رد: حملة مطالبه بسيارات المعاقين افسحوا الطريق ودعونا نعبر
[align=center]بسم الله الرحمن الرحيم
مساكم الله بالخير جميعاً
اليوم اتصلت ع الوزارة وقلت ماني مخلي شي براسي الا بقوله ( يعني مخربها ) هههههههههههههههه
المهم اتصلت وحولني السنترال على مسئولين السيارات الخاصة بالمعاقين
اخذت اتناقش معاه بالموضوع
وصدمني يوم قال الدفعه الجايه
عاد انا بدا الشغل معي
قلت متى الدفعه الثانية قال قريب قلت قريب هذا يوم اسبوع والا ايش
هههههههههههههه
قال انت داق تستهبل قلت لا والله من القهر اللي شفناه منكم
قال واحنا وش دخلنا قلت يا أخي ترى معنا عقول يمكن تسواك وتسوى الوزارة بوزيرها بعد
قال وش نسوي
قلت شلون وش تسوون وانتم عندكم خطة ووقت زمني تمشون عليه
مافيه شي اسمه الدفعه الجايه بدون وقت
المهم الرجال بصراحة انحرج واعتذر
وقال والله مابيدي شي وهم يقولون اذا استفسرو قولو ماندري والدفعه الجايه
واعطاني تحويلة اللجنة الخاصة بالسيارات (1413)
بس للأسف مايردون
والا انه زحلقني هههههههههههههههههههههههههههههههه (يعني صرفني)
لكن انا خلاص ناويهم لو ياخذون السياره مابيها ههههههههههههههههه
يالله عاد همتكم اشغلوه بالاتصالات والله تجي وتنفع مع هالاشكال
واخيراً اسف ع الاطالة وتقبلو تحياتي جميعا
اخوكم / ضيف الله الحربي[/align]