الدكتور رفض يسوي لي تقرير

[النشميه]

السلام عليكم
يااخواني ياخواتي انا بموت من القهر وش الدبره اليوم رحت للمستشفى وطلبت تقرير من الدكتور قالي باالحرف الواحد انا مااسوي تقرير الا من ست مواعيد وفوق انا رحت له موعدين لان كانت الرعايه المنزليه تطلع لي البيت باالطايف ملفي نقلته تاهيل الرياض وراجعت تاهيل الرياض العام ودخلت على دكتوره وكشفت علي وحطت لي متابعه الان الدكتوره سافرت مصر وش الحل تكفون
وش رايكم اغير المستشفى اروح خاص والا اروح مركز التاهيل باالرياض
حسبي الله على من نزل هاالقرار باالتقارير

 

[معاند الضيم]

رد: الدكتور رفض يسوي لي تقرير

السلام عليكم
يااخواني ياخواتي انا بموت من القهر وش الدبره اليوم رحت للمستشفى وطلبت تقرير من الدكتور قالي باالحرف الواحد انا مااسوي تقرير الا من ست مواعيد وفوق انا رحت له موعدين لان كانت الرعايه المنزليه تطلع لي البيت باالطايف ملفي نقلته تاهيل الرياض وراجعت تاهيل الرياض العام ودخلت على دكتوره وكشفت علي وحطت لي متابعه الان الدكتوره سافرت مصر وش الحل تكفون
وش رايكم اغير المستشفى اروح خاص والا اروح مركز التاهيل باالرياض
حسبي الله على من نزل هاالقرار باالتقارير

وعليكم السلام

راجعي مكتب علاقت المرضى بالمستشفى نفسه وخذي معك خطاب التأهيل الي مكتوب فيه طلب التقرير ويساعدونك ان شاء الله

 

[النشميه]

رد: الدكتور رفض يسوي لي تقرير

الله يجزاك خير اخوي معاند يعني ماعاد ارجع لدكتور ارح مباشره لعلاقات المرضى

 

[النشميه]

رد: الدكتور رفض يسوي لي تقرير

متى ينتهي تسليم التقارير شهر 6 والا شهر 7

 

[معاند الضيم]

رد: الدكتور رفض يسوي لي تقرير

ينتهي 28/6/1438

بس ضروري تقدموا من الان
لان فيه زحمة وبعض الاحيان يتأخر على بال ما يطلع على حسب المستشفى و الدكتور

فلا تأجلوا الموضوع
الايام تمشي بسرعه

 

[النشميه]

رد: الدكتور رفض يسوي لي تقرير

ان شاء الله

 

[ضوء القمر]

رد: الدكتور رفض يسوي لي تقرير

مو على كيفه والدعوى ماهي بالمزاج

والله قلت من قبل بعض الدكاترة يرفع الضغط ومايبي احد يكلمه ويسوي الشي بمزاجية

الحل مع هالعينات هي الشكوى وتاخذين الشي بطرق خشم

وأتمنى اذا خلصتي من التقرير وتروحين له وتقولين له الله لايوفقك خليه يحس بمعانات المرضى

الله يوفقك

 

[ابواحمد]

رد: الدكتور رفض يسوي لي تقرير

روحي حق مدير امستشفى وقولي له قالي ادكتور ماسوي تغرير لك اشرحي له وضعك

 

[النشميه]

رد: الدكتور رفض يسوي لي تقرير

باذن الله انا ابي اروح للمستشفى يوم الاثنين ابي اروح اسوي لهم حرب عالميه والسبب هاالتقرير الله يسخر لكم اطيب عباده ماقصرتو انا بتبع كل الي كتبتوه لي بخلي اخر شي مدير المستشفى حسبي الله عليهم يوم الخميس من الساعه 11 الى الساعه 3 وانا من عياده لعياده ومن مكتب لمكتب ولا طلعت بنتيجه الله يسهل امري الاثنين قولو امين

 

[ليلاس...]

رد: الدكتور رفض يسوي لي تقرير

[align=center]ربنا يعين ويسهلها علينا ان شاء الله انا ان شاءالله بكره بروح ولتقي بدكتوري المعالج بعد 3 سنوات غياب ههه الله يستر ماغيروه [/align]

 

[النشميه]

رد: الدكتور رفض يسوي لي تقرير

الله يسهل امرك اختي لمياء والله صايرين الاطباء مايرحمون

 

[ضوء القمر]

رد: الدكتور رفض يسوي لي تقرير

الله يوفقك ان شاء الله

هذا وهو دكتور يعني عارف بالوضع المفروض يقدر بس خلاص ماتت المشاعر بقلوب الناس للأسف الأغلبيه مفيس احساااااااس

 

[يارب توفيقككك]

رد: الدكتور رفض يسوي لي تقرير

ماله حق ابد روحي مدير المستشفى لان معاك خطاب تحويل غصب عنه يخلصه باقرب وقت مو بكيفه !!!

 

[ويبقى الامل]

رد: الدكتور رفض يسوي لي تقرير

الله يسهل امورك والافضل ان تذهبي لمدير المستشفى او اي ادارة تذهبي لها لان المدير لديه صلاحيات وهو من يحسم الموضوع

 

[النشميه]

رد: الدكتور رفض يسوي لي تقرير

تتوقعون لو اروح لمركز التاهيل مايساعدوني والله ناويه اروح اداهمهم

 

[متقاعد قريبا]

رد: الدكتور رفض يسوي لي تقرير

مركز التأهيل ما بيده شيء حاولي بالمستشفى من جديد لا تخلينهم كثر الدق يفك اللحام

 

[النشميه]

رد: الدكتور رفض يسوي لي تقرير

ان شاء الله

 

[النشميه]

رد: الدكتور رفض يسوي لي تقرير

مساكم الله باالخير
ياجماعة الخير من الساعه 11 وانا باالمستشفى دخلوني على عيادة العامود الفقري وكشف على الدكتور كشف خرطي ظغط الاقدام الله يعزكم وقالي خلاص قلت له انا ابي تقرير مفصل بحالتي قالي مريني الاربعاء ونشوف لك موضوع التقرير شكله يصرفني السوداني لو كتب لي تقرير ماعجبني اقدر اغيره وادخل على دكتور ثاني انا متاكده يبي يسوي لي تقرير يسكتني اقدر اسوي تقريرين بنفس المستشفي يعني مثلا اسوي تقرير بعيادة العظام وتقرير بعيادة الجلديه

 

[النشميه]

رد: الدكتور رفض يسوي لي تقرير

يامعاند الضيم وياضوء القمر وينكم ردو علي اقد اطلع تقريرين من كل عياده واحد وارفعها باالموقع

 

[ضوء القمر]

رد: الدكتور رفض يسوي لي تقرير

مساكم الله باالخير
ياجماعة الخير من الساعه 11 وانا باالمستشفى دخلوني على عيادة العامود الفقري وكشف على الدكتور كشف خرطي ظغط الاقدام الله يعزكم وقالي خلاص قلت له انا ابي تقرير مفصل بحالتي قالي مريني الاربعاء ونشوف لك موضوع التقرير شكله يصرفني السوداني لو كتب لي تقرير ماعجبني اقدر اغيره وادخل على دكتور ثاني انا متاكده يبي يسوي لي تقرير يسكتني اقدر اسوي تقريرين بنفس المستشفي يعني مثلا اسوي تقرير بعيادة العظام وتقرير بعيادة الجلديه

اي تقدرين مو بس تقريرين حتى عشر تقارير ومن حقك هالشي

من حقوق المرضى انهم يعرفون بالتفصيل الممل عن المرض والعلاج وطرية الاستخدام

اذا تبي مثلا تقرير عظام عادي تروح للعظام ويعطونك واذا تبي للجراحة نفس الشي واذا تبي للباطنية وهكذا
بعض التقارير يجمعونهم في تقرير واحد مثلا يعاني المريض من تضخم الطخال ومثلا من كسر في القدم اليمنى ومثلا عنده الدودة الزايده ووووو بعيد الشر عنكم بس هذي الأمثلة عشان تتضح الفكرة

اذكر مره تنومت وحطوا لي اسامي الدكاترة أكثر من 5 أسامي دكتور للقلب ودكتور باطنية ودكتور عظام ودكتور الجراحة ودكتور العيون

اذا مثلا مافصلوا في حالتك في تقرير واحد عادي تحطين مثلا تقرير العظام مع تقرير الجراحة جنب بعض وتصورينهم صورة وحدة وترفعينها لأن الموقع مافي ينرفع الا لصورة وحدة

والله يشفيكي ويعافيكي وقدامك العافية ان شاء الله