لاهب نسناس الهبوب الشمالي

[الفرحان]

لاهب نسنـاس الهبـوب الشمالي
....تاخذني الذكرى الى عند بابك
وارجع بماضيي لذيك الليالي
....اللي بها شوقك اذا غبت جابك
ايام كانت في حياتي غوالي
....ايام يمطر وصلها من سحابك
واليوم عايش ما يهمك وصالي
....ماتدري اني اشتكي من عذابك
الصبر فيني فاق كل احتمالي
....وعرفت انه ما بقى إلا سرابك
اجلس مع اهلــي وكني لحالي
....ولا مر طيفك قلتله يا هلا بك
دايم مع الافكار اشد الرحالي
....خليتني عايش بعتمة ضبابك
للحين باقي مسكنك في خيالي
....تعيش في ذكراي ثم احيابك
تبي الصراحه يابعـد كل غالي؟
....عجزت اعيش بدنيتي في غيابك
باقي اشوفك فرحتي وراس مالي
....وحبك بقلبي لو زمانك غدابك
وان كان قدري عندك اليوم عالي
....ارجع وانا راضي بكلمة عتابـك
ارجع ترى ولهان لذيك الليالي
....الي بها شوقك اذا غبت جابك
واما ترجع وتسرع ابتصالي
....ولا تراني ميتن عند بابك​

 

[زهرة الياسمين]

رد: لاهب نسناس الهبوب الشمالي

كلمات معبره شكرا الفرحان

 

[الفرحان]

رد: لاهب نسناس الهبوب الشمالي

كلمات معبره شكرا الفرحان

اشكرك اختي العزيزة على مرورك الكريم وتشريفك الرائع . وعلى تفاعلك معي ومشكورررررررررررررره من اعماق قلبي . مع اطيب تمنياتي لكِ بالتوفيق ...