هل يقطعون التأهيل؟؟

[الياسمين]

السلام عليكم
أنا أبقدم على الضمان بس ودي أعرف هل إذا أخذت الضمان
يقطعون عني التأهيل أنا أخذ من التأهيل 833
وعندي راتب تقاعد 2000
ياليت أحد يفيدني هل إذا عطوني ضمان يقطعون التأهيل؟؟؟؟؟

 

[الياسمين]

رد: هل يقطعون التأهيل؟؟

وللعلم أنا عزباء

 

[المزيوونه]

رد: هل يقطعون التأهيل؟؟

لا ي قلبي على حسب ظني مايقطعوننه مالهم دخل وخص اصلن ارتاحي ي غناتي
وربي ييسر كل امورك ويسعدك يارب

 

[خالد الجوف]

رد: هل يقطعون التأهيل؟؟

ممكن تستحقين مساعدة مقطوعة سنوية
وليس ضمان
لان تستلم راتب تقاعدي​

 

[رزهه]

رد: هل يقطعون التأهيل؟؟

لا ما يقطعونه

وبتوفيق

 

[الياسمين]

رد: هل يقطعون التأهيل؟؟

بس إذا عطوني الضمان يصير راتبي 2800 مهوب هذا هو الحد المانع للتأهيل

 

[العالمي]

رد: هل يقطعون التأهيل؟؟

انا استلم ضمان وتاهيل ومافيه شي مدري عن راتب التقاعد

 

[قاهر اليأس]

رد: هل يقطعون التأهيل؟؟

والله يا الغاليه ما اعتقد يقطعونه والى يفيدك بشي هذه هو المركز نفسه مركز التاهيل ماراح نعطيك الاجابه الوافيه ترى لان انتى موضوعك تقاعد وضمان وتاهيل ثلاث شغلات وهنا الشغله ترجع للمركز هم يعطونك الى يريحك اما بالنسبه لنا نعطيك المفيد الى نعرفه .. التاهيل والضمان مافي بينهم ربط ارتاحى يعنى كلهم تبع وزاره وحده والتقاعد والضمان هذه انتى تستلمين من عندهم وعارفه الوضع اما التاهيل والتقاعد انا مره شفتهم يكلمون واحد يقلون له اذا كان راتبك اقل من ثلاث الاف اعتقد يمشون له التاهيل .. بس انتى ضمان وتقاعد وتبغين اطالبين بالتاهيل هنا انا اوقف وقولك روحى لتاهيل واشرحى لهم بوضوح ويفهمونك افضل .. بالتوفيق

 

[أمير الأحزان]

رد: هل يقطعون التأهيل؟؟

أختي عادي اقدمي الضمان و ان شاء الله تم قبولك بس شروط راتب تقاعد الحد المانع 2000 و اقل ,, و اذا اكثر من الفين ريال يعني لا يشملك الضمان معاش الشهري و يشملك مقطوعة فقط ,,


اختي قدمي الضمان و لا تقول عندي راتب تقاعد , لانه يدخل حاسب الالي هو يبحث المعلومات عن راتب تقاعد الحد المانع قبول او مرفوض ..,


و انا أختي عندها راتب تقاعد 1400 ريال يعني أقل من الحد المانع 2000 و استلمت بطاقة الضمان 900 ريال و التأهيل 833 ريال ,,


و بالتوفيق .

 

[الياسمين]

رد: هل يقطعون التأهيل؟؟

أشكر كل الي ردوا علي الله يوفقهم وجزاهم الله خير
وأنا أبكلم التأهيل الشامل وأكتب ردهم هنا

 

[الياسمين]

رد: هل يقطعون التأهيل؟؟

اليوم كلمت التأهيل الشامل ولا ردوا علي
ورحت للضمان وقالوا لي عادي ما ينقطع التاهيل

 

[قاهر اليأس]

رد: هل يقطعون التأهيل؟؟

اجل بالتوفيق لك ان شاء الله ونفس ماتوقعت لك .. موفقه اختى