اللي عنده خبره يفيدني

[ملكة الإحساس]

السلام عليكم ورحمة الله وبركاته

عندي ابني يبلغ 28 عام من فئة 24أ مسجل بالتأهيل والضمان

رمضان الماضي نزلت له مقطوعه ولما رحت اقدم له برمضان السنه

واحد من الموظفين طلب مني أوراق وخرجت من المكتب كملت الأوراق ورجعت

يوم رجعت لقيت موظف ثاني قال لي ولدك ماله مقطوعه لانه اعزب

سؤالي
هل كلامه صحيح

 

[هوى امل]

رد: اللي عنده خبره يفيدني

هلا اختي ملكة الاحساس .. ابنك يستحق المساعده المقطوعه سنويا وماله دخل اعزب او متزوج .. يكفي انه مستفيد من التااهيل .. بس فيه ناس يحبون التعقيد ،،استمري اختي في المطالبه والتقديم وبالتوفيق

 

[سامي]

رد: اللي عنده خبره يفيدني

استمري في المطالبه يعني روحي لهم مرة تانية وحاولي تبحثين عن الموضوع الي كان عنده المعاملة وبكذا ان شاء الله راح تشمي امورك ....~

 

[قاهر اليأس]

رد: اللي عنده خبره يفيدني

اختى انتى اذا يكلمك الموظف ويقولك كلمتين لا تردين عليه لان انا مره واحد جانى كذا دخلت عليه بغيت اصرعه بمكتبه يتفلسف علينا وحنا بروحنا مرضا .. اذا قالك هل كلام روحى للمدير على طول ادخلى على المدير وقوليله ولدى اول مستلم واذا قالك جانا قرار وهسوالف ذى ترى ينصب عليك على طول هنا اشتكى عند الاماره اذا اهم خطاب من الاماره واذا مانفعتك الاماره اشتكى عند مكتب الوزير فهمتى تقدرين تقدمين شكواك كلها بيوم واحد عند الاماره وتمرين على الوزاره على طول وتقدمين الشكوه .. يلعبون على البشر هذولا .. روحى قدمى ثانى مره واذا قالك نفس الكلام سوى زى ماقلت لك لا تعطينهم وجه ماعليك منهم .. حقك وتاخذينه غصب عليهم . موفقه

 

[قاهر اليأس]

رد: اللي عنده خبره يفيدني

بس شوفى لازم يمضى على التقديم ثانى مره سنه وشهر من اول ما استلمها يعنى لنفرض انه استلمها شهر تسعه انتى لازم اتقدمين له السنه الجايه بشهر عشره كذا يعنى

 

[ملكة الإحساس]

رد: اللي عنده خبره يفيدني

هوى آمل

سامي

قاهر اليأس

ربي يجزاكم خير ماقصرتوا

 

[أمير الأحزان]

رد: اللي عنده خبره يفيدني

اختي ....

ولدك مستفيده الضمان وش نوع الخدمة عجز كلي ولا عجز مؤقت ؟؟؟

 

[ملكة الإحساس]

رد: اللي عنده خبره يفيدني

هلا أخوي امير الاحزان

ولدي إعاقته عقليه نمو العقل عنده وقف على 8سنوات

بس بعرف ايش شرط الزواج هذا اللي طالعين لنا فيه هو مسكين بحاله تعبان

الواضح انه شرط تعجيزي فقط لاغير

 

[أمير الأحزان]

رد: اللي عنده خبره يفيدني

هلا أخوي امير الاحزان

ولدي إعاقته عقليه نمو العقل عنده وقف على 8سنوات

بس بعرف ايش شرط الزواج هذا اللي طالعين لنا فيه هو مسكين بحاله تعبان

الواضح انه شرط تعجيزي فقط لاغير

اختي ....

ادخل رابط و اكتب رقم السجل المدني ولدك ....و وش نوع الخدمة عجز كلي ولا عجز مؤقت ؟؟

و هذا رابط الضمان http://mosa-d-web.mosa-d.gov.sa/NonRegister/Request.aspx

واذا نوع الخدمة ( عجز كلي ) يشمل مقطوعة كل سنة بدون شروط .....

واذا نوع الخدمة ( عجز مؤقت ) لا يشمل مقطوعة و شروط ان يكون متزوج او عمره 35 سنة واكثر ..


وبالتوفيق

 

[ملكة الإحساس]

رد: اللي عنده خبره يفيدني

الله يعطيك العافيه امير الاحزان

دخلت على الرابط وسجلت رقم السجل المدني ولقيته مكتوب عجز كلي

يعني اروح اقدم له بشوال والا بيصرفوني

 

[هوى امل]

رد: اللي عنده خبره يفيدني

اختي ولدك يحق له مساعده مقطوعه كل سنه بدون شروط .. وانا متااكده من هالشي ..استمرري بالمطالبه والتقديم ..تحياتي

 

[أمير الأحزان]

رد: اللي عنده خبره يفيدني

اختي ....

مثل ما قال اختي هوى امل .....

يحق له مقطوعة كل سنة بدون شروط لانه ولدك نوع الخدمة ( عجز كلي ) ......

اختي لازم ولدك قدم مقطوعة بعد العيد ان شاء الله ......

وبالتوفيق يارب ...

 

[ملكة الإحساس]

رد: اللي عنده خبره يفيدني

امير الاحزان

هوى أمل

أشكركم لإهتمامكم

ربي يسعدكم ويوفقكم

 

[قاهر اليأس]

رد: اللي عنده خبره يفيدني

الله يعطيك العافيه امير الاحزان

دخلت على الرابط وسجلت رقم السجل المدني ولقيته مكتوب عجز كلي

يعني اروح اقدم له بشوال والا بيصرفوني

اختى عجز كلى يعنى غصبن عليهم يقبلون معاملته غصب اتعرفين ليه لان ولدك دائما اعانته تعتبر موب على كيفه الموظف يقولك هل كلام روحى نفس ماقلت لك عجز كلى يعنى تنطبق عليه الشروط كلهااا انا عجز كلى وسنوي اخذ ولدك عجز كلى حتى لو مو متزوج ياخذ الحد الى محددينه له هو من الاعانه السنويه ولا يصرفونك شوفى انتبهى منهم ولا اتكلمينهم كذا ويقولون لك كلمتين وتمشين ناشبيهم موب على كيفهم روحى لمديرهم وادخلى عليه قولى ولدى عجز كلى واخذ السنه الى راحت والحين يقولى مايصير ماله مقطوعه وانا قلت لك انتبهى يمكن انتى فهمتى الموظف غلط او هو مافهمك ماقالك انه لازم يمضى سنه ولا مستحيل يقول الكلام ذى من عنده يتحاسب عليه . روحى توكلى على الله وقدمى له بس

 

[ملكة الإحساس]

رد: اللي عنده خبره يفيدني

قاهر اليأس

الله يعطيك العافيه وجزاك الله خير

انا رحت وقدمت يوم الخميس الماضي ونفس الموظف اللي ردني برمضان لقيته وقال لي روحي وتعالي الأحد نقدم له رفضت وطلبت ادخل للمدير ودخل هالموظف معاي وكلمت المدير وأخذ أوراقي وأعطاها للموظف وقال له قدم له خرجت وانتظرت بالصاله ورجع قال خلاص قدمنا له وانا قلبي مو مرتاح لكلامه ومن يومها وانا اشيك على رابط الاستعلام ويطلع لي غير مشمول بالبرنامج مدري ايش الحل معاهم

 

[قاهر اليأس]

رد: اللي عنده خبره يفيدني

مشمول اختى مشمول بس التغير حالة مشمول هذى اتاخر صارت معى حتى انا تاخذ وقت واتغير ريحي بالك لا تفكرين كنا نفسك كذا اول نحاتى انها غير مشمول مضى عليها وقت وتغيرت مانى ذاكر يمكن اكثر من شهر بعد بس لاتفكرين ريحى بالك راح اتغير . وتنزل من تاريخ تقديمك لها بعد اربع شهور عليك وعلى الكل الله يعين

 

[ابولجين ولطيفه ونوره]

رد: اللي عنده خبره يفيدني

ابنك يستحق اعانه مقطوعه وتاكدي منهم او ادخلي علي المدير اللي قالك انه ما يستحق هذا شخص عديم الاحساس وشخص كذاب ونصاب واتوقع ان يستحق مبلغ وقدره اثني عشر الف ريال ولاكن بالنسبه لو قدمتي له علي خادمه لا يعطونه بحكم انه اعزب

عندي اخوي ياخذ من الضمان والتاهيل واعانه مقطوعه وهو معاق ولديه نوع من التخلف ولاكن ما وافقوا لنا علي السياره بحكم انه يحرك اطرافه الاربعه لانه من شروط التقديم علي السياره عدم القدره علي تحريك الاطراف الاربعه او طرفين

ودمتم بود

 

[ابني كل قلبي]

رد: اللي عنده خبره يفيدني

اختي عجز كلي لا يشترط متزوج او اعزب
الموظف يصرفك ارجعي لهم وارفعي شكوى ضد الموظف لادارة فرع الضمان الاجتماعي

 

[ملكة الإحساس]

رد: اللي عنده خبره يفيدني

قاهر اليأس

ربي يجزاك الجنه

ابو لجين ولطيفه ونوره

ابني كل قلبي

جزاكم الله خير