حلوة عذاريب
عضو فعال
السالفه ماهيب تحتاج المغفل والنبيه
احداثها اوضح من انوار تشمع من القمر
لي صاحب واعدته بقهوه وظليت احتريه
ساعه ورى ساعه وانا مازلت لااجله انتظر
جاني ومعه بلاك بيري شايله مابين ايديه
سلم وسلمت ومضى حكي السلام المختصر
قلت اطلب اللي تشتهي وانا اطلب اللي اشتهيه
اشر على مالذ لك اشر وتامرني امر
قال ابغى قهوة تركيا له طعم مامثله شبيه
ينقصها اجواء المطر في وسط بستان خضر
قلت ابشر وطلبت كل اللي يبي واللي ابيه
سولفت لاني مبطيٍ عنه وتقريباً شهر
بين التحفي والتشره بين كيف وبين ليه
والاجوبه ماجت الين الحين لانه تحتضر
ماغير يقلب بالبلاك وكل نغمات تجيه
رسالةٍ من بعدها رسالةٍ الين السحر
وانا اتفرج بالكوفي ثم اتأمل بالوجيه
وهذاك يشرب قهوةٍ مره وانا حالي امر
قلت الحقيقه وضعنا ياابو حمد ماارتضيه
قفل جميع اللي معك ماهوب زين يستمر
قال الصراحه ذا خويي صورته بالشانزلزيه
له صورتـ(ن) مع صاحبه ويليام على شط البحر
ويقولي طالبك سلمان الجفن سلم لي عليه
قلت الله يسلمه ويسلمك من سووء وشر
يومه لفى الجرسون حامل قهوتـ(ن) في راحتيه
رحب بنا قدم لنا ردينا كلمات الشكر
رجعت اسولف واخلط السكر وكاسي احتسيه
صبري لو انه ادمي من فوق ضلعي انتحر
لآقلت شي يقول هاه! وان قلت هاه يقول ايه!
حسيت في راسي قنابل واجده تبتنفجر
وقفت طولي وابتداء بحكي غريب يفتريه
والكاس من أيدي بليا شعور طاح وانكسر
قلت الرفيق اللي بعيدٍ مسكنه هذا تبيه ؟!
واللي قريب من وريد القلب ماجاه النظر!
هذاك احساسك وعينك مع كفوفك تحتويه
يوم انتبه كنه قعيد النوم ثمن انبهر
واقفيت عنه وقلت للدنيا امانه انصحيه
ماتفيد ياليتي ولاتنفع بعد نار القهر
ولا البلاك مستحيل اني بيوم اشتريه
وجهة نظر تبقى وكل انسان له وجهة نظر
لـ شآعرها / سلمآن الجفن
بصراحة تحكي حالي مع عيال أخواني > بجد ما هضمت هالبلاك بيري راااقت لي بقوووة
