( حملة " فتيات "لهيئة مكافحة الفساد )

[أم سيف]

رد: ( حملة " فتيات "لهيئة مكافحة الفساد )

فكره رائعه وحلؤؤؤه بالتوفيق للجميع
وكلنا معاك يالحنااااان كله

 

[الحنان كله]

رد: ( حملة " فتيات "لهيئة مكافحة الفساد )

تسلمين ام سيف بارك الله فيك

 

[التفاؤل والأمل]

رد: ( حملة " فتيات "لهيئة مكافحة الفساد )

[align=center]
ممكن أسأل أختي الكريمة

يعني مديرة الجمعية بعد ما يوصلها الخطاب بتقدمه لأي جهة؟!
[/align]

 

[امل الغد]

رد: ( حملة " فتيات "لهيئة مكافحة الفساد )

صباح الفل والوردعلى الجميع
نوارة المنتدي الحنان كله أنا اويد حملتكي مره أخري
بصفتي عضوه في هذا المنتدى الغالي

 

[الحنان كله]

رد: ( حملة " فتيات "لهيئة مكافحة الفساد )

التفائل والامل هلا فيك

راح اوصل الخطاب للقسم الرجال في الجمعيه عشان يوصلونه لرئيس هيئة مكافحة الفساد

 

[الحنان كله]

رد: ( حملة " فتيات "لهيئة مكافحة الفساد )

امل الغد ياليت ترسل لي على الخاص اعطيك رقمي عشان اخذ منك الاسم اضيفة مع الاسماء الاخرى في الخطاب

 

[فالح عبدالله الهاجري]

رد: ( حملة " فتيات "لهيئة مكافحة الفساد )

بدون ارقام جوالات الخطاب برقم السجل المدني افضل
اخاف الارقام تطيح بيد واحد مايخاف الله ويزعج هالمعاقات

وبعدين خطابكم وجهوه لوزير الشئون
جمعيه حركيه تجمع الفلوس من التجار
انتم تبون فزعه رجال الاعمال ولا الحكومه ؟
خشو على الموضوع على طول على وزاره الشئون
وش دخل حركيه بالمعاقات او المعاقين ومصالحهم غير برنامج الزواج او احتفالات بالاسواق


مع فائق الاحترام للاخت الحنان كله

 

[الحنان كله]

رد: ( حملة " فتيات "لهيئة مكافحة الفساد )

ياليت اخوي فالح تترك الامر لي انا اعرف وش جالسه اسوي

 

[الحنان كله]

رد: ( حملة " فتيات "لهيئة مكافحة الفساد )

اخواتي مازلت انتظر تفاعلكم اكثر والموضوع بيكون من اولوياتي حتى في فترة الاجازة وبالنسبه للخطاب جالسه اشتغل عليه وان شاء الله الاسبوع القادم راح انزله لكم عشان اذا تبون يكون فيه تعديلات او اضافات يد بيد ان شاء الله نوصل للي نبيه

 

[مرح]

رد: ( حملة " فتيات "لهيئة مكافحة الفساد )

ما قصرتي يا الغلا.والله يوفقج ويبارك فيج

 

[الحنان كله]

رد: ( حملة " فتيات "لهيئة مكافحة الفساد )

فديتج مواطنه تسلمين وربي يوفق الجميع

 

[أبي أرتاح]

رد: ( حملة " فتيات "لهيئة مكافحة الفساد )

[align=center]
معكم قلبا وقالبا .. ولو إني بصراحة ما أعرف أي شي عن جمعية حركية كوني من جدة .. بس

أنا معكن من أول حرف لآخر حرف ..

وفي هامش الكلام وفي مضموووونه ..


وعسى خير ..


بس ممكن اسأل سؤال :


هالتصويت في الموقع لو وصل للمليون .. وين رح يكون صداه .. هل حيكون بس في المنتديات !!

وإلا حتكون الشغلة مكتوبة أو مسموعة أو مرئية و إلا !!!

:huh:



[/align]

 

[الحنان كله]

رد: ( حملة " فتيات "لهيئة مكافحة الفساد )

هلا قلبو جالسه اشتغل على الخطاب وراح نوصله لمجلس اداره جمعيه حركيه عشان هي بدورها تقوم بتوصيله لرئيس لجنة مكافحة الفساد

 

[أبي أرتاح]

رد: ( حملة " فتيات "لهيئة مكافحة الفساد )

المعاقات ماهم بجمعيه حركيه وبس
البنات بالسعوديه كلها وهنا منتدى يضم الكثير من ذوي الاعاقه من الاخوات

انتم ابدأو من هنا
هذا خطا كبير واسألو مجرب يعرف الانظمه والقوانين عشر سنين واكثر

انتم اعملو جلسه بينكم بنات المنتدى وهنا منبر لكم ومكان تجمعكم وسجلو خطاب بأسمكم
جمعيه حركيه مبنيه على دعم التجار مالها علاقه في المطالبه بالوزاره لازم تعرفون
يقول المثل مايحك جلدك الا اظفرك
ويقول ايضا وين اذنك ياحبشي قال هاذيك ونسى القريبه له

الاخوات انا ناصح ومقدر لكم كيانكم لكن ماريد لكم التعب والمشي وراء آمال ضايعه لكم
ليش ماتخشون بالموضوع على طول وتطالبون الوزاره افضل
حركيه جمعيه يعني قطيه يقطون لها التجار ويصرفونها لمشاريع الخير جزاهم الله خير
انتم طالبو الوزاره افضل على طول

وبعدين اذا الزواج مو مهم لك اختي الحنان كله غيرك شئ مهم له والزواج سنه الحياه
من الافضل وزاره الشئون تساعد البنات اللاتي يردن الزواج بمساعده لانه راح يشيلون اسمها من الضمان
والحكومه قويه الله يزيدها ماراح ينقصها شئ اذا ساعد المعاقه المتزوجه ب50 الف ريال او مبلغ تحدده الوزاره

ولكم مطالب ايضا ياليت تجتمون وتحددونها على شكل نقاط وترفعونها لمعالي الوزير افضل من جمعيه حركيه
شاكر ومقدر حماسك لكن اذا بتروحون لحركيه بقول لكن ان الرقم الذي تتصل به غير موجود بالخدمه نهائي
وياليت توضيح من الاخوه بجمعيه حركيه حول موضوع الاخت القديره الحنان كله

يقول المثل أكبر منك بيوم أعلم منك بسنة ( أنا معك أخ فالح في كل حرف نطقته هنا ) ..

ويا خوفي فعلا الأخت حنان تتعب وتكتب خطابها وبالتالي .. تبله جمعية حركية وتكب مويته في أقرب .......................................... !

أو تلف الخطاب على أي ساندوتش وتاكله مع الجبن والشطة !!

وعلى كل :

ربنا منا الجهد وعليك التكلان



​

 

[الحنان كله]

رد: ( حملة " فتيات "لهيئة مكافحة الفساد )

لا اختي انا واثقه كل الثقه ان الخطاب بين ايدي امينه وراح يوصل للجهة اللي احنا نبيها ان شاء الله

رجال جمعيه حركيه يعملونا دائما لمافيه صالحنا

 

[زهرة الياسمين]

رد: ( حملة " فتيات "لهيئة مكافحة الفساد )

فكره جدا جدا ررررائعه وبالتوفيق

 

[مناوي]

رد: ( حملة " فتيات "لهيئة مكافحة الفساد )


يعطيك العافية الحنان
فكره جدا جدا
رائعه وبالتوفيق
جزاك الله خير
وجعله في ميزان حسناتك

 

[فالح عبدالله الهاجري]

رد: ( حملة " فتيات "لهيئة مكافحة الفساد )

يالحنان كله لاتتعبين نفسك
حركيه جمعيه عارفه وش معنى جمعيه يعني تجمع الفلوس

الاخوات من كل مكان بالسعوديه مرجعهم ومرجع حركيه للوزاره وزاره الشئون الاجتماعيه
ارقام الجوالات وش عندك بتاخذينها وانا متاكد انك نيتك طيبه لكن مالها داعي

ارسلي فاكس لوزير لشئون الاجتماعيه
014783653
بالاسماء وارقام السجل المدني

وبعدها اتصلي بمكتب الوزير 014772121
واستفسري عن الفاكس ورقم الوارد على اساس تسجلينه وتراجعينهم او تتصلي فيما بعد للاستفسار

القوانين والانظمه وامور المعاقين انا اعرف منك فيها لاتقولي انك عارفه وش تعملي الله يسلمك
كل منا يحتاج للارشاد والنصح ومحد انولد من بطن امه عالم

 

[فالح عبدالله الهاجري]

رد: ( حملة " فتيات "لهيئة مكافحة الفساد )

لا اختي انا واثقه كل الثقه ان الخطاب بين ايدي امينه وراح يوصل للجهة اللي احنا نبيها ان شاء الله

رجال جمعيه حركيه يعملونا دائما لمافيه صالحنا

وش الصالح اللي اخدموك فيه رجال حركيه وترى الجمعيه رجال ونساء

اذا اعملو خير غير ليله الزواج قوليه
طيب معاقات الشمال والجنوب والغرب والشرق وش يسوون ؟؟
وش الافضل يروحون لمرجع الجميع وزاره الشئون او يروحون لحركيه الرياض ؟؟

اختي العزيزه انا ماارضى اتعب إي معاق ومعاقه واختصر عليهم الحلول وابسطها
لانه عامل الناس كما تحب ان يعاملوك

انتي مجتهده ونواياك طيبه لكن طريقتك خطا

 

[مرح]

رد: ( حملة " فتيات "لهيئة مكافحة الفساد )

وش الصالح اللي اخدموك فيه رجال حركيه وترى الجمعيه رجال ونساء

اذا اعملو خير غير ليله الزواج قوليه
طيب معاقات الشمال والجنوب والغرب والشرق وش يسوون ؟؟
وش الافضل يروحون لمرجع الجميع وزاره الشئون او يروحون لحركيه الرياض ؟؟

اختي العزيزه انا ماارضى اتعب إي معاق ومعاقه واختصر عليهم الحلول وابسطها
لانه عامل الناس كما تحب ان يعاملوك

انتي مجتهده ونواياك طيبه لكن طريقتك خطا

أخوي فالح.اشكرك على النصح لأختنا الحنان كله.بس الطفل أول مايمشي يتعثر.وخلهاتتعثر وبعدين بتمشي بالطريق اللي تبيه.وإنت رايتك بيضاء مومقصر.
بس عطها الفرصه والدعم وإدع لها بالتوفيق...
يمكن تسوي اللي ما قدرنا نسويه.
الله يوفقج إختي الحنان كله...