الدكتور رفض يسوي لي تقرير

[لينا لينا]

رد: الدكتور رفض يسوي لي تقرير

السلام عليكم
يااخواني ياخواتي انا بموت من القهر وش الدبره اليوم رحت للمستشفى وطلبت تقرير من الدكتور قالي باالحرف الواحد انا مااسوي تقرير الا من ست مواعيد وفوق انا رحت له موعدين لان كانت الرعايه المنزليه تطلع لي البيت باالطايف ملفي نقلته تاهيل الرياض وراجعت تاهيل الرياض العام ودخلت على دكتوره وكشفت علي وحطت لي متابعه الان الدكتوره سافرت مصر وش الحل تكفون
وش رايكم اغير المستشفى اروح خاص والا اروح مركز التاهيل باالرياض
حسبي الله على من نزل هاالقرار باالتقارير

روووحي خاص وانتي مغمضه
واذا انتي بالرياض روحي التخصصي الطبي
انا رحته الدكتور قالي وش تعانين منه وشرحت له حالتي وهو يكتب من غير ما يكشف علي قلت له اذا تبي تكشف قال لا ما يحتاج ولا طلب اشعه ولا ولا شي
يوم رحت الحكومي معقديييييييييييييييييين قالي الدكتور انتي اصلا مو محتاجه !!<<طبعا ساعتين عند الاشعه وفحص مبدئي وبعدين الدكتور
قلت له انا مستفيده
قال ما تحتاجين !!
رفع ضغطي هو ماله دخل اصلا
وزارة العمل هي من تقرر الحاله اذا استحق او لا
وقالي روحي للمكتب الفلاني ورحت لهم قالو لازم اكثر من موعد و و تعقيدات

سحبت عليهم و رحت التخصصي الطبي يا زينهم
بس اهم شي التقرير يكون وفق الشروط المطلوبه بالموقع

ويارب تنقبلين

 

[النشميه]

رد: الدكتور رفض يسوي لي تقرير

ياخت لينا كيف يقبل الدكتور يسوي تقرير وانتي ماتراجعين عنده وشي ثاني اخترت اسم المستشفى باالموقع اقدر اغير والله اني بنفجر من المراجعات المشكله ماعاد فيه وقت وينتهي استلام التقارير

 

[لينا لينا]

رد: الدكتور رفض يسوي لي تقرير

ياخت لينا كيف يقبل الدكتور يسوي تقرير وانتي ماتراجعين عنده وشي ثاني اخترت اسم المستشفى باالموقع اقدر اغير والله اني بنفجر من المراجعات المشكله ماعاد فيه وقت وينتهي استلام التقارير

هو على حسب المرض

انا حالتي مستقره للابد ما احتاج لمراجعات يعني حالتي ما عاد بتطور

هو تفهم مرضي و كتب لي تقرير

لكن انتي جربي وربي يبشرك بالقبول

 

[النشميه]

رد: الدكتور رفض يسوي لي تقرير

امين يارب ياعمري يالينا طيب ممكن اسم الدكتور او رقم العياده وحده نشبه

 

[لينا لينا]

رد: الدكتور رفض يسوي لي تقرير

امين يارب ياعمري يالينا طيب ممكن اسم الدكتور او رقم العياده وحده نشبه

والله ما اعرف اسمه دخلوني عنده
و كل شي صار بسرعه
روحي لهم و راح تتيسر امورك باذن الله و الموظفين متعاونين جدا

و خبريني ايش يصير معك

 

[النشميه]

رد: الدكتور رفض يسوي لي تقرير

لينا ارسلت لك رساله على الخاص ردي علي فديتك

 

[النشميه]

رد: الدكتور رفض يسوي لي تقرير

السلام عليكم
ياجماعة الخير رفعت التقرير ولحد الان ماجني رساله ولا رد هل هم قبلوه والا لا كم يوم ياخذون الوزاره ويردون الله يستر

 

[النشميه]

رد: الدكتور رفض يسوي لي تقرير

عوذه وين العرب مابه احد سلامتكم عسى مافيكم شي

 

[ضوء القمر]

رد: الدكتور رفض يسوي لي تقرير

المنتدى فيه مشكلة كلما بحط رد ماينحط زهقت

 

[النشميه]

رد: الدكتور رفض يسوي لي تقرير

مساء الخير يااخوان علموني وش المقصود باالرساله مكتوب تم تسجيل طلب تقييم الاعاقه ودخلت طلباتي مكتوب تحت الاجرا يعني فيه قبول والا لا

 

[ضوء القمر]

رد: الدكتور رفض يسوي لي تقرير

مساء الخير يااخوان علموني وش المقصود باالرساله مكتوب تم تسجيل طلب تقييم الاعاقه ودخلت طلباتي مكتوب تحت الاجرا يعني فيه قبول والا لا

في كثيير نفسك جاتهم رسالة بس ماتغير شي يعني ان شاء الله قبول

عن نفسي قبل علطول جاتني رسالة ودخلت وتمت بالقبول بس الان مدري ليه تجي رسالة وماتغير شي :thumbdown:

 

[النشميه]

رد: الدكتور رفض يسوي لي تقرير

ان شاء الله الي جاه نفس رسالتي يعلمني وش صار معه

 

[النشميه]

رد: الدكتور رفض يسوي لي تقرير

الله يعافيكم طمنوني انا كنت فئه 23 أ والان نزلوني لفئه 24 أ واستعلمت يطلع لي تحت الاجرا وش السالفه والشهر هذا نزلت لي الاعانه نفسها الله يجزاكم خير ردو علي

 

[النشميه]

رد: الدكتور رفض يسوي لي تقرير

ردو علي الله يجزاكم خير

 

[ضوء القمر]

رد: الدكتور رفض يسوي لي تقرير

الله يعافيكم طمنوني انا كنت فئه 23 أ والان نزلوني لفئه 24 أ واستعلمت يطلع لي تحت الاجرا وش السالفه والشهر هذا نزلت لي الاعانه نفسها الله يجزاكم خير ردو علي

شوفي هالشهر طبيعي تنزل لك نفسها لأنه اخر شي للتحديث هالشهر والشهري الجاي اذا تغيرتي 24أ الى 23أ بيكون طبقوه من الشهر الجاي

اللي وقفوا عليهم الإعانات المفروض يستلمون اخر إعانة هالشهر بس شكلهم مستعجلين على قطع ارزاق المرضى وبيوفرون هالاعانات مالت الشهر ذي لاحول ولاقوة الا بالله العلي العظيم


بالتوفيق

 

[النشميه]

رد: الدكتور رفض يسوي لي تقرير

الله يهديك خوفتني يعني الاعانه راح تتغيرالشهر الجاي طيب كيف يحولوني من فئه لفئه ولسا تحت الاجرا

 

[ضوء القمر]

رد: الدكتور رفض يسوي لي تقرير

الله يهديك خوفتني يعني الاعانه راح تتغيرالشهر الجاي طيب كيف يحولوني من فئه لفئه ولسا تحت الاجرا

اسم الله عليك انا اتكلم على العموم اللي صاير هاليومين عرفتي ماكنت اقصدك

ع العموم جانب خبر مؤكد أن اللي أول ماقدم على الإعانة والتقرير متغير عن قبل خلاص بيقطعونه بالذات مرضى التكسر الدم المنجلي يعني اول ماقدم كانت نسبته 70% وبعد ماحلل وارتفعت عنده الى 90% مثلا بيخلونه يعيد التحليل وبيعطونه استمارة فيها صورتة الشخصية وبيبصمونه وبيعيد التحليل اذا طلعت النسبة مقاربة بيمشونه لأن الوزارة حتى في المستشفى والتحاليل قامت تشكك فيه هذا ماوصلني

بالتوفيق

 

[ابورنا]

رد: الدكتور رفض يسوي لي تقرير

معروف ان التقرير الطبي للانيما المنجليه ما ينقبل الا بعد ما تاخذ استمارة امراض الدم الوراثيه من التأهيل الشامل ويحطون صورتك فيه ويكتبون اسم المستشفى اللي تراجع فيه وتسوي تحليل جديد ويكتب فيه الدكتور النسبه في الاستماره ويختمه ويوقعه ويرفق معه التحليل الكهربائي للدم وغير كذا التأهيل ما يقبلون لانهم يبغون يشوفون النسبه هل هي اقل من 70 او اكثر وبعدها يعتمدونها اذا كانت اكثر من 70 واذا كانت اقل ما يقبلون واذا كانت اعلى يقبلونها وانا اتكلم من واقع تجربه ومرمطه في المستشفى . والله يشفي الجميع

 

[ضوء القمر]

رد: الدكتور رفض يسوي لي تقرير

في البداية بدون صورة واستمارة وانا شخصيا بس سويت تقرير وحطيت نسبة وتمت بالقبول بس بعد شهر زاد الضغط عندهم وقالوا لازم نعقدها عليهم

بمعنى ان مدير الاعانات مستقعد وقام يقارن النسبة اول ماسجل في التأهيل والنسبة الآن واللي نسبته فارقة كثيير عن اللي أول بيستدعونه بس اللي فرق نسبة نسبتين يعني مو كبيره وافقوا عليها

 

[ابورنا]

رد: الدكتور رفض يسوي لي تقرير

غير صحيح كلامك اصلا هم مايقبولون من البدايه الا باستمارة امراض الدم الوراثيه مرفق معها التحليل الكهربائي وواضح الكلام هذا في التقرير الطبي اللي تطبعه من النت ( يجب ارفاق استمارة امراض الدم الوراثيه ) ولما تروح عندهم اهم شي النسبة تكون فوق ال70 وانا شخصيا رحتلهم بالتحليل قالوا روح خذ استمارة امراض الدم الوراثيه وعبها من الدكتور وارفق معها التحليل الكهربائي ..