جريدة الوطن اليوم"833 ريالا لا تكفي المعاق

[حموده]

رد: جريدة الوطن اليوم"833 ريالا لا تكفي المعاق

اخي للامانة والله كلم سليم جدا والمشكلة اذا كان المعاق طفل بيلزمة دخول مدرسة خاصة وخادمة ومن الكلام الكثير والخ....

 

[ميرنا]

رد: جريدة الوطن اليوم"833 ريالا لا تكفي المعاق

صوتووووووووووووووو يدا بيد
*

 

[حنان الدوسري]

رد: جريدة الوطن اليوم"833 ريالا لا تكفي المعاق

[frame="6 70"]
اقووووووووول الله يرحمنا برحمته المشكله مستكثرين علينا 833 ريال بالله وش تجيب ويش تخلي
والله شكلنا نسافر ونترزق الله يكون احسن اذا الفلبينيات رواتبهم وصلت 1500ريال وعادي عندهم واحنا لو طلبنا يزودونا
قامت حرب علينا مانقول غير حسبي الله على من كان بيده المسؤليه ولم يخاف لله فينا
لا مقارنه بين الامارات والكويت بدري علينا - وان جينا للحقيقه والله ان ملكنا الغالي ماقصر المصيبه اللي يتصرفون في الاموال
هذا يستحق وهذا لا يستحق وانتي متزوجه وانتي لم يشملك النضام اقول ريحونا بس ترانا تعبنا وانا ننفخ في هالقربه المتفرطه ماهي مشقوقه
كان قدرنا نخيطها -- والمصيبه 33ريال هذي وش الحكمه من وضعها حركة تمويه الله لا يكثر خيرهم:001_cool: -
[/frame]

 

[قلب عصفوره]

رد: جريدة الوطن اليوم"833 ريالا لا تكفي المعاق

أنا قلتها قبل اسبوعين في موضوع بقسم الشؤون الأجتماعية بعنوان إلى متى إعانات المعاقين 833ريال

وبعد ماتحمسوا الأعضاء وصلت الردود والأقتراحات بأن نسوي مظاهرات سلمية عشان نوصل صوتنا لأبن عثيمين وتحمسنا نفتح صفحة في الفيس بوك عشان نحصل عدد معقول ونرفع صوتنا لملكنا المحبوب قام أخوي المتفئل بإغلاق الموضوع دون ذكر الأسباب المفروض نتحمس شوفوا خرجات محو الأميه وش سووا وهم بنات
افتحوا الحين على صحيفة سبق شوفوا وش سووا خريجو الصحة
تجمع اليوم في مقر وزارة الصحة أكثر من 130 شاباً من حملة الدبلومات الصحية من خريجي المعاهد الصحية؛ للمطالبة بتوظيف جميع الخريجين في وظائف حكومية، بعد قرار تحويل 6 آلاف خريج للقطاع الخاص.

طيب وش يضرنا لو اجتمعنا مثلهم نطالب بتوحيد الأعانات لجميع المعاقين شديد وخفيف الأعاقة نبغاها 3000ريال

وربي ودنا بأكثر متطلباتنا ماتكفيها 833 يومين وتطير
صاروا خدمات الفلبينيات اكثر منا 1500
يالله طفح الكيل خلونا نتظاهر ونوصل صوتنا لأبو متعب
خلونا كلنا يدا"‏ بيد

[align=center]
[align=center]
أختي صار في موضوع نتناقش فيه بموضوع رفع الاعانه والخروج لديوان الملكي

والاخ انسان مستعد وقاعد يحاول يلاقي ناس ترضى تطلع معه وللاسف مافيه , انا مستغربه وينكم يأهل الرياض !!

واللي حوالي الرياض , ياناس الملك في الرياض استغلوا الفرصه خصوصا بمناسبه اليوم الوطني

يالا الله يعافيكم خلونا نشوفكم هناك بالموضوع ونبقى نسمعكم تقولون مستعدين حتى النساء انتوا او اهلكم اذا فيه امكانيه يالا ياهل الرياض النشامى توكلوا على الله
هذا الموضوع
[/align]

http://m3aq.net/vb/showthread.php?t=43669&page=5
[/align]

 

[ميكاتو]

رد: جريدة الوطن اليوم"833 ريالا لا تكفي المعاق

شي يحزن اللي حالنا عليه مقارنه بجيرانا الله يزيدهم من خيره
انا قبل اربع شهور رحت لمركز التاهيل اطلب زيادة اعانه لاني مصنفه من الاعاقات الشديده قالي اللي تستلميه هو اعلا شي بالنسبة لحالتك
قلت له واللي يستلم 1600 مو هذا اعلا قالي هذولا المعاقين المختلفين عقليا
ياسبحان الله الان المتخلف يستلم هالمبلغ والعاقل اقل مو المتخلف ماراح يتمنى انه يدرس ولا راح يتكلف بلبسه ولا يبغاله مع الشغاله سواق يقضي فيها مشاويره
لا ومدير التاهيل كان يكلمني وكاني اللي استلمه من جيب ابوه
ما اقول الا كل من يستصغر معاناتنا جعله يذوق مانذوق