دكة البنات .. للسوالف و سعة الصدر

[حلوة عذاريب]

رد: دكة البنات .. للسوالف و سعة الصدر

[align=center]
ههههههههههههههه
الترجمة..
دابل تسبدي > تعني طفشت منه

[/align]

 

[نزيف الامل]

رد: دكة البنات .. للسوالف و سعة الصدر

[align=center][table1="width:95%;"][cell="filter:;"][align=center]وينكـــــــــــن يابنات
لكن يومين ما
لكن حس
عسى المانع خير



[/align][/cell][/table1][/align]

 

[تتباشير]

رد: دكة البنات .. للسوالف و سعة الصدر

السلام عليكم ورحمة الله وبركاته

مساء الخير

الظآهر البنات متجمدات برد

 

[نزيف الامل]

رد: دكة البنات .. للسوالف و سعة الصدر

[ALIGN=CENTER][TABLE1="width:95%;"][CELL="filter:;"][ALIGN=center]ههههههههههههههههههههه
الظاهر [/ALIGN][/CELL][/TABLE1][/ALIGN]

 

[نهى]

رد: دكة البنات .. للسوالف و سعة الصدر

هلا وغلا بكل الحبوبات

ضموني معاكم

 

[تتباشير]

رد: دكة البنات .. للسوالف و سعة الصدر

هلا وغلا بنهى نهاوي :5:

 

[نزيف الامل]

رد: دكة البنات .. للسوالف و سعة الصدر

[align=center][table1="width:95%;"][cell="filter:;"][align=center]هلا فيك ومرحبا ومليون
يااختي الغاليه نهي
على الراس والعين
اتفضلي يالغاليه [/align][/cell][/table1][/align]

 

[نهى]

رد: دكة البنات .. للسوالف و سعة الصدر

فـــــديتكم ماتقصرون
مشكورات على الترحيب....

 

[همس الحياه]

رد: دكة البنات .. للسوالف و سعة الصدر

[align=center]
السلام عليكم ورحمة الله وبركاته ..

كيفكم يا الرائعات من مشرفات وبنوتاااات ..

يا هلا وغلا بكل من مرت من هنا ..

طبعا القصة دي مكرره واتمنى من المشرفات يحدفو القديمة كان عنوانها فرفشو مع همس new14

بالنسبة ليا عندي كلام كثيييير وحركركات ( ههههههه ) وأحب أفرفش و أفضفض

وأهرج وكلو ( ماشاء الله عليا ثرثاااره )!!

المهم حبايبي فيه قصص كثييير في جعبتي شيء حتضحكم وشيء حتفطسكم وشيء

ممكن تحزنكم لكن انا اللي بتكلم عنو شيء فات ليش الحزن؟؟؟

اول شيء اعطيكم نبذه عني ::

انا بنوته حبوبه دلوعه احب ادلع نفسي ( احيانا محرومه )!!

مرحه ما ازعل من المزح جااااااده عصبيه نوعا ما ( يعني باختصار شخصية متناقضه ) هههههههه

طبعا اللي قرأت كيف تعبت حتفهمني أكثر واللي ما قرأت خلاص مو لازم المهم تستمتع معايا هنا ..

انا قلت لكم اول تعبي كان وانا بالصف الاول ثانوي طبعا احتاروا الاطباء في مرضي ( البداية كانت ذئبه حمراء ) وبعد كم شهر

أصبت بالجلطة ، المهم ماكان مرض الذئبة معروف هنا بالسعودية زماااااان ، ارسلوا عينه من لحمي للندن

وهناك شخصوا المرض !!

ياحسره لحمي راح وانا مارحت هههههههه

بعدين صاروا الاطباء يجو عندي يسألوا :

إنت متزوجة ، كم عمرك ، واش حسيتي اول ما تعبتي ...الخ اسئله غبية!!

طبعا انا كنت احسب الاسئلة غبيه ، بعد كدا سألت طبيب قلت ليش كل ماجاء واحد سألني انت متزوجه؟

قال لانو يصيب المتزوجات أكثر!!

واكتشفت دحين انو ضحك عليا فيه بناااات كثير مو متزوجات عندهم الذئبة!!

انا مستغربه شكلي صغير صح اول ثانوي بس اللي يشوفني يقول سادس ايتدائي!!

احم احم والحمد لله للآن شكلي نونو الله يحفظني هع،،،

بعدين صرت عندهم حمار للتجارب ( الله يكرمكم ) ادوني حبوب الكورتزون وكل بعد فتره يزودون الجرعه!!

الى ماوصلوها ( 50 حبة في اليوم ) مقسمة ( 25 حبة الفجر الساعه 5 ) و ( 25 حبه العصر الساعه 5 )

طبعا يحضروا الدواء في المستشفى وخلوا الحبوب مرررررررره صغيره!!

تخيلوا يصحوني الفجر من نومي عشان آخد العلاج!!

وانا اصيح وابكي بس مافي فكه ابلعو بالقوه وبعدين لو يقطعوني ما آخده ع مويا ، اخده ع حليب او عصير ( باقي اتشرط)

المهم الحبوب اللي مايعرفها تنفخ وتخلي الواحد شهيتو مفتوحه للاكل!!

يعني اتوقع لو يجيبوا دبيحه كامله آكلها ما اقول لا ههههههههه

واول مابدأ مفعول الدواء يمشي في جسمي وبديت اتختخ سببت هلوسه !!

اقول لكم كيف ..

مره في يوم الجمعه صحيت الساعة 6 الفجر اضحك من قلبي بصوت عااااااالي وصحيت النايمين!!

اختي مرافقه معايا صحيت تقول يا بنت اش فيك!!

وانا اضحك بقوووووى ويدي ع بطني واقول والله مو عارفه مافي شيء يضحكني بس كدا اضحك!! new14

صحيوا الحريم واللي تقول يوووووه اش دا الازعاج واللي تقول بلاك منتِ تعبانه المهم كل وحده تجيب هرجه!!

بعدها وحده رفعت صوتها تخاصم تقول :

اش قلة الادب واش الضحك وجالسه تسب انا لما سمعتها خلااااص قلبت الموجه صرت اصرخ وابكي بصوت عااااالي!!anger2

هههههه يعني مافي فكه ..

جوا الممرضات التمو عليا امريكيات وفلبينيات ويطبطبوا عليا ويمسكوا يدي ويقولوا اس فيك تعانه؟

وانا ابكي اقول لا !! شويا من وحدي قلبت الموجه جالسه اكركر!!!!

اختي خافت صارت الساعه 8 وانا مره اكركر ومره ابكي!! :icon14:

راحت ممرضة جابت كرسي متحرك وحطتني فيه وقالت لاختي طلعيها الحديقه اتمشوا شويا خليها تغير جو

بدل الحبسه ، فعلا اخدتني اختي وتلف لف بي وقالت هااااه كيفك دحين؟

قلت الحمدلله احسن خلينا نرجع الغرفه ، ودفتني بالعربيه الى ماوصلنا الغرفه جو الممرضات وسدحوني

ودحين انا عااااااقله وما اتكلم كثير عشان احس اني باضحك لو تكلمت!!

المهم الساعه 11.30 ص قبل صلاة الجمعة وحده مريضه رن التلفون اتفجعت وشفتها

وااااااو تعالوا شوفوا انا عاد ماصدقت :lol: اكركر بقووووى وابغى امسك نفسي موقادره ، بس اضحك

الممرضات خافوا عليا نادوا الدكتور المناوب جاء مشمر وكأنه بيضارب رافع اكمام الثوب والغتره

موديها آخر راسه وحالتو حاله ..

جاء قال اش فيك طبعا انا ما احب دا السؤال اللي يسألني كأنه يقول زيدي!!

طالعت فيه وقلت كااااااكككككك طالع مقهوووووور كرر السؤال وكررت الاجابه!!

قامت وحده من الحريم الملاقيف تقول ماندري من يوم اصبحت وهي تضحك!!

وبعدها قام الدكتور الجاهل اخد مخده وجنبني وشخط في اختي قال امسكيها كدا انت اش وظيفتك؟!

طبعا سمعتو رفع صوتو ع اختي صرت ابكي واصرخ بقوووووى فكانت ردة فعله رمى المخده عليا وقال يووووو وطلع!!

صرت انا ابكي واقول لاختي اتصلي ع اهلي بلغيهم انو انا تجننت خلاص انامجنونه!! new8

قالت اختي لا اقري آية الكرسي بس قلت بسم ( وكركركككككر ) ما قدرت قلت اتصلي دحين!!

اتصلت ع طول ردت امي ( طبعا لسا الجوالات مادخلت السعودية ) قالت اختي امي فين ابويا

ردت امي ابوكِ يجهز رايح يصلي الجمعه خير اش فيه؟

قالت اختي لا ابد بس الدكتور جاء يبغى تحليل ما ادري نعطيه؟! :001_huh:

طبعا اختي ماتبغى تقلق امي ، وبعدين ماعرفت اش تقول لها !!

امي عرفت انو كدب لانو جمعة مافي دكتور ولو تحليل ما بنتصل ، نادت ابويا وجلست جنبو تسمع ..

قالت اختي ع السالفه انو انا مرة اضحك ومرة ابكي ومو عارفه السبب؟

ابويا قال : انا لله وانا اليه راجعون!! امي ع طول صرخت وبكيت بنتي مااااااات

قال ابويا لا بس انجنت!!

قال ابويا لاختي اديها تكلمني وقاعد يقول الووو وينادي باسمي وانا اكركر ( كأني ادغدغ )!!

فقال خلاص خير ان شاء الله ع الزياره واحنا عندكم..

قفل وراح يصلي ، امي ياحياتي عليها اتصلت هي تبكي وانا اكركر ولما سمعتها طولت في البكاء

بكيت زيها ( ماشاء الله مشاركة وجدانيه ) هع هع

قبل وقت الزياره اختي جهزتني وقالت هااااااه خليك عاقله لا تتكلمي كثير عشان ماتضحكي ولو حسيتي

انك بتضحكي امسكي نفسك عشان خاطر امي!!

هزيت راسي وقلت ان شاء الله ، طبعا جو وسلمو عليا وكل ما كلموني ارد بكلمة بس عشان ما اضحك ..

يعني يقول ابويا كيفك يابنتي عساك احسن ارد : بخير!!

وامي تتكلم واختي اللي ترد اذا كان الجواب طويل ههههههههه

بعدين اسمع لهم عاااااقله واول مره يطولوا جو بداية الزياره وادن المغرب قال ابويا لامي بروح اصلي

وانت صلي هنا عند بنتك واجي آخدك ونروح البيت قالت امي خلاص ..

المهم راح ابويا يصلي وامي جلست تصلي عندي ، ابويا لما رجع خبط في الكرسي وعورو..

انا بس شفت الموقف قسمابالله ماقدرت امسك نفسي خلااااااااص طلعت اللي في قلبي new14

صار ابويا يطالع فيا ويقول يابنت صلي ع النبي اذكري الله يابنت .. رفع صوتو عليا بعدها قلبت الموجه!!

بنفس الصوت ابكي .. امي صارت تبكي معايا .. المهم وهو خارج قال لاختي بكره السبت ضروري تكلمي

الدكتور وتعرضوها ع دكتور نفساني!!

قالت : ان شاء الله .. جاء بكره شافني دكتور وكان مسيحي وهو رايح قالت اختي دكتور لو سمحت حولها ع دكتور نفساني!!

تخيلوا شمق ومشي وطنشها ولا عبرها .. صرت انا ابكي بصوت عالي :icon16: واقول خلاص انا مجنونه خرجوني

اختي هدت عليا وقالت طنشيه دحين يجي الدكتور المصري واكلمو ..

المهم جاء المصري ومعاه ممرضه وكانوا يسحبوا مني تحليل دم قبل الفطور وبعدو ..

كشف عليا وجلس يتريق معايا وقال ماشاء الله اليوم انت زي الفل ..

قلت دكتور لو سمحت اعرضني ع دكتور نفساني!!

وكان الدكتور قمة في الذوق والاخلاق .. قال لا سلمتك بعد الشر عنك عاوزاه ليش؟

قلت دكتور انا اضحك ومافي سبب يضحكني وابكي ومافي سبب يبكيني!!

قال بس كدا ولا يهمك يا ستي انت تمام وزي الفل بس دا الدواء عشان زاد عليك سبب لك كدا

ماتخفيش احنا نخفف الجرعه لك!!

والله بس قال كدا انا ع طول قمت بصوت عالي اكركر من الفرحه ..

المشكله الآدمي جايب ممرضه عشان تسحب عينة دم وانا اكركر ، فقال الدكتور ايه دا انت بتدينا عينه من الضحك

وصار يضحك معايا ، انا زدت ابغى اسكت مررررررره موقادره اختي طبعا متغطيه مسكتني من فخدي

وتضرب وتقرص وتقول اسكتي عيب ، وانا ارد ما اقدر واكركر

الدكتور شاف اختي قال لالالالالالالالالالا سيبيها تضحك زي ماهي عاوزه خلاص حنخفف الدواء!!

ونادى يمكن اربع ممرضات عشان يمسكو يدي من كثر الضحك جسمي صار يهتز واخدوا العينه ومشيوا ..

عاد انا فرحانه اتصلنا ع اهلي وبشرناهم قالوا الحمدلله .. الكل ارتاااااح ..

وللقصة بقيه كيف استمر مفعول الضحك معايا وانا طالبه والاحراج اللي يقابلني خصوصا وانا مؤدبه ومسالمه!!

بعد كدا لما اصبحت معلمه اش كانوا يقولوا عليا الطالبات!!

يلا في امان الله ..

اتمنى كل وحده تمر تسطر تعليق حتى لو وحش عادي اتقبل والصفحه دي ليا ولكم ..

سلملم ،،،،،،[/align]

 

[نزيف الامل]

رد: دكة البنات .. للسوالف و سعة الصدر

[align=center][table1="width:95%;"][cell="filter:;"][align=center]حمدالله على السلامه
ياغاليتي هموسه
من طول الغيبات
جاب الغنايم

لى رجعه ان شاء الله يا قلبي
للتعليق [/align][/cell][/table1][/align]

 

[خيوط الفجر]

رد: دكة البنات .. للسوالف و سعة الصدر

[align=center]
الله يسعدك ويشرح صدرك
كلامك زي العسل , سبحان الذي منحك خفة الدم والأسلوب الشيق في الحديث
شدتني قصتك وكان بودي لو استمريتي في الكتابة ولم تتوقفي
متابعة لكِ ياراقية
دمتِ بود
[/align]

 

[همس الحياه]

رد: دكة البنات .. للسوالف و سعة الصدر

[align=center]
الله يسعدك ويشرح صدرك
كلامك زي العسل , سبحان الذي منحك خفة الدم والأسلوب الشيق في الحديث
شدتني قصتك وكان بودي لو استمريتي في الكتابة ولم تتوقفي
متابعة لكِ ياراقية
دمتِ بود
[/align]

واياك يا الغالية ..​

شرح الله صدرك ورفع قدرك اسعدتني بمرورك وردك اسعد الله قلبك ..

وأفرحك بشفاء ابنتك ..

ولا يهمك يا الغاليه سأكمل ان شاء الله في اقرب وقت .. تحيتي لك ..
​

 

[واثقة بربي]

رد: دكة البنات .. للسوالف و سعة الصدر

ماشاء الله عليك
يارب ياكريم اسعد غاليتي هموسة في الدنيا والاخرة
انتي بحق رائعة
واتمنى ان اكون ممن تشرف بصداقتك
بارك الله فيك

 

[أضواء نجد]

رد: دكة البنات .. للسوالف و سعة الصدر

السلام عليكم ورحمة الله وبركاته
أسعد الله أيامك بالخير والمسرات أختي همس الحياه............

أول مادخلت المنتدى كنت متابعه لردود بيشو واحساسي والعزيزه نهى والغاده وغيرهن مما لاتحضرني أسمائهن... كان ذلك يزيدني شغفاً وتشويقاً لقراءة مايكتبن والآن الملاحظ أن المنتدى أيضاً لديه كاريزما من نوع خاص...........
شخصيه انبساطيه واختيار العبارات لسهولة الوصول الى عقلية القاريء بالأسلوب الشيق المتضمن أخلاق رائعه لكسب من حولك ماشاء الله لاقوة الا بالله.............
أنا من المتابعين لردودك وعباراتك الشيقه..... الله يشرح صدرك ..تونسين الواحد الله يسعدك...........ولا ننسى من ذكرتهم آنفاً لاعدمناكم كلكم تشرحون الصدر باطلالتكم......
في حفظ الله ورعايته عزيزتي همس .........

 

[همس الحياه]

رد: دكة البنات .. للسوالف و سعة الصدر

[align=center]
السلام عليكم ورحمة الله وبركاته ..

صباحكم ومسائكم ورد وجوري ..

أشكركم عزيزاتي ع الردود الطيبة بارك الله فيكم ورفع قدركم .. وأعتذر عن التأخير وإنقطاعي فترة

عن المنتدى .. لكن الحمد لله رجعت بالسلامة ..

أممممممممم أول شيء اللي بتكلم عنو هو إستمرار الضحك معايا وأنا طالبة ..

طبعا انتو عارفين اني تعبت وانا بالصف الأول ثانوي .. وجلست سنتين وبعدها رجت وعدت أولى لاني

ماكملتها لكن عدتها منازل .. وكنت استخدم الحبوب .. طبعا والضحك مازال واكثر لو وحده تكلج ( تغلط )

اكركر وافطس .. مرة كنت في حصة الرياضيات والمعلمة كانت جديدة ومحترمة وفرضت احترامها

ع الكل المهم حصل موقف تاااااااافهه وما صدقت جلست اكركر وبصوت عاااالي كأنو احد يدغدغ فيا بس

كان ع نهاية الحصة ، المعلمة طلت فيا وقالت ( منازل اش فيك ؟) طبعا هي تعرف اسمي بس اغلب ماتناديني

بمنازل ، وادتني نظره وخرجت!! انا دمعت ع طول وبلحقها بس موقادره وع طول دخلت معلمة الفيزياء وكانت

مربية فصلنا وتعرف حالتي وشرحت لها عن الدواء من قبل .. المهم كلمتها قلت يا ابلة فاتن ألحقي أبلة دلال

زعلت مني !! قالت ليش ؟ قلت ضحكت في حصتها .. قالت الحقيها واشرحي لها !!

المهم بسررررررعه لحقتها ع الدرج وهي نازله ع غرفة المعلمات وقالت ابلة دلال آسفة وجلست ابكي !!!

المشكلة تطالع فيا وتقول اش فيك ولا كأنو انت اللي قبل شويا تكركري بالقوة قلت لها وانا ابكي زي الأطفال

ابلة والله انا مو قليلة ادب بس ابلع دواء يخليني اضحك واسألي ابلة فاتن..

ما ادري فهمت ولا لا المهم مسكت يدي وقالت روحي غسلي وجهك وروحي ع حصتك وانا مو زعلانا..!!

غسلت وجهي ودخلت فصلي ووجهي احمر والبكيه باقي ماراحت اول ماشفتني ابلة فاتن قالت بشري؟

انفجرت ابكي ثاني قالت خلاص لو باقي تعبانه روحي ارتاحي ، وبالقوة سكت وكملت الدرس ..

الحمدلله صرنا انا وابلة دلال صاحبات ولما اضحك تحاول تهديني وقالت ليا لو شفتي انك ماتقدري تسيطري

ع نفسك بكل هدوء اسبحي نفسك وع المقصف اشتري مويا وارتاحي بعدها تعالي وماراح اكلمك عشان

ماتشوشري ع صحباتك .. المهم الحمدلله ربي سلمني ومررت السنوات بسلام ..

ولما جيت ثالث ثانوي في ابلة ماتعرف عني شيء وهي معلمة عربي وانا منتظمة ومؤدبة بس في هديك

السنة كانت أخطاء مطبعية في كتاب البلاغة ، المهم قالت المعلمة صححوا الخطأ مكتوب .... والمفروض ....

وانا دايم احب اجلس في الصف الاول عشان قصيره .. المهم صاحبتي اللي جنبي

ضحكت بشويش قلت اش فيك قالت شوفي الخطأ ، عاد انا ماصدقت اكركر واكركر بشويييييييش واكتافي تهز !!

وصاحبتي طلع صوتها مني ، جات المعلمه عند صاحبتي وقالت ريم اش فيك اوقفي بسرعه مافي شيء يضحك؟

قمت انا الناصحة قلت وااااااااكككككك بصوت عااااالي .. قالت وانت كمان اوقفي الضحك من غير ادب!!

ولما سمعتها كلجت ( غلطت ) انفجرت اكثر وصرت وااااااااااااااااكككك ككككك كككك بعدين بدأت تسب وقالت

هدا دليل ع ترباية اهلك لك!!!!!

ع طوووووول قلبت الموجه وصرت ابكي واصرخ وهي تسب !!

وانتهت الحصة وخرجت ورزعت الباب بقوى !!

ودخلت معلمة علم الإجتماع وانا ابكي وكانت تبغى تجمعنا مع فصل تاني وانا موقادرة ابكي بصوت عاااالي

طلبت اننا نروح وقالت لو ماتقدري تحضري الحصة اجلسي في الفصل ارتاحي قلت ابلة انا مو قليلة أدب!!

وطلت في صاحباتي مو فاهمة اش أقصد وراحوا صحباتي ع الفصل التاني وانا جلست ولما هديت رحت

غسلت وجهي واشتريت مويا ورحت لغرفة الوكيلة ( وقسمابالله أول مرة في حياتي ادخلها ) !!

اول مادقيت الباب وقلت السلام عليكم انفجرت ابكي !!

قالت هلا وعليكم السلام اتفضلي ولا تبكي اش فيك؟

ماقدرت اكمل وقالت اش فيك؟ قلت ابلة روضه خاصمتني !!

قالت اكيد غلطتي .. بس انا عمري ماشفتك عندي دي اول مره تجي !!

قلت ايوا عشان ضحكت خاصمتني .. قالت انت مو عارفه انو الضحك في الحصة ممنوع

المفروض تنتبهي لشرح المعلمة قلت وانا ابكي والله يا ابله ما عمر وحده من المعلمات اشتكت مني

بس انا ابلع دواء بجرعه كبيره وهو خلاني اضحك وابكي الا انا محترمة ..

طلت فيا وقلت لو مو مصدقاني اسألي اي دكتور .. قالت ولا يهمك انا اكلم المعلمة وافهمها بس حاولي

تسيطري ع نفسك .. قلت والله يا ابلة ما اقدر بقدر ما احاول لازم اضحك وانا ما ابغى احد يآخد فكره مو

طيبة عني .. قالت ابشري ولا يهمك بس لو حسيي نفسك حتضحكي ع طول اخرجي من الحصة وتعالي

ارتاحي في غرفتي حتى لو انا مو موجوده الغرفة مفتوحة وانا اكلم كل المعلمات اللي يدرسوك ما يكلموك

لو خرجتي وافهمهم حالتك ، قلت جزاك الله خير .. وبصراحة من بعدها خف الضحك والحمد لله

لانو كان الكل معايا وخلصت ثانوي والحمدلله بسلام وجينا للجامعه ..

طبعا في الجامعه غيرت قصة شعري فكانت ولد مرررررره ومربربه وخدودي وردية رباني ومرمدلعه نفسي!!

المهم مره عندنا محاضره جوا المكتبة ولازم نطلع درج او اصنصير فضلنا انا وصاحباتي نطلع اصنصير اسرع

المهم اول مافتح جات صاحبتي بتدخل بس تأخرت قفل الاصنصير ع نص جسها وتلقائي فتح البنت مع الفجعه

صرخت ويوم رجع اتفتح فرحت ، عاد انا ماصدقت اكركر ويسكتوني ويقولوا خلاص بنطلع عشان المحاضره

وانا لا حياة لمن تنادي .. فجأه والحمدلله وقفت وقلت يلا بسرعه مابنتأخر وطلعنا دوب دخلنا الا الدكتورة ورانا

وقفلت الباب سلمت علينا ودارة وجها ع السبورة ، انا افتكرت موقف الاصنصير وصرت اضحك بشوييييش

صاحباتي قالوا هااااااه جات الحاله ويتريقوا وكلو بشويش عشان الدكتوره ماتنتبه !!

شويا دارت وجها علينا الا انا فاطسة ضحك وبشوييييييش طلت فيا ودارت ع السبورة تكمل الكتابة !!

الا انا شويا شويا الصوت بدأ يعلا .. وهي وجهها ع السبورة قالت ايه دا انت شايفه محمد صبحي ادامك

( طبعا الدكتوره مصرية ) والله بصوت عااااااالي قلت وااااااااا كككككك ولميت اغراضي وخرجت من

المحاضرة ع برا المكتبة اكركر .. وجو صاحباتي وانا باقي ما خلصت ولما هديت قلت اش قالت الدكتوره

قالوا والله قعدت تضحك وتقول ايه في ايه عملتو لها ايه مالها بتدحك ؟

وبدأنا المحاضره وخلصناها وانت ماجيتي .. اليوم التاني رحت الجامعه بدري عشان هي عندها محاضره

الساعة 8 الى 9.30 وبعدها تخرج .. خرجت من بيتنا 7 ووصلت 7.15 وانتظرتها عند مكتبها واول ماوصلت

الا انا زي الشيطان في وجهها .. قالت مالك امس وهي لسى مانزلت العباية ولا قالت السلام عليكم!!

قلت والله يادكتوره منى غصبا عني وحكيت لها ع موقف الاصنصير قالت بس مالو داعي الضحك دا !!!

قلت والله انا استعمل علاج مزود الضحك عندي ما صدقت قلت وانا اضطريت اخرج قبل ماتقلب الموجه

وابكي جلست تضحك قالت بجد .. قلت قسمابالله واسألي اي دكتور من بعدها صاحبتني وصارت تناديني

عندها المكتب لو فاضيه وتبغى تعرف اكثر عن حالتي حيانا اروح واحيانا اعتذر ما احب رجلي تكثر عندها

وكل شويا وانا طابه اش يفكروا الناس .. المهم صرت اقول عندنا محاضرات واحيانا اتعدر بتكاليف والحمدلله

عدت الجامعه بسلام افتكر الضحك ما صار الا مرتين قدام الاستاذات والباقي كان برا مع صاحباتي بس لما اضحك

الكل يسمع واخرجها من قلبي ودايم اقول لصاحباتي لا تقولي اسكتي عشان ما ازيد ، المصيبة وحده كانت تتعمد

تضحكني وتقول اسكتي لما سألتها ليش تسوي فيا كدا حرام عليك ؟

قالت والله تعجبني ضحكتك وارتاح لما اسمع صوتها عشان كدا اضحكك !!

قلت حرام عليك والله احس بضيق في قلبي يعورني من كتر ما اضحك وبطني تعورني يرضيك؟

قالت خلاص والله بس لا تحرمينا ضحكتك ، قلت في حدود المعقول ابشري لكن لو خرجت عن طوري

اهجدي ومالك شغل فيا ، قالت خلاص اوك ..

وسلامتكم يا الغوالي ... يبقى وانا معلمة كيف استقبلوا طالباتي ضحكتي ..

استودعكم الله الذي لا تضيع ودائعة وان شاء الله قريب اسطرها لكم ..

[/align]

 

[نزيف الامل]

رد: دكة البنات .. للسوالف و سعة الصدر

[align=center][table1="width:95%;"][cell="filter:;"][align=center]الله يسعد قلبك يااختي همس
على الاسلوب الاكثر من رااااائع
والحديث الشيق في القصه
بس انا قلبني النوم وبكره اكملها ياغلاتي

ان شاء الله

دمتي افرح وبسعاده دوم
ان شاء الله

[/align][/cell][/table1][/align]

 

[همس الحياه]

رد: دكة البنات .. للسوالف و سعة الصدر

[align=center]
ويسعدك اختي الغالية ..

واتمنى لك قراءة ممتعة ..

لو اقدر كان ادرجت صوت ضحكتي لما تطلع من قلبي خخخخخ والله تحلموا فيها في الليل !!!![/align]

 

[إحسـاسي]

رد: دكة البنات .. للسوالف و سعة الصدر

يسعد مسائكم جميعآ
البنوتات الحلوات
بسبب همس دخلت ومريت مرور الكرام ع السريع
ماشاء الله عليكم وعلى سوالفكم من جد توسع الصدر
ربي يبارك لكم بدكتكم وسوالفكم
وإن شاء الله يكون عندي وقت واشاركم
لكن قلبي ودعواتي لكم جميعآ
ربي يوفقكم ويسعدكم ويفرج همكم
اللهم امين
همس شوفي رقم المشاركه الي خبرتيني عنها
وارسلي لي رقمها وانا حاضره
بصراحه ماعرفتها مريت ع السريع وخفت احدف شئ تاني غير المطلوب
وتحت امرك هموسه باي وقت
استودعكم الله ؛؛​

 

[همس الحياه]

رد: دكة البنات .. للسوالف و سعة الصدر

[align=center][align=center]
يا هلا وغلا بك عزيزتي احساسي ..

المراقبة المتميزه تستاهلي يا قلبو ..

لا لا لا ما اصدق انك مريتي ع موضوعي ورديتي هههههه

شرح الله صدرك ورفع ذرك ورزقك من حيث لا تحتسبي ..

مشكوووووره غلاتي ع حدف المطلوب ..

واعدريني غلبتك معايا ..

بس عشان لو غبت عن المنتدى تفقدي اديتي خخخخ

شكلو محد بهدلك مثلي ..

دمتي لنا يا كل الغلا ..
[/align][/align]

 

[همس الحياه]

رد: دكة البنات .. للسوالف و سعة الصدر

ماشاء الله عليك
يارب ياكريم اسعد غاليتي هموسة في الدنيا والاخرة
انتي بحق رائعة
واتمنى ان اكون ممن تشرف بصداقتك
بارك الله فيك

واياك يا الغلا .. يسعدني ويشرفني ان اصادقك​

:icon_razz:

السلام عليكم ورحمة الله وبركاته
أسعد الله أيامك بالخير والمسرات أختي همس الحياه............

أول مادخلت المنتدى كنت متابعه لردود بيشو واحساسي والعزيزه نهى والغاده وغيرهن مما لاتحضرني أسمائهن... كان ذلك يزيدني شغفاً وتشويقاً لقراءة مايكتبن والآن الملاحظ أن المنتدى أيضاً لديه كاريزما من نوع خاص...........
شخصيه انبساطيه واختيار العبارات لسهولة الوصول الى عقلية القاريء بالأسلوب الشيق المتضمن أخلاق رائعه لكسب من حولك ماشاء الله لاقوة الا بالله.............
أنا من المتابعين لردودك وعباراتك الشيقه..... الله يشرح صدرك ..تونسين الواحد الله يسعدك...........ولا ننسى من ذكرتهم آنفاً لاعدمناكم كلكم تشرحون الصدر باطلالتكم......
في حفظ الله ورعايته عزيزتي همس .........

اسعدكم الله حبيباتي ..

عن جد ردودكم تشرح الخاطر .. شرح الله صدوركم بالايمان ..

اضواء حبيبي باقي جيعانه ههههههه شويا كدا وانام ان شاء الله بس لازم

اوتر دحين ما اضمن اصحى الا ع الفجر ..

المهم لا تنسي تحطي سؤال في لعبة صح أو خطأ ...

تصدقي اليوم بس اكتشفت انك فلاويه يعني فله ههههههه الله يسعد قلبك!!

يلا يا الغلا استودعك الله .. واستودع كل اعضاء الشبكة وتصبحي ع خييير ..
​