد: أبغا نصائحكم في الزواج من اندونيسيا

الاخت زهور
الاولاد ماراح يصير فيهم شي دام هو بيختار صح
واذا في نظرك ان الاولاد راح يظيعوا او تصير لهم مشاكل فياكثرهم اللي امهم مصرية او سورية او فلسطينية وبلاويهم منتشرة

تربية الاولاد مالها علاقة بجنسية الابوين - الاخلاق هي الاساس
-------------------------------------------------------------------
اخوي بدر
ههههههههههههههههههههههههههههههه
لا والله مافيها هواش ولا شي
وانا ذكرت جدة لسبب - الاعمال السحرية اللي تم استخراجها من البحر قبل فترة
التاشيرة راح ياخذها من المطار اول ما يوصل ب 90 ريال صالحة لمدة شهر

اسعدني حضورك
----------------------------------------------------------------------
الاخت قلب عصفورة
استغفري ربك .... شنو يدرسون السحر كمادة اساسية؟؟
لعلمك هناك اول شي يتعلمون القران وتلاوته حتى قبل لغتهم الاساسية
لان عندهم اكثر من لغة

ثاني شي تجربتي ما اخذتها بشكل عام ولا خاص
بس هذا الواقع ولا تزعلين منه
البنات قبل الزواج تقول (مجرد كلام) انها راح تقبل فيه وانها تراعي ظروفه وانها تنظر للزواج نظرة مشاركة وتضحية
بس يجيها فارس الغفلة ... ابي عرس وابي مهر وابي وابي وابي
فلانة مو احسن مني
اذا ماعندك لا تظلم بنات الناس
وحتى بعدما توافق .... سنة الا هي تعبانة ويمكن اقل من كذا وتصارخ تبي خادمة
يعني الرجل راح يتحمل مصاريف اكثر


الاهم من هذا كله .... الخادمات بشر يعني مثل ما تتعاملون معاها راح تبادلكم نفس المعاملة
واذا هالقد حاقدة عليهم ليش اخترتوا ثمان مرات؟؟
ليش ما اخذتوا هندية او بنقالية او حبشية؟؟
وكلامك انهم يخونون ازواجهم فهذا شي موجود حتى هنا ويااااااااااااااكثرهم خاصة اللي في المنتديات


اتقي الله ولا ترمي كلام افتراء على بشر ماتعرفين عنهم الا الامور السيئة

ماحد قال انهم ملائكة
بس هم افضل من غيرهم

والدليل مكاتب الاستقدام اكثر شي عندهم الاندونيسيات

الهندية ماهي نظيفة وتعرف للسحر
المصرية والسورية راح ترفع ضغطه بطلباتها انها تجيب اهلها هنا واستخراج فيز لهم
وراح تخونه بعد
 
رد: أبغا نصائحكم في الزواج من اندونيسيا

أخ محمد الأخت العصفورة صادقة هم يدرسون السحر دراسة وهذا اللي سمعته منهم أنفسهم،،،بس أنا أتكلم عن أنة يفكر بأولادة قبل نفسة يعني أمهم أندنوسية أكيد بيشبهونها،كيف وضعهم بالحاره أو المدارس /بالمجتمع بشكل عام لما يعايرونهم ياولد الشغالة أو يالأندنوسي و...و...الخ هل أبوهم بيتالم لأن أولاده يحتقرونهم الناس ولا لا....؟ /الله يهديك أخ محمد ماودي أتعمق بالموضوع/ وأنت عارف السعوديين بس جاهزين للتطنز والتعليق على خلق الله...فيه شايب أعرفة قال لزوجتة وبناتها بحيب لكم شغاله أكتبوا مواصفاتها علشان أجيبها تساعدكم، سافر وتزوج الأندنوسيه وجابها لزوجته الأولى وقال هذي زوجتي،،المهم الأم وبناتها هبلوا بها لحد ما أنحاشت الأندنوسية...بعد سنة كرر السالفه وأنحاشت،،وبعد كم سنة تزوج أندنوسيه ومثل مايقولون الثالثه ثابته وهي اللي هبلت فيهم وقسمت البيت بالنص وجابت بنت شكلها بالظبط، ولما كبرت صاروا أخوتها من أبوها يشغلونها بالبيت مسكينه كارفينها.والله كل ماشوفها أرحمها وأدعي أن الله يخلصها منهم.
 
رد: أبغا نصائحكم في الزواج من اندونيسيا

[align=center]

أصـبـحـنـا وأصـبـح الـمـلك لله

مـازال الـمـوضـوع قـيـد الـنـقـاش !!!

كـل شـي قـسـمـة ونـصـيـب .. والله يـكـتـب لك الـخـيـر أخـوي صـقـر وجـمـيـع الإخــوة والأخــوات

[/align]
 
رد: أبغا نصائحكم في الزواج من اندونيسيا

مايباخ قال:
[align=center]

أصـبـحـنـا وأصـبـح الـمـلك لله

مـازال الـمـوضـوع قـيـد الـنـقـاش !!!


[/align]
اضغط للتوسيع...

:icon_mrgreen:

شكل الراجل بتزوج ويخلف والموضوع قائم للنقاش

( قضية رأي عام )
​
 
رد: أبغا نصائحكم في الزواج من اندونيسيا

اخوي الطريفي انا ماذميت اندونيسيا بالعكس انا مؤيد
والنصب ماانصب علي الحمدلله
انا عطيته السعر كامل تقريبا
لانه لاانا ولا انت مسافرين معه ومن الافضل الاحتياط

انا قلت له تبي معلومات اكثر اتصل بي
بصراحه شرق اسيا حتى لو من بنغلاديش حلوين ويمشون الحال
لان عندي قاعده وهي الضعيف لايتزوج الا ضعيفه
لايروح يتزوج ناس فاتحين افواهم ويقولون هل من مزيد

وبعدين اكرر واقول الانجاب والاولاد علمهم عند الله والظاهر ان الانجاب طبيعي مافي مجال
فالمعاق يمشي حاله مع من يوده ويرعاه بعد الله وبالفلوس القليله ترضا الشرق اسيويه اما العربيه لايتزوجها الا من راتبه اكثر من 4 الاف

إي استفسار بمواضيع الزواج حاضر
اخوكم دكتور استشاري في قضايا ذوي الاعاقه

الله يوفق الجميع
 
رد: أبغا نصائحكم في الزواج من اندونيسيا

اخت زهور
اللي قال لك انهم يدرسون السحر كذب عليك

اعرف ناس كثير تزوجوا من اندونيسيا وما صار لهم هالقصة الخرافية اللي قلتيها والمعذرة على التعبير
ولو كانوا مثل ما تقولين يدرسون السحر ليش وضعهم المادي ضعيف وحالهم صعب؟

ربنا بالعقل عرفناه

والاولاد سواء صاروا نسخة من ابوهم او نسخة من امهم فهذا خلق رب العالمين
واللي يتطنز فهذي مشكلته
والناس تتطنز على كل شي يعني مابيوقفوا على شكل الوجه او منهي امهم


وفي مجتمعنا (المطنزي) البنت ما تقبل تتزوج معاق الا اذا كانت مطلقة او ارملة
يعني المعاق عنده خيارات محدودة ولازم يختار الافضل له مو الافضل للناس



اخوي فالح
دامك دكتور استشاري في الاعاقة شوف لنا حل في حقوقنا المنتهكة
 
رد: أبغا نصائحكم في الزواج من اندونيسيا

أخ محمد مو وحدة ولا 10 اللي قالوا ندرس السحر /وانا قبل شوي كتبت عشرين سطر ومسحته قلت ياحرمه خليك ساكتة أحسن / وبعدين وش فيهم المطلقات والأرامل وربي أحسن من البنات اللي ماخذين عقلك وهذول اللي يكلفون كثير ولا يعرفون قيمة الرجل الا اللي فاقدته وفاتها قطار الزواج وأن شاء الله مافاتها شي والزواج مفتوح..والمطلقة والأرملة أعقل بحكم التجارب اللي مرت فيها،،الله ييسر لهم أزواج صالحين يعوضونهم أيام الشقاء،،ليش .هل هم مطلقات بأرادتهم أو أرامل بأرادتهم....؟
 
رد: أبغا نصائحكم في الزواج من اندونيسيا


[align=center]
يـاجـمـاعـة الـخـيـر تـعـوذوا مـن الـشـيـطـان وبـلاش هـالـمـشـادات اللـي مـاتـخـدمـنـا ..

الـسـعـوديـات والـعـربـيـات والأجـنـبـيـات كـلـهـم خـيـر وبـركـة إذا تـزوجـت الـمـعـاق عـن قـنـاعـة .. والأهـم مـن هـذا تـكـون عـلـى قـدر مـن الـمـسـؤولـيـة ..

والله يـرزق الـجـمـيـع الـذريـه الـصـالحـه .
[/align]
 
رد: أبغا نصائحكم في الزواج من اندونيسيا

كما قال الاخ مايباخ مشادات وماتخدمنا
اللي يبي يتزوج يتزوج ان شاء الله من جزر الواق واق

الاخ محمد الطريفي والاخت زهور
شوفو ليكن شعارنا لانصدق ولا نكذب والله يطرح البركه

السحر موجود والانسان يتوكل على الله ويقرا المعوذات والادعيه وماخاب منهو توكل على الله
 
رد: أبغا نصائحكم في الزواج من اندونيسيا

لا والله ما يصلح للسعودي غير السعودية
ومهما كانت المشاكل بالزواج من السعودية فانها تكاد تكون لا شيء بالنسبة للزواج من الاجنبية
والاندونسيه والله ماتطلع من ديرتها ومجتمعها الا لأجل هدف وهو المال

وعقلك براسك ولاتسرع اخوي فكر قبل تتاخذ اي قرار
 
رد: أبغا نصائحكم في الزواج من اندونيسيا

الاخت قلب عصفورة
استغفري ربك .... شنو يدرسون السحر كمادة اساسية؟؟
لعلمك هناك اول شي يتعلمون القران وتلاوته حتى قبل لغتهم الاساسية​
اضغط للتوسيع...
استغفر الله دائما وعلى كل حال , لكن ياخوي انا الكلام اللي جاءني عن دراستهم لسحر موثوق فيه ​

زوج اختي دكتور باحد الجامعات السعوديه مواد دينيه وسبق له وقام بتدريس لفتره من الزمن في اندونسيا وهو اللي قال لنا هذا الشيء​

وهناك يخافون حتى يقولون لهم انهم سعوديين لانهم يحقدون علينا ​


بس هذا الواقع ولا تزعلين منه
البنات قبل الزواج تقول (مجرد كلام) انها راح تقبل فيه وانها تراعي ظروفه وانها تنظر للزواج نظرة مشاركة وتضحية
بس يجيها فارس الغفلة ... ابي عرس وابي مهر وابي وابي وابي
فلانة مو احسن مني​
اضغط للتوسيع...
لا ولو ليش ازعل كلنا هنا اخوان وحالنا واحد
لكن ايضا ارجع واقولك مو كل البنات البلد كذا وكل وحده وتربيتها ​


الخادمات بشر يعني مثل ما تتعاملون معاها راح تبادلكم نفس المعاملة
اضغط للتوسيع...
الله يرحم ولديك بس :sad: وربي ان احنا حصلنا عند وحده فيهم طلاسم لعمل السحر من اول يوم جات فيه شو رائيك ؟ هذول
يجوون وسحرهم معد مسبقا ​

واذا كنت تقصد على ان احنا عاملنهم بقسوه فانت غلطان امي الله يرحمها كانت حاطتهم بعيونها وتقول هذول مثل بناتي وكل اكلنا يأكلونه مثلنا وتأخذهم كل مره نروح فيه السوق وتخليهم يأخترون اللي نفسهم فيه حالهم حالنا احنا بناتها , حتى التلفزيون كانوا يقعدون معنا يشوفونه لكن ماطلع بعينهم .​


واذا هالقد حاقدة عليهم ليش اخترتوا ثمان مرات؟؟
ليش ما اخذتوا هندية او بنقالية او حبشية؟؟​
اضغط للتوسيع...
في البدايه مثلك قلنا مو كلهم مثل بعض يمكن الله يرسل لنا بنت ​

حلال تأخف الله لكن للاسف ماطلعت ولا وحده منهم عدله​

ومن اربع سنوات تقريبا غيرنهم وماعد نجيب منهم خدماتنا خلال الاربع سنوات الاخيره بنغاليات​


ماحد قال انهم ملائكة
بس هم افضل من غيرهم​

والدليل مكاتب الاستقدام اكثر شي عندهم الاندونيسيات​

الهندية ماهي نظيفة وتعرف للسحر​
اضغط للتوسيع...
للاسف في اشاعه منتشره انا الاندونسيات انظف عند الناس وهذا اللي يخليهم يستقدمونهم تعرف ليش ؟ لان بشرتهم بيضاء
بخلاف سيرلانكيه والهنديه والبنغاليه اللي لون بشرتهم سمراء فأنا اعرف اكثر من حرمه شافت يد خدمه سمراء وملحه قالت ليش
تستقدمونهم شوفوا يدها وسخه !!!!!!!!
مع العلم اني شفت اكثر من مره عندنا خدمه اندونسيه يدها داخل خشمها
ويذبحون الحشرات بيدينهم ومايغسلون احنا كنا نغصبهم يغسلون يدينهم بعد ماصدناهم .​

لكن بالفتره الاخيره بدوا الناس يتركون الاندونسيات شوي شوي واغلب الناس اللي اعرفهم الحين خدماتهم​

بنغاليات او نباليات اوفلبينيات​


المصرية والسورية راح ترفع ضغطه بطلباتها انها تجيب اهلها هنا واستخراج فيز لهم
وراح تخونه بعد​
اضغط للتوسيع...
انت تقولي استغفري ربك لما اقول انهم خونه , انا الحين اقولك استغفر ربك
العربيات حتى لو خانوا تضل شريحه قليله شاذه من المجتمع بخلاف الاندونسيات اللي اغلبيتهم مايمنعون هذا الشيء
وانا عايشه بمجتمع المتزوجين فيه من عربيات كبير جدا وعايشين من سنين هنا لازاروا اهلهم ولااهلهم زاروهم .​

على العموم ياخوي انا مو ضد الزواج من اجنبيه بالعكس من المؤيدين لها ومهما كانت اشكالهم ماتفرق لكني نصحت الاخ لوجه الله انه يبتعد
عن بنات هذول الجنسيه وهو في الاول والاخير حر بختياره​
 
رد: أبغا نصائحكم في الزواج من اندونيسيا

وفي مجتمعنا (المطنزي) البنت ما تقبل تتزوج معاق الا اذا كانت مطلقة او ارملة
يعني المعاق عنده خيارات محدودة ولازم يختار الافضل له مو الافضل للناس
اضغط للتوسيع...


امممممم ترددت كثير قبل ماقول هذا الكلام بس بما انه الواقع راح اقوله

انت وانا وكل اللي بوضعنا اخر من يحق له يقول هذا الكلام عن المطلقات والارمل
انت تعرف كيف نظره الناس لنا كمعوقين فكيق نقوم احنا ننظر لفئه اخر من الناس هذي النظره , المطلقه والارمله افضل حال منا

ولو خيروا انسان معافىء بين مطلقه ومعاقه صدقني بيختار المطلقه لانها افضل حال ونفس الشيء بنسبه للبنت المعافه راح تختار المطلق على المعاق

واذا مثل ما تقول الواحد يختار الافضل له فانا افضل مطلق وارمل او مطلقه وارمله على بنت اجنبيه طامعه بفلوسي على الاقل الارمله والمطلقه راح ياخذوني لانهم يبقون الستر تحت جناح رجل
فاذا هم اقبلوا فينا فاحمد لله مليون مره
 
الحالة
مغلق و غير مفتوح للمزيد من الردود.

عودة
أعلى