رد: ابتعاث المعاقين
رد: ابتعاث المعاقين
تسلم حبيبي على المعلومه بس ياليت توضحلي اشلون الطريقه الي قدمت فيها عليهم وش ردوا عليك فيه يعني عطوك موعد للمراجعة ولا رقم تسلسلي ولا اشلون ..؟؟ ويكفي ارسلهم الأوراق على الفاكس ولا لازم نروح لهم في المركز في الرياض ....؟؟ والأخ الي جاه القبول المكتب الي يقول عليه وين في نفس المركز الي نتكلم عليه ولا مركز ثاني في الوزارة ؟؟؟؟؟ وشهي الشروط المستوجب توفرها ؟؟؟؟؟؟؟؟؟؟؟؟ يعطيك العافيه
السلام عليكم ورحمه الله وبركاته
حياك الله اخوي وبرد عليك على شكل
نقاط :
= بالنسبه لطريقة تقديمي لهم ،،،انا كلمتهم كذا مره وكل ما ابي اكلم الاستاذه ساره الدخيل بحكم انها المسؤله عن الابتعاث بالمركز على حد قولهم ..يقولون لي مره باجازه ومره عندها محاضرات ومره كورسات المهم مليت من تصريفهم ورحت لهم وقلت لهم ابي اكلم ساره كلمها الاستقبال بالتيلفون وقال لها فيه واحد يبي يكلمك ضروري ( طبعا بعد ما استنشبتلهم استنشاب لان تعاملهم جدا سيئ واحسهم يبون يصرفوني وفي الاخير قلت لهم باستناها لحد ما تجي ..ما علينا ) المهم كلمتها وقلت لها انا وضعي كذا وكذا وابي اقدم على الابتعاث وشي الاوراق المطلوبه : قالتلي اولا المفروض ما عنيت نفسك وجيت مشوار كان ارسلتهم بالفاكس وريحت عمرك لاني قلت لها انا جيت من الشرقيه عشان اكلمك من الراس للراس وفي نفس الوقت كل ما ادق على المركز ماالاقي احد يجيب على استفساري المهم وقالت الاوراق المطلوبه هي : صوره من بطاقه الاحوال ، صوره من جواز سفر ساري المفعول ويا حبذا يكون مجدد او جديد ،صوره من التقرير الطبي الي يثبت اعاقتك والي قدمته على التاهيل الشامل، وصوره من شهاده المؤهل العلمي الي حصلت عليه،وصوره حسن سيره وسلوك ، وصوره من بطاقة الاعاقه وتحطهم بملف وتكتب اسمك عليه ورقم جوالك وايميلك وجيتهم بعد اسبوع وسويت الاوراق الي يبون واعطيتهم طبعا ما لقيتها قالوا انها باجازه والنائبه حقتها اسمها عبير هي الي موجوده قللت ابي اكلمها قالوا هي في اجتماع خلاص سلم ملفك واحنا راح نعطيها اياه المهم اعطيتهم الملف ....( طبعا هذا الكلام قبل 3 اسابيع تقريبا )
= لا ما اعطوني رقم تسجيل ولا رقم تسلسلي ولا اعطوني موعد مراجعه قالوا احنا راح نستقبل الطلبات بعدها نرفعها للورزاه وبعد ما يتم الموافقه من قبلها نتصل عليك ونقولك وش تجيب وقتها ونقولك بقيه الاجراءات..
= اما يكفي الفاكس ولا ما يكفي ...فهم يقولون وحتى الاستاذه ساره تقول الفاكس يكفي بس انا ما حبيت ارسلها بالفاكس ورحت لهم بنفسي واعطيتهم الملف يدا بيد..
= لا المكتب هذا او المركز الي يقول صاحبنا مو بنفس المركز(مركز الامير سلمان) لا مركز ثاني في الوزاره تحولك عليه بعد ما يتم قبولك
= الشروط: نفس شروط الابتعاث تقريبا ومايكون موظف حكومي بس انهم يتغاضون عن العمر والمعدل ... بس المعدل ما يقل عن 70 او 75 مو متذكر حاليا بس فيه واحد معانا بالمنتدى اذكر كاتب الشروط
* معلومات اخرى :
- مركز الامير سلمان لابحاث الاعاقه اللي بالحي الدبلوماسي (حي السفارات) اذا دخلت من البوابه الرئيسيه تعدي 3 دورات سيده والدوار الرابع تاخذ منه يمين وتمشي سيده وبيجيك دوار رقم 8 بالقرب من السفاره الكويتيه تاخذ يمين وتمشي 200 متر وبتلاقي المركز على يمينك...
- انا بروح لهم ان شاء الله يوم الاربعاء القادم وبشوف وص صار بالضبط ؟ اي استفسار اخر فنحن بالخدمه بالي نعرف والي نقدر عليه ....واذا تبي اسالهم عن اي استفسارات اخرى انا راح اسالهم لمن اروح لهم.
- الاخ الي قابلته في المركز كان مقدم على ماجستير مو بكلريوس لانه مخلص البكالريوس
ملاحظات :
آآآآآآآآآآآآآآآآآآآآآآآآآآآآآآآآآآآ سف جدااااااااااا على الاطاله بس والله كله عشان اوصل المعلومه صح وبشكل كافي ووافي .... فالعذر والسموحه منك اخوي لا من ناحيه الاطاله ولا من ناحيه التاخير بالرد ولك ولجمييييييييييييييييييييييييع المنتسبين لهذا المنتدى ارقى واعذب التحايا والله الموفق ...وتقبل الله منا ومنكم ومن الجميع الصلاه والصيام..........دمتم بخير
