مااسباب زواج اصحاب الأنجازات الخاصة من الخارج ؟

[صديقة ذوي الإعاقة]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

ادري ماحد فاهمني
اللي اقصده مال للاعاقه دخل اذا لقيت الشخص اللي تفهمه ةيفهمك
اذا بنت بلدك مافهمتك شلون الاجنبيه
وبصراحه بناتنا الاصحاء يرفضونهم مو عاد المعاق
وسبب رفضهم لا اعلمه

يعني افهم انك جربت ورفضت ؟

 

[البرنس985]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

بحكم معرفتي في اصدار التصاريح اجد ان كثير من الشباب السعودي يطلب من الخارج لان السعوديات يرفضن الزواج منه

اما السعوديات يتزوجون من الخارج نسبتهم من ذوي الاحتياجات 15%

تحياتي لكم

 

[كيكة إسفنجية]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

ممكن يرفضون ,,لكن أبصم لك باعشرة,,مو كلهم...
فيه بنات تبي الستر..وفيه بنات..لها هدف أكبر..تحتوي المعاق..فلا تعمم على الكل..

 

[جبرني الوقت]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

صدقت يالبرنس
وبصراحه هالموضوع بدا ينتشر
بصمه انا ماجربت ابد ولاني مفكر
لاني واثق اني ماراح ارفض
لاكن انا ماابي اتسرع واختار انسانه يمكن تكون مجبوره او شي من هذا
وانا قد قلتلك قبل انا اعاقتي جدآ بسيطه ولا تعيقني
لاكن انا شايف الرفض للاصحاء بدون مبرر شلون المعاق

 

[صديقة ذوي الإعاقة]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

صدقت يالبرنس
وبصراحه هالموضوع بدا ينتشر
بصمه انا ماجربت ابد ولاني مفكر
لاني واثق اني ماراح ارفض
لاكن انا ماابي اتسرع واختار انسانه يمكن تكون مجبوره او شي من هذا
وانا قد قلتلك قبل انا اعاقتي جدآ بسيطه ولا تعيقني
لاكن انا شايف الرفض للاصحاء بدون مبرر شلون المعاق

الله يهديك ويصلحك . موفق بإذن الله ... لك مني أجمل تحية .

 

[صديقة ذوي الإعاقة]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

ممكن يرفضون ,,لكن أبصم لك باعشرة,,مو كلهم...
فيه بنات تبي الستر..وفيه بنات..لها هدف أكبر..تحتوي المعاق..فلا تعمم على الكل..

صدقت والله بوركت .

 

[ورده عاقها الشوك]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

جبرنى الوقت...لشخصك وذاتك يجبر من حبك يحب اعاقتك اذا حنا يا البنات مسؤليات البيت كلها والاطفال علينا ما جعل الرجال يصتصعبون االارتباط فينا باسباب اعاقتنا بل بالعكس رايت كثير رجال متقبلينا وينظرون الينا نظرة اعجاب وذلك يعتمد على شخصيتك فاذا حسست نفسك انك معاق حس من حولك بذلك و في تجربتى مع نفسي و مع مجتمعى الخارجى الكل من حولى يقولون لا نشعر بان فيك اي نوع من الاعاقه وذلك يرجع لانى انا لم اشعر بذلك بل افسر نظرات الناس لى بانها نظرات اعجاب مما جعل ذلك يزيد من ثقتى بنفسي...من شاف غيره تهون عليه نفسه.

 

[جبرني الوقت]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

طيب كلامك سليم اختي ومنطقي 100%
لاكن انا ما اقصد الرفض يكون من نوع الاعاقه لا ابدآ يمكن الاسباب كثيره
لاكن انا اللي مستغرب منه
ليش في بنات وااااجد
الا يتزوجون من معاق مع انهم سليمات والف من يتمناهم
وشو السبب اللي خلاها ماتبي الا معاق
اذا لقيت لهالسؤال جواب
ساعتها اقتنع اني مو معاق ابد

 

[كيكة إسفنجية]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

[frame="1 98"]
راح أجاوبك..بما إني سليمة..ولله الحمد..

1/ ليس معاق..إذا كان عاقل وتفكيره في الحياة راقي..
2/ المعاق..يتمتع بمشاعر صادقة وجياشة..تحلم بها أي امرأة,,بينما السليم..يطغى عليه جانب القسوة والجلافة,,والتكبر في كثير من الأحيان.
3/ المعاق.. وفي ومخلص لأصدقاءه..فما بالك بنصفه الثاني..التي قبلت به رغم إعاقته..
حتماً سينظر لها بعين الإجلال ..والمحبة..
وأخيراً..المعاق في نهاية المطاف..إنــــــــــســــــــــــــــــان شاعري..
[/frame]

 

[جبرني الوقت]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

اهاا كلام جميل

 

[صديقة ذوي الإعاقة]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

[frame="1 98"]
راح أجاوبك..بما إني سليمة..ولله الحمد..

1/ ليس معاق..إذا كان عاقل وتفكيره في الحياة راقي..
2/ المعاق..يتمتع بمشاعر صادقة وجياشة..تحلم بها أي امرأة,,بينما السليم..يطغى عليه جانب القسوة والجلافة,,والتكبر في كثير من الأحيان.
3/ المعاق.. وفي ومخلص لأصدقاءه..فما بالك بنصفه الثاني..التي قبلت به رغم إعاقته..
حتماً سينظر لها بعين الإجلال ..والمحبة..
وأخيراً..المعاق في نهاية المطاف..إنــــــــــســــــــــــــــــان شاعري..
[/frame]

اتفق معك 100

 

[شروق]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

بنظري انا الاعاقة اعاقة الفكر وليس الجسد
والرسول عليه السلام قال مما ترضونه بدينه وخلقة ....
شـكرا لك وبارك الله فيك ... لك مني أجمل تحية .

 

[امال]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

[align=center]
[align=center] لي فتره اشوف الموضوع اقول يابنت شاركي ناقشي بس متردده واليوم قررت[/align][align=center]
اعطيكم الزبده من الموضوع ذا كله :


1- السعوديه رافعه خشمها بصراحه مع انها الحمدلله والشكر شين وقوات عين الا من رحم ربي .
ويالامل المتجدد لاتدافعين عن البنات لان مايعرف لعانتهم كثري الغالبيه فيهم طبعا .. وقليل من الصالاحات ترضى بالمعاقين وتتحمل حالته الماديه التعيسه ؟
وغالبيتهم تبي احد يتحمل المسؤليه عنها اذا مو معها ، ولاتلومونها اذا كان بامكانها تاخذ سليم ليش تفكر بالمعاق؟ :confused1:ترى ماحنا بزمن التضحيه والرومنسيه ابد

2 _ طبعا الرجال حدث ولا حرج بصراحه في المعاقين بالذات رفعة خشم عن دون الرجال الباقين وانا عايشه معهم واعرف نفسياتهم .. الحين يوم ان الله كتب عليك تتحرول ليش ماتقبل بالزواج من محروله مثلك ؟ :confused1: اقل شي تفهمك ماتحسسك بالنقص .
اعرف بنات مساكين راضين بمعاقين زيهم وعايشين على القد وفوق ذا كله يجيها ذا المحرول ويعايرها بكل وقاحه تحمدي ربك اني ماخذك وانتي كذا ؟ مسوي فيها توم كروز على غفله .
والرجال المعاقين فيهم عيب ثاني استعجالهم بالزواج من اجنبيه يعني مايصبرون مايدورون زي الناس ولا ياكثر البيوت الي تزوج طالما ان الانسان يخاف الله ويقوم بمسؤليات بيته .. استغرب من ذولا شلون يعاشرون اجنبيه بصراحه .. اقل شي بيفتقده وبيحس بنقصه عن غيره مايقدر يسولف معها زي خلق الله انسانه مختلفه عنه بكل شي واول مايجيه عيال تربي فيهم ذا الاجنبيه ولائهم لبلدها .. ويكون تيتي تيتي مثل مارحتي جيتي .

الرجال السليم يفكر مليون مررررررررررررررررررره قبل لاياخذ انسانه معاقه ولا ياخذها اذا كان تعبان ماديا ولا متزوج ولا فيه بلى وهذا الشي انا شفته بعيني .. يعني التخلف اسمحولي عام بمجتمعنا لانشره على خلق الله :closedeyes:

3- احس الاصل بالمشكله ذي هي تربية مجتمع لعيالها من الاناث والرجال على حد سوا على الانانيه .. الاتكاليه .. حب التباهي والهياط

4- مجتمعنا السعودي ينقصه كثيرررررررررررررررر من الوعي بالمعاق وقضاياه اولها زواجه .

5- المعاق يبي سليمه تشيل معه وتساعد .. والمعاقه تبي سليم يشيل عنها .. مع ان الصح والاصح زواجهم من بعض لتفهمهم لضروف بعض صدقوني

6- ارفض رفض بااااااااااااات من زواج عيالنا باجنبيات . زواجهم بالاساس تراه على طمع ومصلحه سوا زواج معاقه ولا معاق .. مابينفعهم الا بنت ولا ولد ديرتهم .

<< اعقلي محد شاورك


هذا علمي وسلامتكم :5:
[/align]
[/align]

 

[نور]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

كلامك صحيح الى حد كبييير

انا ابصم لك بالعشر ان الرجل المعاق مثله مثل السليم ما يفكر الا براحته وبس

ولا هذا عذر يتعذرون به وبس


مجرد راي

 

[فالح عبدالله الهاجري]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

زانت علومك امال
شوفي ولا شوفو اخواتي
يعني انتم ماحطيتم الحره الا بالمعاقين تتزوجونا
ليه ماتقولون للسليمين
الله اكبر الزواج مو بالكلام وانا الحمدلله مابي احط قيود ولا اعطيكم امال وهميه

قلتلكم الفكره وكثيركم قال يستنفر مايبي الزواج ببيته واهله يرعونه
يعني معاق يتزوج معاقه ليش لا يتزوجون اذا معاق سمعي بصري ابكم شلل اطفال عرجه بسيطه

اما حنا يالنخاع الشوكي لاتقربونا ولا نقربكم محد متحملنا الا الاجنبيات
اذا سعوديه ببيتها وتفكر تفكير سليم تبي اطفال لاعجزت بعد كم سنه بنتها ولا ولدها يساعدونها هذا الصح

اما تبون معاقين حركيين وشغاله وسواق ويازين الكراسي بالبيت تقول مستشفى التخصصي ولا مدينه سلطان
فلان وزوجته مسببين زحمه بكراسيهم بالبيت وغرفه النوم اخونا في الله وصخ السرير

قومي يافلانه نظفي السرير
اصبر بنادي الشغاله ولا قومي روشيني ولا ولا
بالقوه هي معاق ماعنده تحكم تبونه يتزوج معاقه ويفتح بيت ولا ببيت اهله
اخاف بعد بغرفه النوم تجي الشغاله تساعدهم
قروشه من جد

بتزوج اجنبيه وبكفخها ان قالت لا
اما السعوديه السليمه ان قلت برم قالت ودني اهلي
طيب وانا متخسر يابنت اللذينا واخرتها اهلك
اتكلم عن السليمه
اما المعاقات لايكلموني الا اولياء امورهم
ويراسلوني بالايميل ويكتبون ارقامهم وانا مستعد اكلمهم واقنعهم بعد
انتم تبون الشئ بالقوه
تبون بيت وشغاله
وحاطين حيلكم بالمعاقين الحركيين
ماتجي ماتجي معاق مصاب بنخاع شوكي يتزوج سعوديه معاقه او سليمه كأن حنا نقول واحد زايد واحد يساوي ثلاثه
ياعالم يساوي اثنين وانتم لالا يسلوي ثلاثه

اذا شلل اطفال يتزوج شلل اطفال معقوله
واذا بتسمعون كلامي فيه تجمعات بتجي ان شاء الله
عند وزارة الشئون ومؤسسه الامير سلطان
تعالو خلونا نتجمع ونتوحد ونتعاون ونتفق حتى ننتصر بمشئيه الله تعالو يالشرقيه والرياض والقصيم مانبي الشمال والجنوب والغربيه مانبي نتعبهم تعالو تعالو
اعملو خير للمعاقين بالسعوديه
نبي مكتب بالوزارة لزواج المعاقين بينهم
نبي معاق او معاقه موظفه ماتنقطع عنها الاعانه
نبي صرف بدل اعاقه بالضمان الاجتماعي
عموما موضوع التجمع ماله دخل بموضوع الزواج لكن حبيت اوضح

 

[امال]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

[align=center]

تدري فالح ليش احط حرتي بالمعاقين ؟؟
لانهم هم الوحيدين القادرين على تفهمنا زين ... هذا شي الشي الثاني ان الشخص المعاق رجال ولاتنسى اننا بمجتمع رجولي بحت .. يعني الرجال يقدر يتخذ قراره ويسوي مابراسه ولا احد يقوله شي او يحاسبه !!

السليمين عمرهم مابيستشعرون حجم ماساة البنت لاتعوقة ابد صدقني واول مايفكر سليم بمعاقه يقول انا طالب الاجر والكلب يكون قاصد يستمتع فيها باقل التكاليف كونها معاقه طبعا .

يابن الحلال زواج المعاقين وش يحتاج ؟؟ زيه زي اي زواج بين ذكر وانثى ولا تصعب لي الامور يلي تجاهر وتقول بانك شخص متفهم وقادر على الاقناع
[align=center]
بعدين اذيتوني بسالفة الشغاله ياخي .. الحين حتى القطوه تجيب شغاله يعني حبكت على المعاقه مسكينه ؟
وعادي جدا تقدر تساهم فيها اذا تبي تتزوج وتستر نفسها سوا من معاق ولا غيره يعني ماهي قضية ولا معضله
[/align]
خير ياطير خل الناس يقولون تخصصي وعربيات متزاحمه بغرفة النوم واذا ؟؟
ياخي اذا فيه اعذار الواحد بيقولنا يقول شي معقول زين

الله ماشفناه بالعقل عرفناه .... اذا اردت ان تطاع فامر بما يستطاع


الحين سؤال صريح يافالح ... لو جيت ابي اعرس وابوي مو مقتنع اجي اقوله تكفى يبه خذ ايميل فالح يقنعك تزوجني قبل اعجز ؟؟
واذا قال يالخبله مين فالح ؟ اقوله يبه صديقي ههههههههههههه
والله ان يقلب الكرسي الي جالسه عليه فوق راسي ويقضبني شنطتي وعلى اقرب دار عجزه زين

انت حط افكارك وخل الناس تشوفها بس الي بيسوي زيك ويقنع اولياء امور يافالح مايجلس من ورى جهاز ويقنعهم يفتح مكتب تزويج وفيه مشايخ ولا حتى ناس محترمه ومهتمه بذي المواضيع شي ممكن الواحد يتحمس ويرسلك على اهله من غير ماتطير فيها ارقاب وانا اختك

نقول الاهل يساعدون المعاقه ويتفهمون حقها بالزواج من معاق ولا سليم ايه معك بس خلوها تعيش معكم ..!! سلامات وش تغير بحياة بنتهم ولا شي جابو لها شخص يرتاح عندها جنسيا ويطلع بس ؟؟
لايافالح غلط فيه ناس مايخافون الله لو شافو هالتنازلات من المعاقه واهلها بيدمرون نفسيتها صدقني وبيلعبون فيها مسكينه لاتطرح الفكره وتاخذ ذنوب البنات .


معاق متفهم + معاقه تبي تعيش = اسره بمنتهى الروعه حتى ان مارزقهم الله بعيال



بعدين سالفة التجمع أو ( قضية فلسطين ) مشكلتنا يالمعاقين كلن يسعى ورى مصلحته ليش ؟
لاننا بشر واغلبنا يقول اذا فلان بيروح ليش اتعب نفسي واخرب اوضاعي .. والبنات ياناسو عليهم الانسات المدللات ماتبي ولا وحده تقول بروح معكم وان راحت وحده ماراح غيرها يعني رجعنا وانصبينا في مصب الانانيه
[/align]

 

[نور]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

السلام عليكم ورحمة الله وبركاته

والله صار هذا الموضوع حماسي جدا .

كلام الاخ فالح ممكن يكون فيه بعض الحلول لاكن هو ما راعي ان البنت المعاقة صعب بقوة انها تكلم احد من اقربائها وتقول تراني اعطيت رقمي او بياناتي لهذا المشروع عشان يدوروا لي زوج حتى لوكانت امها او اختها مستحيل .

مثل ما قالت امال ايش تقول لابوها ولا اخوها ؟؟

كمان يا اختي امال انا اشوف مافيها شي اذا البنت تزوجت وعاشت مع اهلها وفي بعض المعاقات واعرف كثير منهن تملك سكن خاص بها وحدها وتتمنى ترتبط بانسان يعيش معها .


القضية هي واللي انتو غافلين عنها واللي هي اهم شي ( هل الرجل سواء معاق او سليم مقتنع بالزواج من معاقة ) ؟

 

[فالح عبدالله الهاجري]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

اصلا انا مع التجمع بالوزارة
راح اقدم ورقه وفيها اقتراح
طبعا ماني قايل فكرتي ذي لانها بينا بين
الورقه ان المعاقين لاتزوجو ببعض يمنحون مساعده
ولا تنقطع عنهم الاعانه مدى الحياه حتى لو رواتبهم 20الف
والضمان ايضا

يعني بيصير فيه اخذ وعطاء بهذا الخصوص
لكن الخمه عارفهم بالدراسات والبحوث
وانتظار
والاعلام ايضا
الارزاق من الله وارجع اقول لابد من التنازلات
واذا المعاقه تتزوج ببيتها ادري والله صعبه
لكن اهل المعاقه اذا تقدم لها احد من جماعتها او معاق مثلها
بصراحه الموضوع بين غار وبين نار اعترف بذلك
ان رحت من هالناحيه مظلم وان رحت هنا تلاقي صعوبه
الله يوفق الجميع
واقدم اعتذاري لااحد يزعل

 

[امال]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

[align=center]
نور المعاقين مايبون معاقه تدري ليش؟

لان الرجل السعودي بكل بساطه يحب الراحه مايبي يتعب عمره مع احد انسان مهيئه له الحياه المرفهه فليش يمنح الحياه لغيره من المعاقات اذا بيلقى وحده سليمه وترضى فيه .. وان مالقى اقرب مكتب سفريات ولاقرب بلد يجيب منه اي انثى ويتزوجها ولا يفكر بالاضرار المستقبليه له ولعياله .

وسالفة ان تعيش مع اهلها فصدقيني صعبه قولي اذا الاهل مقتدرين ماديا ايه يعطونها بيت او شقه ويساعدون معها بس تعيش بنفس البيت مشكله لانها بتحس بالنقص اكثر من قبل ماتتزوج ..

الرجال يعيش مع اهله معقوله بس البنت صعبه صدقيني وحطي نفسك بالموقف وعيشيه .. اذا جاء زوجها الكل بيدري الموضوع حساس ترى

فالح تعجبني نفسيتك الرياضيه

[/align]

 

[صديقة ذوي الإعاقة]

رد: مااسباب زواج اصحاب الأنجازات الخاصة من غير السعوديات ؟

رد: مااسباب زواج اصحاب الأنجازات الخاصة من غير السعوديات ؟

[align=center]
نور المعاقين مايبون معاقه تدري ليش؟

لان الرجل السعودي بكل بساطه يحب الراحه مايبي يتعب عمره مع احد انسان مهيئه له الحياه المرفهه فليش يمنح الحياه لغيره من المعاقات اذا بيلقى وحده سليمه وترضى فيه .. وان مالقى اقرب مكتب سفريات ولاقرب بلد يجيب منه اي انثى ويتزوجها ولا يفكر بالاضرار المستقبليه له ولعياله .

وسالفة ان تعيش مع اهلها فصدقيني صعبه قولي اذا الاهل مقتدرين ماديا ايه يعطونها بيت او شقه ويساعدون معها بس تعيش بنفس البيت مشكله لانها بتحس بالنقص اكثر من قبل ماتتزوج ..

الرجال يعيش مع اهله معقوله بس البنت صعبه صدقيني وحطي نفسك بالموقف وعيشيه .. اذا جاء زوجها الكل بيدري الموضوع حساس ترى

فالح تعجبني نفسيتك الرياضيه

[/align]

صدقت بكل كلمة قلتيها درريا امال ,