رحماك ياربي
عضو مشارك
رد: هنا تجمع فئة ضعاف السمع
بسم الله الرحمن الرحيم
اللهم صل على محمد وال محمد
السلام عليكم ورحمة الله وبركاته
بسم الله الرحمن الرحيم
اللهم صل على محمد وال محمد
السلام عليكم ورحمة الله وبركاته
وووول تعبت من الكتابه بس تحملووووا هذرتي شوي<<< وبشوف عيال اختي وطلباتهم هاللي ماتخلص <<< جاوو معاي لاحقيني ورايا وراياوعليكم السلام....لا ابد سلامتك ..ما عندي مانع بس الوقت يمشي بسرعة الله يرحمنا برحمته
الله يسعدك ياختي .. الظاهر ما شاء الله عليك انت عندك وقت كثير بعكس انا يادوب ورايا دوام من الصبح لغاية المغرب وبعدها تبدأ الالتزامات الاسرية والاهلية والشخصية يعني وقتي ضيق جدا... فانا متأسف عالتاخير لكن اعلمي علم اليقين لا يفوت علي ما يكتب هنا والا واعلق عليه.
الوقت على حسب احيانا اكون مشغوله واحيانا لا وهالايام كلش مشغوله ... ..والعذر على التأخير <<<ماحب احد ينتظر <<< كنت مسافره يومين ..وانشغلت كثير ..من طلعات وزيارات وتمشيه...وكنت برد عليك بس مب عارفه من عيال اختي هالمجانين .مطفشيني من يشوفوني جالسه على الجوال او لابتوب يتسببون وطلباتهم كثيره.....ياخاله قومي لعبي معانا او ابي بطاطس ....الخ
<<<<ماعليه معذور والله يساعدك ...عاد خذ لك راحه فترة نقاهه ..الشغل مايخلص ...
عموما...خليني اكمل الجزء الاخير من الاسئلة اللي اجبتي عليها سابقا...
انت قلتي ملاحظة جدا رائعة وتخدمنا كثير ومو موجودة بالتفصيل الا وهي انواع السماعات وافضلها واجودها... لكن لا نستطيع التوسع بذكر الاماكن والاسعار (لأسباب تتعلق بشروط المنتدى حيث يمنع التسويق والادلاء باماكن ومراكز)>>ادري قرات النظام ...وبنفس الوقت وبصراحه توقعت يحذفون ردي ..والحمدلله طلعوا متفهمين ..لان قصدنا الافاده للجميع وعشان يكمل الموضوع مو قصدنا التسويق ...
لكن ان نتكلم عن النوعيات وايش الخصائص لكل نوع والجودة وما سوى ذلك فلااعتقد هناك مانع
وان شاء الله يتسع لي الوقت لأكتب عن هذا الموضوع لاحقا.
بالنسبة لتجربتك اللي ذكرتيها من الجميل ان نتعلم منها
* ان لبس السماعات فورا عند اكتشاف وجود نقص او ضعف بالسمع يساعد في ثبات مستوى السمع وعدم نزوله عن حده
مع عدم الانشغال بمبررات لا اساس لها كوجود شمع بالاذن او تراب او غيره وبالتالي نندم ونقول يا ليت ويا ليت <<<صحيح
.
بالنسبة للدكتورة اشوف معاها حق في شي واحد بس وهو ان النوع اللي يصلح لك هو اللي يركب خلف الاذن وهذا صحيح ..تدرين ليش(لان مستوى الضعف عندك شديد)وهذ ما يصلح له الا اللي خلف الاذن لانها قويه في جلب الصوت ومعالجته وتنقيته بالمكينة اللي خلف الاذن... اما اللي داخل الاذن فهذي تنفع للي مستوى سمعه خفيف الى متوسط >>>> انا ليس اخصائي لكن هذا حسب علمي وتجربتي<<<<<<
توقعت انكم بتكونون بصف الدكتوره بحكم انها خبره ولها خلفيات كثيره وواسعه في هالمجال ... وهذا لاشك فيه <<<لكن لحد الان انا مب مقتنعه بكلامها وكلامك << تدري ليش ..لان التكنولوجيا تطورت وكل شي تطور قبل كانت السماعات تحمل باليد ومتصله باجهزه للاذن و بعدين تطورت وصارت اصغر شيئا فشيئا ...وبعدين الدكتوره قالت نقطه اشوف فيها الحق معاها تقول السماعات اللي ورى الاذن اسهل بالنسبه للمستخدم لاول مره وطريقتها اسهل ..هذي اشوفها صحيحه ..لاني انا من لبست السماعات داخل (صنوان ) الاذن مب عارفه البسها وخايفه تطيح ودائما تصفر لاني مااركبها زين...الى ان تعودت عليها شيئا فشيئا ...وبنفس الوقت لازم نواكب التكنولوجيا لراحه افضل واسهل في كل شئ<<والحمدلله مرتاحه على هذي السماعه ..وهي تقول لي مايصلح لك ابدا ..شالتناقض في كلام الدكتوره وهي صاحبة خبره كبيره ...للاسف ماديه واقولها للمره الالف <<..و للعلم انا سالت مركز للسمع عن السماعات الصغيره داخل الاذن اذا تصلح لضعاف السمع الشديد قال لي ممكن <<ماقال اكيد قال ممكن لان ضعف السمع الشديد درجات <<<
بالنسبة للروح والجيه عشان تضبط صوت السماعة حتى انا سوا معي كذا وكل مريض راح يسوو معاه هالطريقة لأجل ان تكون صوت السماعة بالضبط متوافق مع مستوى الضعف للسمع لا زايد ولا ناقص عشان ما تصير مشاكل بعدين كالصوت العالي وما يرافقه من صداع واعراض اخرى
.<<ادري بس انا اقولك الدكتوره كنسلت ملفي وانا ماكملت حتى ست شهور ...وبنفس الوقت ماتكلمنا اذا كل شئ تمام او يبي له تعديل ...سلامات الدعوه لعب.
بالنسبة للمراكز انا ما ادرى عن الشرقية شيء لكن مركز المدينة للسمعيات اللي ذكرتيه هو موجود عندنا في المنطقة الغربية وهو وكيل لشركة عالمية اسمها فوناك سمعاتها تتميز بقوة المكينة اللي بداخلها في تنقية الصوت من الشوائب وهذا اهم شيء لازم يكون في جهاز السماعة بالاضافة لشمولها على تقنيات خفض الصوت لتجنب الازعاج وتقنية كتم الاصوات الخلفية الغير مرغوبة وغيرها فهو الافضل في منطقتنا ومتعاقده معه الحكومة في توفير سماعات لذوي الضعف الشديد.
لكنى من جهة اخرى ضد التلاعب باعصاب المريض على حساب مصلحة شخصية وهذا يلام فيه ضعف الرقابة من المسؤولين عن حماية المريض.. يعني زي ما يقال الكرة في ملعب الخصم يتصرف كيفما شاء ما احد يوقفه عند حده ...